احلامنا
بتعيش سنين جوانا
وننام وتبقي معانا
وفثانيه تفارقنا
وكتير نصيبنا ياخدنا
عن حلمنا ويبعدنا
واوام يفرقنا
يا حلمنا يا نور
مركب ورق في بحور ...
الدنيا والاحلام
يا قصه حكيناها
والعمر جواها ...
ثواني ... مش ايام !
قولولي هحلم ليه ؟
مدام طريقي طويل
خلاص هيفرق ايه
كابوس وحلم جميل ؟ !
احلامي ليه دايما
مرسومه عالميًّه
والدنيا دوامه
بتلف ليه بيا ؟!
------------------
دي كانت اغنيه من اغاني ليكو 2008
وبعنوانها غيرت اسم البلوج
من
عفوا لقد نفذ رصيدكم
الي
احلام مع ايقاف التنفيذ
---------------------
مش عارف حسيت ليه ان كل الشباب عنوان حيتهم الاول والاخير هوا
(احلام مع ايقاف التنفيذ)
احلام مفقوده ... او خلينا نقول ... (احلام مقتوله)
لكن يا ترى مين الجاني ومين اللي وقف تنفيذ الحكم ...
اقصد الحلم ...
الله أعلم !
-----------------------
متعجبين ليه ان الشباب هيس
وان البنات فعز شبابها بتعنس
مش انتو اللي سرقتوا الحلم من بكره ؟
وبقي الجبان فيكم بيتمريس ؟!
من رباعيات ليكوريكا (ج1)
هناك ٥ تعليقات:
جميل اوي النيولوك والاغنيه
بالتوفيق دايما ... معرفش هتبطل كآبه امتي ؟
تسلم ايدك يا ليكو .. الأغنية حلوه .. مش مهم نوعها ايه .. لكن المهم انك احساسك عالي أوي فيها .. والنيولوك جميل جداااااااااا ..أنا لقيت نفسي مبسوطة أوي انهرده قلت ادخل البلوج بتاعك يمكن الاقي حاجه تكئبني شوية والحمد لله لقيتها وفي النص في وشي ..
:D
عموماً :: الف شكر يا ليكو:)
شكرا يا (غير معرف) ويارب دايما منورني :))
شكرا سمسكا ودايما منوراني يارب
ودايما تبقي متفائله يارب وميبقاش في اكتئاب خالص
:))
ربنا يوفقك يا محمد
ويبقي البلوج ده اشهر بلوج في العالم
إرسال تعليق