التسميات

الأحد، 3 فبراير، 2008

حكاية حب ... ليكو 2008



حكيتلي مره بنوته ...
عن قصة حبها
لكن مكنتش مبسوطه ...
ودارت حزنها

----------------

قالتلي لما شافني ...
سأل قلبه وعرفني
وانا برضو لما شفته ...
حسيت انه واحشني

ودار بينا كلام
حكاوي كتير جميله
لحن وغنوة غرام
بنقولها كل ليله

ووعدنا بعضنا
الحب يضمنا
يكبر الحلم فينا
ويعيش مليون سنه

آآآه

بس فثانيه افترقنا
والشوك ملى طريقنا
والحلم لقيته ضايع
والحب راح وفاتنا

مش ذنبه !
ولا حتي كانت غلتطي ...
حبينا !
بس الفراق كان نصيبه وقسمتي ...

واحنا فثانيه افترقنا
والشوك ملى طريقنا
والحلم لقيته ضايع
والحب راح وفاتنا

هيا الدنيا وهيا
احلام قدام عنيا
آجي المسها تهرب
والحزن تجيبه ليا

مكتوب لينا الجراح
مكتوب لينا الآهات
مالحلم فثانيه راح
واصبح ذكريات

----------------

وده كان كلامها ليا
مجروحه فقلبها ...
نزلت دموع عنيا
منا اصلي زيها :(

ليكوريكا




هناك 5 تعليقات:

sara يقول...

جميلة اوي يا حج تسلم ايدك

مش عارفة اقلك ايه الصراحة :((

ليكوريكا يقول...

شكرا يا ساره

منوره البلوج والله

ومتقوليش حاجه

كفايه انك نورتيني :)

no4denmark يقول...
أزال المؤلف هذا التعليق.
smska يقول...

رووووووووووووعه بجد يا محمد .. كلماتها جميله جدا بجد تسلم ايدك ..
واختيارك للصورة اللي بتحطها في بداية اي كتابه ليك .. بتكون مناسبة جدا للموضووع ..يارب دايماً كده في تقدم ...

ليكوريكا يقول...

رووووووووووووعه بجد يا محمد .. كلماتها جميله جدا بجد تسلم ايدك ..
واختيارك للصورة اللي بتحطها في بداية اي كتابه ليك .. بتكون مناسبة جدا للموضووع ..يارب دايماً كده في تقدم

---------------------------

طبعا منوره البلوج يا ساره

وكويس انها عجبتك علي الرغم من انها تندرج ضمن الكتابات الكئيبه :(

اتمني اكون دايما عند حسن ظنكم

ويارب تخفي بسرعه يارب وترجي تتنطتي وتتشاقي تاني

اخوكي ليكوريكا :)

مش مهم اللي فات - سيبوني احلم باللي جاي