التسميات

الجمعة، 11 أبريل، 2008

المعارضه في مصر = صفر



فتاه اسمها اسراء

عمرها

28 سنه

ليسانس السن

هويتها السياسيه (حزب الغد المعارض)

عضو سابق بلجنة حقوق الانسان

وهي الآن معتقله بتهمة دعوتها للاضراب يوم

------------------------------------

الحكايه من البدايه مجرد مجموعه صغيره عالفيس بوك ، انشئتها اسراء ودعت الي فكرة اضراب ، لم تكن تتخيل ان تنتشر هذه الفكره هذا الانتشار في وقت كهذا ، ولم تتخيل ان يصل عدد مشتركين هذه المجموعه الي
७०
الف
مشترك
ولم تتخيل ان تصبح من المعتقلين الآن !

واسراء ايضا دعت الي اضراب آخر يوم
/مايو
القادم وكان هذا سبب اعتقالها الأخير !

ولن اتحدث عنها اكثر من ذلك ، لانها وما فعلته يجعلني افكر كثيرا في حال المعارضه في مصر ، ويجعلني افكر في مدى العشوائه والتخبط واختلاط الاهداف الذي وصلت اليه ،
فالمعارضون في مصر لا يعرفوا ما يريدون ، وان عرفوا فهم لا يعرفوا كيف يحققوه ...

فاحداث المحله خير شاهد علي كلامي ، والمحافظات التي لم تسمع وتشارك في الاضراب ايضا خير شاهد علي كلامي ،
فهل يعقل ان تدار اجندة جميع قوي المعارضه من الفيس بوك ،
وهل يعقل ان فتاه مثل اسراء توحد كل هذه القوي علي اضراب غير مدروس ،
ظهر كما راينا جميعا في المحله ولم يخرج حتي للنور في محافظات مثل الشرقيه وغيرها ؟!

الاضراب ليس انتفاضه شعبيه كما يزعم البعض ، والاضراب فشل في تحقيق أي شيء سوى انه اختبر قدرة اجهزتنا الامنيه على ادارة الأزمات ،
بالاضافه الي تدمير محلات ومصالح الكثير من المواطنين ، الذين ليس لهم ناقه ولا جمل في الاوضاع الحاليه ،
الاضراب لم يكن مظاهره سلميه نفخر بها ، او ثوره شعبيه نحترمها ،
الاضراب في وجهة نظري مجرد فوضى لم تكن خلاقه علي الاطلاق ولكنها كانت مدمره!

الاضراب كشف عراء المعارضه وتخبطها ، وانذرنا بمزيد من الخطر خصوصا وانهم يلعبون علي مشاعر الشعب الطيب، ويحركونها الي تيارات الغضب على نفسه ،
فتجدهم يكسرون المحلات ويحطمون المنشآت وكأننا في حرب علي انفسنا من أجل انفسنا ...
في الوقت الذي تختفي فيه هوية من يعارضون خلف احزاب واهيه ،
تفقد الدعم والمسانده من الشعب ، واخوان متخبطون لا يعرفوا ماذا يريدون ؟!

ليست اسراء البطله الشعبيه المنتظره ، ولكن ظهورها يدل علي ان القيادات المعارضه من (الشيوخ) قد اصابتهم امراض الزمان واصبحوا غير قادرين ان يكونوا لأنفسهم رؤيه محدده وان يصبحوا (قياديين) يستطيعون ان يغيروا اي شيء بل أن يفعلوا أي شيء !

اسراء وغيرها هم الشباب ، هم من اصبح لديه من الوعي والثقافه ما يؤهلله ان يغير الكثير وان تصبح اصواتهم أعلي بكثير من اصوات المعارضه الوهميه ،
اسراء وغيرها قد يكونوا هم الأمل في تصحيح الاوضاع الخاطئه في بلادنا ،
ولكن لسوء الحظ فان اسراء لجأت لمن يعارضون بعشوائيه ويصرخون بهمجيه ويتوارون خلف اهدافهم فتفضحهم وتجعلهم أكثر ضعفا ،
فبدل من ان تصبح فكرتها اعتراض مشروع علي اوضاع تؤرق الجميع علي حد سواء ،
اصبحت ثوره علي النفس واصبحت شوارع المحله وغيرها غزه أخري !
------------------------
ليكوريكا


هناك 10 تعليقات:

عمو احمد يقول...

فعلا معاك حق
حاجه تجنن ان فكره الاضراب يكون مصدرها موقع ترفيهى على النت
للاسف احنا معندناش معارضه حقيقيه
معارضه موحده وفاهمه دورها السياسى صح
والى بيحصل فى المحله ده ملوش دعوه خالص بمفهوم الاضراب,دى تقريبا انتفاضه الحراميه الى حصلت ايام السادات
بس اهى تجربه ياريت نتعلم منها

لست أدرى يقول...

مش معنى ان يكون عندى وعى سياسى انى اكون من المعارضه على فكره
ومش معنى انى مش بحب النظام انى دايما اعارض
على فكره مش معقول يكون الحزب الحاكم بأكمله غلط
مش معقول ميكونش بيعمل حاجات صح

ومش معنى انى حزب معارض انى اكون دايما صح

اسراء فكرت للأسف بعقليه حزب معارض ليس الا

هل هدف الحزب المعارضه وخلاص يعنى ,,,,, ليه مش بيدور على حلول ؟؟
انا بالرغم انى مش حزب وطنى بس انا ضد المعارضه
المركب الى هى مصر لازم يكون لها ريس واحد

ليكوريكا يقول...

فعلا معاك حق
حاجه تجنن ان فكره الاضراب يكون مصدرها موقع ترفيهى على النت
للاسف احنا معندناش معارضه حقيقيه
معارضه موحده وفاهمه دورها السياسى صح
والى بيحصل فى المحله ده ملوش دعوه خالص بمفهوم الاضراب,دى تقريبا انتفاضه الحراميه الى حصلت ايام السادات
بس اهى تجربه ياريت نتعلم منها

-------------------------

انتفاضة الحراميه

عليك نور يا عمو أحمد

بدل مكان المفروض ان يبقي الاضراب ده حاجه نفتخر بيها ، وحاجه تقدر تغير ولو شيء بسيط ، وبدل مكنت متخيل اني هشوف مظاهرات سلميه او مقاطعه للبضايع مثلا زي محصل قبل كده في بورسعيد ، بقينا بنقول عليه (انتفاضة الحراميه) وهوا ده اقل وصف يتوصف بيه !

بجد انا كنت محتار في المعارضه وكان في بعض الافكار مش اكيده عنهم جوايا ، لكن بعد الاضراب ده وبعد ملقيت بعضهم طالع وبيبارك اللي بيحصل في المحله وبيقول انتظرونا في باقي محافظات مصر .

كان اقل حاجه ممكن اديها للمعارضه هيا (صفر) مع مرتبة القرف السياسي !

اتمني يكون لينا احنا كشباب دور ولو صغير بس يكون واعي مش زي ادوار المعارضه اللي كل هدفها المعارضه !

منور يا عمو أحمد ويارب دايما :)

ليكوريكا يقول...

مش معنى ان يكون عندى وعى سياسى انى اكون من المعارضه على فكره
ومش معنى انى مش بحب النظام انى دايما اعارض
على فكره مش معقول يكون الحزب الحاكم بأكمله غلط
مش معقول ميكونش بيعمل حاجات صح

ومش معنى انى حزب معارض انى اكون دايما صح

اسراء فكرت للأسف بعقليه حزب معارض ليس الا

هل هدف الحزب المعارضه وخلاص يعنى ,,,,, ليه مش بيدور على حلول ؟؟
انا بالرغم انى مش حزب وطنى بس انا ضد المعارضه
المركب الى هى مصر لازم يكون لها ريس واحد


---------------------------------

والله بتقولي درر يا ايوان

تعرفي وانا بنزل الموضوع ده كنت متردد جدا

وكنت حاسس ان الناس هتنقدني وتقول اني مع الحكومه واني ضد المعارضه

مع اني لما بتكلم في اي موضوع مبحاولش اتحيز لحد أو أكون ضد حد

بس بجد زي منتي بتقولي مش معقول عشان انا حزب معارض يبقي انا صح علي طول الخط وان الحكومه تبقي غلط على طول الخط

--------------------------
المركب الى هى مصر لازم يكون لها ريس واحد

اكيد موش انا الريس ده :))

علي فكره مصر بقت سفينه موش مجرد مركب ...

لست أدرى يقول...

اتمني يكون لينا احنا كشباب دور ولو صغير بس يكون واعي مش زي ادوار المعارضه اللي كل هدفها المعارضه !

___________________________

كل الناس عناله تقول يكون لينا دور لينا دور

قوقولى ايه هو الدور ده وانا اعمله
حددو ايه المطلوب مننا كشباب فى صوره نقط واحنا نعمله

زهقت من الكلام النظرى والله

كفايه بقى
ولا بلاش كلمه كفايه دى

ليكوريكا يقول...

كل الناس عناله تقول يكون لينا دور لينا دور

قوقولى ايه هو الدور ده وانا اعمله
حددو ايه المطلوب مننا كشباب فى صوره نقط واحنا نعمله

زهقت من الكلام النظرى والله

كفايه بقى
ولا بلاش كلمه كفايه دى
--------------------------
اظن عيب اوي يا ايوان لما تبقي شابه

متعلمه تعليم جامعي

ومثقفه

وعندك 21 سنه

ومستنيه حد يحطلك دورك في تنمية بلدك في نقط محدده !

بس اقل حاجه يا ايوان ممكن اقولهالك عشان يبقالك دور

انك تصححي المفاهيم الغلط اللي عند الناس ، وتبدأي بنفسك في كل شيء لان لو كل واحد بدأ بنفسه هتلاقي المجتمع كله اتغير.

آل دوري في نقط آل :)

لست أدرى يقول...

--------------------------
اظن عيب اوي يا ايوان لما تبقي شابه

متعلمه تعليم جامعي

ومثقفه

وعندك 21 سنه

ومستنيه حد يحطلك دورك في تنمية بلدك في نقط محدده !

آل دوري في نقط آل

___________________________

حلوين شويه السخريه دول بجد
مش معنى حضرتك اننا شباب جامعى نكون على درايه كامله بكل حاجه
ومش معناه برده اننا مش محتاجين توجيه
بسيط

ومعنى انى عاوزه اعرف
انى شخصيه منقاده
بالعكس معاناه انى عاوزه اعمل حاجه بس مش عارفه ايه بالظبط

بس خلاص

ليكوريكا يقول...

حلوين شويه السخريه دول بجد
مش معنى حضرتك اننا شباب جامعى نكون على درايه كامله بكل حاجه
ومش معناه برده اننا مش محتاجين توجيه
بسيط

ومعنى انى عاوزه اعرف
انى شخصيه منقاده
بالعكس معاناه انى عاوزه اعمل حاجه بس مش عارفه ايه بالظبط

بس خلاص
-------------------------------

ايه ده انتي زعلتي ولا ايه يا حسناء

بجد مكنتش اقصد كل اللي انتي فهمتيه ده
كل الي اقصده اننا في مركب واحده

انا وانتي وغيرنا من الشباب اللي اكيد حاسيين بكل هموم الناس من حوالينا ده غير همومنا احنا

وعشان كده مش محتاجين حد يقولنا نعمل ايه ومنعملش ايه ، لاننا اكيد علي درايه باللي بيحصل حوالينا ، ولو مكناش علي درايه فالفضائيات والانترنت بيقوموا بدورهم كامل ، ولو حبيتي تعرفي اي معلومه هتوصليلها في ثانيه ، في حين ان القيادات السياسيه الكبيره في منها ناس مبتعرفش تعمل بحث فجوجل حتى

انا اسف مره تانيه :(

Darsh يقول...

ليكوريكا ما تنبحش صوتك بليز ...

كده ممكن يجيلك أحبالك الصوتية تتقطع يا بابا ... و لا ممكن تنزلك اللوز ... بيقولوا بعض الإضراب الأخير بقت تنزل من كتر الزعيق ... تمشي ببلعوم مسدود تتعب ...

معناش فلوس نجيلك بزيارة

المهم يا ليكوريكا

أظن أنت عارف و أنا عارف ... أن البلد دي - أبداً - حالها مش هينصلح ... هتقول هتعيد هتذيد ... إضرابات مش إضرابات

لا الحزب الوطني عارف يثبت نفسه .... و لا المعارضة قادرة تتبني حاجة محترمة ... انا فاكر حزب الكرامة - تحت التأسيس - مع جريدته - بعد التأسيس - كانوا اتبنوا حملة إضراب تحت شعار خليك في بيتك و ارفع العلم ... عارف أختاروا يوم ايه الناس تضرب فيه و تدنها في بيتها .... يوم عيد الثورة ... يا راجل خليني ساكت ده انا هموت بحسرتي

ليكوريكا يقول...

كده ممكن يجيلك أحبالك الصوتية تتقطع يا بابا ... و لا ممكن تنزلك اللوز ... بيقولوا بعض الإضراب الأخير بقت تنزل من كتر الزعيق ... تمشي ببلعوم مسدود تتعب ...

----------------------------

تصدق والله يا درش حاسس اني جالي اللوز فعلا

:((((((

-----------------------------

(هموت بحسرت)

بعد الشر عليك ياراجل

محدش واخد منها حاجه :)

مش مهم اللي فات - سيبوني احلم باللي جاي