التسميات

الثلاثاء، 19 فبراير، 2008

ضرس العقل




السلام عليكم يا زائري البلوج

انا بعتذر عن عدم استكمالي لتفاصيل اسبوع الفتيات

لاني وعقبال عندكم -بعقل- ؟!

في ضرس في جنوب شرق بقّي بيطلع وحاسس انه هيطلع روحي معاه

هوا كل سنه بيطلع منه ملّي بس السنادي حاسس انه هيخلص عليا

-----------------------

وتقدروا تقولوا ان كل انشطتي الحيوه متوقفه تماما

كفايه انه صحاني امبارح الساعه ثلاته فجرا عشان اقوم واخد مسكن

وياريتها تيجي عالضرس وبس

لا كمان انا شاعر بحالة خنقه فظيعه من كل حاجه

كل واحد بيفكر فنفسه وبس ومحدش حاسس بيا

كل واحد بيطلب مصلحته وبس ومحدش بيفكر ده هيبقي علي حساب ايه ولا على حساب مين

اتخنقت اتخنقت اتخنقت :(

وشكلي هاخد قرار اكيد هيزعل ناس كتير مني ... بس اتمني انه يريحني ويريحهم ...

المهم انا قلت اعتذرلكم لحد مموجة الخنقه دي تروح وبعديها اكمل حكاية اسبوع الفتيات

اشوفكم علي خير وكل يوم وانتو طيبين :)

هناك تعليق واحد:

smska يقول...

ايه ده ؟؟ ليييييييييييه الكآآآآآآآآآبه دي كلها ؟؟ متقولش كده يا ليكو باشا .. أولا ألف سلامه عليك .. ثانياً .. متفكرش في كده لحظه أكيد انت مش عارف ان في ناس بيحبوك وبيحسوا بيك .. طلع الموضوع ده من دماغك .. وشد حيلك بقه الكليه بدأت .. علشان تجيب تقدير عالي ان شاء الله ..

:)

مش مهم اللي فات - سيبوني احلم باللي جاي