التسميات

الجمعة، 4 أبريل، 2008

اضراب عام ... يا سلام يا سلام




بيقولوا في اعتصام بعد بكره يا بشر

يوم الأحد 6/4/2008

وورايا بعد بكره برضو امتحانين في الكليه ؟

وورايا بعد بكره برضو 3 سكاشن !

وورايا بعد بكره برضو كورس؟

-----------------------------

طيب المهم سيبوكم مني انا

المهم دلوقتي ان بعد بكره اول اعتصام هتشهده مصر في تاريخها الحديث

وبغض النظر عن رأيي فيه

فهوا ظاهره صحيه جدا وبتدل ان المصريين لسه (بيحسو) علي دمهم

----------------------------

ونقول كمان :

اعتصام ماشي

مظاهرات سلميه ماشي

نقول لأه للظلم ماشي

بس ده يعمله اي حد الا الناس اللي لو اعتصموا هيتضر غيرهم

أوعى يا دكتور تعتصم

اوعي يا صيدلي تعتصم

اوعوا تقفلوا المستشفيات

اوعوا تبطلوا المواصلات

واللي بيقول غير كده ، تخيل ان مثلا مراتك حامل وعاوز تنقلها المستشفى

في التاكسي وفين المستشفى وفين الدكتور وفي الصيدلي ...

وقفه قدام الظلم آه ، لكن منظلمش غيرنا واحنا بايدينا ارواح ناس تانيه

اتمنى ربنا يوفق كل واحد في ايده خير البلد الطيبه دي

والشعب الطيب ده ...




هناك 12 تعليقًا:

Bounto يقول...

اخيرا هايبقى فى حاجه هانعملها احتجاجا على الوضع
لان بجد معرفش هانوح فين بعد كده من الاسعار دى ولا ايامنا الجايه هاتبقى عامله ازاى
وغير كده بقت كل حاجه فى البلد عاوزه اضراب واعتصام عشان الوضع يتعدل
بس انت صح فى كلامك عن الدكاتره والصيادله والموصلات لان اكيد فى ناس هاتحتاجهم
المشكله مش مشكله انهم يشتغلوا مش ده المهم المهم ان اللى هايحصل يبقى حاجه بنقول بيها لا سواء كلنا اعتصامنا ولا لا
والمهم كمان ان الاضراب ده يعمل حاجه بجد ويغير حاجه وممكن نقول بردو اهو بنحاول وشرف التجربه يكفيك

ليكوريكا يقول...

لولولوولولولولولولووليييييييييييييييييييييييييييييييييييييييي

مش معقول بعد ساعتين تعليم ازاي تدخلي بلوج

وازاي تعملي رد



انا مش مصدق نفسي بونتو هنا في البلوج

وكمان بترد رد مهم زي ده

ده لو مصر خدت خبر انك رديتي هنا

اكيد الاعتصام هيتلغي :)

منوره يا بونتو

واديكي عرفتي تردي اهو

عاوزك تدمني البلوج زي الشوكولاته

:))

لست أدرى يقول...

على فكره الاعتصام ده بدأ تقريبا من جروب على الفيس بوك عدد اعضاؤه 20الف والموضوع اتعرف لغايه ما تقريبا
مصر كلها عرفت بيه

هقولك حاجه انا طبعا عندى الاسبوع كله امتحانات , غير كده انا مش بقتنع بفكره التظاهر والاضراب مش عارفه ليه ؟؟؟يمكن عشان مش بلاقى رد فعل ليهم ؟ مش عارفه بجد
بس بعد ما دخلت الجروب وقريت بجد كلامهم خلانى اعيد تفكير

خلينا نتكلم من ناحيه زياده الاسعار
عندنا السوق عرض وطلب
لو فى اليوم ده توقف الشراء فقط , تخيل مدى الخساره زى ماهما فى الجروب وضحو
وزى مانت قلت فى حاجات مينفعش فيها اضراب زى المستشفيات والا هتصبح فوضى

ع العموم بالرغم انى مش هقدر اعمل اضراب الا انى بجد بنشر الفكره للى مايعرفهاش وبنصحهم بالاضراب

لعل وعسى شىء يتغير

ليكوريكا يقول...

تمام يا ايوان

وفعلا حصل كده لو تفتكري فبورسعيد

لما قاطعوا البضايع لمده اسبوع

والتجار رجعوا كل الاسعار زي مكانت

بس بجد الموضوع عندنا في الشرقيه الناس مش واخدينه جد خالص

اتمني باقي المحافظات ميكونوش كده :)

IceFox يقول...

أنا ملاحظ تغير صحى فى أفكارك نحو الأحسن
Keep Going يا ليكو

ليكوريكا يقول...

ههههههههههههه

انت ايه اللي جايبك هنا يا واد

منورني طبعا ومبروك النت

وده مش تغيير ولا حاجه

انا من الأول ثابت علي موقفي

واقرا كلامي وانت تفهم كده كويس

منورني مره تانيه

ويارب متكونش ىخر مره :))

no4denmark يقول...

معاهم قلبا وقالبا
وادينى مضرب فالبيت اهو
لأ قصدى فبيت جدى :(
بس بجد كل الناس بتتكلم فى الموضوع
خطوه ايجابيه يا اخى
دا حتى لو الأضراب مجابش نتايج كويسه
بس على الاقل مؤشر ان المصريين لسه بيحسو وعنهم دم

ليكوريكا يقول...

كان نفسي تيجي زيكا النهارده

(زيكا دي جمهورية الزقازيق الشعبيه)

يارب ميكون مصر كلها كده !

no4denmark يقول...

كان فى ايه فزيكا
اكيد ولا كأنهم عايشين معانا فمصر :))

لست أدرى يقول...

لا الحق يقال يا جماعه

زيكا كانت مليانه بعربيات الامن المركزى

لكن مكنش فيه اى مؤشر لوجود اضراب
بالعكس ا نا حاسه ان الناس زادت جداااااا والشرا كمان

الظاهر ان زيكا مش فى مصر اصلا

المهم يكون اضراب باقى المحافظات عمل نتيجه والطماطم ترخص تانى واروح اشترى من ايمن

ليكوريكا يقول...

زي محسناء بتقولك يا ناو ناو

الحكومه هيا اللي كانت عامله اضراب

ومفيش اي مؤشر لاي اعتصام او غيره

والجامعه كانت مزدحمه عن آخرها

والشرا كان علي ودنه

منا قلتلكم من الأول باين أوي ان زيكا مكنش عندها علم بموضوع الاعتصام ده

بس علي رأي شاعرنا المخضرم

(الحق مش عليهم ... الحق عليا انا)

:))

ليكوريكا يقول...

يا حسناء انسي انك تشتري حاجه من ايمن تاني

خلااااااااااااص هنطبخبالفراوله بدل الطماطم

:))

مش مهم اللي فات - سيبوني احلم باللي جاي