التسميات

الجمعة، 25 أبريل، 2008

بكره اجازه وبعده اجازه ويوم الحد نجيب حظاظه


في البدايه يا جماعه احب اقولكم كل سنه وانتو طيبين بعيد تحرير سينا

وشم النسيم وعيد العمال والاجازات الكتير دي

المهم انا عاوز اتكلم في موضوع مهم

(يؤرق الشباب من الجنسين يعني :)) من باب فذكر ان التذكره تنفع المؤمنين

الموضوع ده واللي انتشر بشكل فظيع اليومين دول

وهوا الحظاظات او ما يسمى في اللغه العربيه (التمائم)

للأسف يا جماعه دلوقتي الحظاظات بقت علي كل شكل ولون

وللولاد والبنات من غير اي فرق (ده من مبدأ المساواه) طبعا

تلاقي دلوقتي الحظاظات في ايدين الولاد علي كل شكل ولون

مره تلاقي حظاظه عليها شعار انديه رياضيه زي الاهلي ومانشستر وغير

ومره تلاقي عليها صورة جيفارا وغيره

مره تكون حظاظات زي الاسوره

ومره تلاقي شباب لابسين خواتم قماش في ايدهم

زائد الخرزه الزرقا والحمرا وغيره

والسلاسل الفضه والقطن السوده دي

يعني ماشاء الله بيرضوا كل الاذواق والافكار !

كل ده كويس وزي الصيني بعد غسيله

وانا عارف ان القطنه مبتكدبش

لكن لو قلتلكم ان الحظاظات دي نوع من انواع الشرك بالله ؟

ايون حته البتاعه القماش دي اللي بتلبسها عشان تجيبلك الحظ دي نوع من انواع الشرك بالله

يعني اكنك بتقول ان مفيش ربنا وزيك زي اللي بعبدوا البقر والنار وغيرهم

والكلام ده مش كلامي الكلام ده موجود في القرآن والسنه

وانا دلوقتي جايب معلومات عن التمائم وغيرها

علشان متبقاش في حجه ليا ولغيري بانهم مكنوش يعرفوا

-------------------------------------------------

تعريف التمائم :
هي جمع تميمة وهي كلُ ما علق من أجل دفع شر متوقع حصوله من مرض أو عين أو رفع شر وقع فعلا سواء كان المعلق خرزات أو أخشاب أو خيوط أو أوراق أو غير ذلك ।

التمائم في الجاهلية :

كان المذهب السائد عند أهل الجاهلية أن تعليق التمائم يدفع عنهم المقادير ويحميهم مما يتوقعونه من أخطار فتعلقوها لحماية أنفسهم ودوابهم من الأمراض وللتغلب على الأرواح الشريرة – بزعمهم – واتقاء الإصابة بالعين وغير ذلك من الأضرار .

التمائم في الإسلام :

لما كان اعتقاد الجاهليين في تعليق التمائم فيه من اللجوء إلى غير الله في جلب الخير ودفع الضر بما لم يجعله الله سببا شرعيا لذلك واعتقاد هذا جهل وضلال وإشراك بالله إذ لا مانع ولا دافع غير الله .

ولما في ذلك من تعلق القلوب والغفلة عن الله سبحانه ولمنافاة هذا العمل للتوحيد أنكره الإسلام عليهم وزجرهم عنه وشدد وغلظ في هذا الموضوع لما فيه من الشرك وهذه بعض الأحاديث الواردة في المنع من هذا الأمر :
- عن قيس بن السكن الأسدي قال : دخل عبدالله بن مسعود رضي الله عنه على امرأة فرأى عليها خرزا من الحمرة فقطعه قطعا عنيفا ثم قال : إن آل عبدالله عن الشرك أغنياء وقال : كان مما حفظنا عن النبي صلى الله عليه وسلم : إن الرُّقى والتمائم والتِّولة شرك .
رواه الحاكم وقال : صحيح الإسناد ووافقه الذهبي .
وذكره الألباني في الصحيحة برقم 331 .


* الأحاديث الدالة على حرمة تعليقها :

1- عن ابن مسعود - رضي الله عنه - قال : قال رسول الله صلى الله عليه وسلم : ( إن الرقى ، والتمائم والتولة شرك ) ( صحيح الجامع 1632 ) 0

وقصة الحديث آنف الذكر كما ثبت في صحيح سنن ابن ماجة للعلامة الشيخ محمد ناصر الدين الألباني – رحمه الله - : ( عن زينب ، قالت : كانت عجوز تدخل علينا ترقي من الحمرة ، وكان لنا سرير طويل القوائم 0 وكان عبد الله ، إذا دخل ، تنحنح وصوت 0 فدخل يوما ، فلما سمعت صوته احتجبت منه 0 فجاء فجلس إلى جانبي 0 فمسني فوجد مس خيط 0 فقال ما هذا ؟ فقلت : رقي لي فيه من الحمرة 0 فجذبه وقطعه ، فرمى به وقال : لقد أصبح آل عبدالله أغنياء عن الشرك 0 سمعت رسول الله صلى الله عليه وسلم ، يقول : ( إن الرقى والتمائم والتولة شرك ) قلت : فإني خرجت يوما فأبصرني فلان 0 فدمعت عيني التي تليه 0 فإذا رقيتها سكنت دمعتها 0 وإذا تركتها دمعت 0 قال : ذاك الشيطان 0 إذا أطعته تركك ، وإذا عصيته طعن باصبعه في عينك 0 ولكن لو فعلت كما فعل رسول الله صلى الله عليه وسلم ، كان خيرا لك وأجدر أن تشفين 0 تنضحين في عينك الماء وتقولين : ( أذهب البأس0رب الناس0اشف ، أنت الشافي0 لا شفاء إلا شفاؤك ، شفاء لا يغادر سقما ) " أخرجه الإمام البخاري في صحيحه - كتاب المرضى ( 20 ) – برقم ( 5675 ) ، وكتاب الطب ( 38 ، 40 ) - برقم ( 5742 ، 5743 ، 5750 ) " ) ( صحيح سنن ابن ماجة - 2 / 269 ) 0


2- وعن عقبة بن عامر - رضي الله عنه - قال : قال رسول الله صلى الله عليه وسلم : ( من علق تميمة فقد أشرك ) ( صحيح الجامع 6394 ) 0

3- وعن عقبة بن عامر الجهني - رضي الله عنه - قال : ( أقبل رهط إلى رسول الله صلى الله عليه وسلم فبايع تسعة ، وأمسك عن واحد ، فقالوا : يا رسول الله بايعت تسعة وتركت هذا ؟ قال : إن عليه تميمة ، فأدخل يده فقطعها ، فبايعه وقال : " فذكره " ) ( السلسلة الصحيحة 492 )

4- عن رويفع بن ثابت - رضي الله عنه - قال : قال رسول الله صلى الله عليه وسلم : ( يا رويفع ! لعل الحياة ستطول بك بعدي ، فأخبر الناس أنه من عقد لحيته ، أو تقلد وترا ، أو استنجى برجيع دابة ، أو عظم ، فإن محمدا منه بريء ) ( صحيح الجامع 7910 ) .

5- عن ابن مسعود - رضي الله عنه - قال : إن رسول الله صلى الله عليه وسلم : ( نهى عن الرقى ، والتمائم ، والتوله ) ( صحيح الجامع 6880 )

والمقصود هنا الرقى الشركيه بعيدا عن الرقةى الشرعيه

أما
* التوله : قال ابن منظور : ( بضم التاء وكسرها ، ضرب من الخرز يوضع فتحبب بها المرأة إلى زوجها ) ( لسان العرب - 11 / 81 ) .

--------------------------------------------------

اتمنى كل واحد قرا الموضوع ده يكون رسول في اهله واصحابه واي حد يشوفه لابس اي حاجه من الحاجات دي ، حتى لو كانت مجرد هزار او موضه

اللهم بلغت ... اللهم فاشهد



هناك 13 تعليقًا:

لست أدرى يقول...

اولا بجد أشكرك على الموضوع الشامل ده

بس انا اكتشفت ان معظم الاشياء اللى الشباب واخدينها موضه وروشنه زى مابيقولو

بتكون حرام

مثلا فى حاجات كتيره عرفت من المنتدى انها حرام ومأخوذه عن قوم لوط

بس غالبا الشباب مش بيكونو عارفين انها حرام

زى ما قلت روشنه , والشاب ا للى بيلبس الحاجات دى يبقى ايه بقى محصلش زى ماهو شايف نفسه

تلاقى بتاعه فى ايده وسلسله فى رقبته وبنطلونه مش عارفه ماله وقميصه مفتروح منه 10 زراير

وفاكر نفسه نيكولانس كيدج بقى

وتيجى تكلم الشاب ده فى اى موضوع تلاقى دماغه فاضيه جداااااااا

ليه المظهر بقى واخد الاولويه فى التفكير

ليكوريكا يقول...

Blogger لست أدرى said...

اولا بجد أشكرك على الموضوع الشامل ده

بس انا اكتشفت ان معظم الاشياء اللى الشباب واخدينها موضه وروشنه زى مابيقولو

بتكون حرام

مثلا فى حاجات كتيره عرفت من المنتدى انها حرام ومأخوذه عن قوم لوط

بس غالبا الشباب مش بيكونو عارفين انها حرام

زى ما قلت روشنه , والشاب ا للى بيلبس الحاجات دى يبقى ايه بقى محصلش زى ماهو شايف نفسه

تلاقى بتاعه فى ايده وسلسله فى رقبته وبنطلونه مش عارفه ماله وقميصه مفتروح منه 10 زراير

وفاكر نفسه نيكولانس كيدج بقى

وتيجى تكلم الشاب ده فى اى موضوع تلاقى دماغه فاضيه جداااااااا

ليه المظهر بقى واخد الاولويه فى التفكير

--------------------------------

مش بس كده ده للأسف اي حد بيكلمهم

بعتبروا ده تعدي علي حريتهم

وعلي فكره معظم الحاجات اللي بنعملها للأسف يفها شبهات كتير

ربنا يهدينا يارب :)

FaceMoon يقول...

والله موضوع بجد فوق الممتاز وكويس انك انت اللى كتبت فيه مش واحدة بنت عشان احس ان لسة فيه خير فى شباب مصر لان انا فعلا بشوف شباب مش عارفة لية عاملين فى نفسهم كدة ومش فى الحظاظات دى بس فى لبسهم حتى فى طريقة كلامهم وشخصيتهم حتى تفكيرهم بقى منعدم كل واحد بيجرى ورا اللى غيرة بيعملة وحكاية الحظاظات دى هما مش فاهمين معناها اصلا هيا موضه وكلة بيجرى وراها وخلاص ومش لابسنها عشان الحظ هيا حاجة موضة زيها زى اى حاجة بتتطلع وان شاء الله تختفى يارب يبعد عنا السطحية دى بقى
تحياتى موضوع جميل

ليكوريكا يقول...

FaceMoon said...

والله موضوع بجد فوق الممتاز وكويس انك انت اللى كتبت فيه مش واحدة بنت عشان احس ان لسة فيه خير فى شباب مصر لان انا فعلا بشوف شباب مش عارفة لية عاملين فى نفسهم كدة ومش فى الحظاظات دى بس فى لبسهم حتى فى طريقة كلامهم وشخصيتهم حتى تفكيرهم بقى منعدم كل واحد بيجرى ورا اللى غيرة بيعملة وحكاية الحظاظات دى هما مش فاهمين معناها اصلا هيا موضه وكلة بيجرى وراها وخلاص ومش لابسنها عشان الحظ هيا حاجة موضة زيها زى اى حاجة بتتطلع وان شاء الله تختفى يارب يبعد عنا السطحية دى بقى
تحياتى موضوع جميل

---------------------------------

وانا اكتر سعاده ان في بنات دلوقتي بيفكروا كده

لان اساسا كتير من البنات هما اللي بيعشقوا الموضه بكل تفاصيلها

وبيجروا ورا كل جديد بدون اي تفكير

ومش عاوز اقولك ان في بنات هيا اللي بتشجع الولاد انهم يكونوا كده

سعيد بمرورك وربنا يهدي شباب المسلمين
ويبعدهم عن كل شر باذن الله

جيهان علي يقول...

السلام عليكم ورحمة الله وبركاته

من يلبس تلك الحظاظات يلبسها كانوع من انواع الموضة المنتشرة
وليس المقصود منها جلب الحظ - أو هكذا هم الأغلبية-
وأعتقد بذلك ينتفي أمر الشرك بالله
والعياذ بالله

طبعًا أنا مش بدافع عن الموضوع لكن الموضوع انهم غافلين او مغيبين في دوامة الموضة الغربية خاصة
فمش معقول نقول انهم اشركوا بالله وهم أصلا جهلاء بالأمر
وبيقلدوا تقليد أعمى وبس

وربنا يهدي شباب الأمة أجميعين
آمين يارب العالمين


تحياتي

ليكوريكا يقول...

Blogger جيهان علي said...

السلام عليكم ورحمة الله وبركاته

من يلبس تلك الحظاظات يلبسها كانوع من انواع الموضة المنتشرة
وليس المقصود منها جلب الحظ - أو هكذا هم الأغلبية-
وأعتقد بذلك ينتفي أمر الشرك بالله
والعياذ بالله

طبعًا أنا مش بدافع عن الموضوع لكن الموضوع انهم غافلين او مغيبين في دوامة الموضة الغربية خاصة
فمش معقول نقول انهم اشركوا بالله وهم أصلا جهلاء بالأمر
وبيقلدوا تقليد أعمى وبس

وربنا يهدي شباب الأمة أجميعين
آمين يارب العالمين


تحياتي

----------------------------

فعلا في كتير مبيبقوش واخدين الموضوع علي انه يجلب ليهم الحظ او يدفع عنهم الشر

بس هيا اسمها (حظاظه) اي جلابة الحظ

واعتقد ان حتي الاسم يخلينا نفكر الف مره قبل منلبسها

اتقو شر الشبهات

قال النبي صلى الله عليه وسلم " فمن اتقى الشبهات فقد استبرأ لدينه وعرضه"

بس صدقيني زي مفيش شباب كتير بيقلد وهوا مش عارف

للأسف في شباب بيفكر فيها علي انها بتجلبله الحظ فعلا

نورتي البلوج واتنى متكونش آخر زياره :)

IceFox يقول...

ربنا يكرمك يا ليكو.................
أحبك لما متتكلمش فى السياسة..........
أنا بحبك على طول طبعا,بس كده بحبك أكتر

ليكوريكا يقول...

ربنا يكرمك يا ليكو.................
أحبك لما متتكلمش فى السياسة..........
أنا بحبك على طول طبعا,بس كده بحبك أكتر

April 29, 2008 8:15 PM

------------------------------

ماشي يا ابوحميد

المهم تحبني وخلاص :))

منورني يا واد :)

Yossry يقول...

elbeta3 mosh rady yekteb 3araby:(
el mohem el topic da malosh 3alaka be el shirt el red ya leeko??

ليكوريكا يقول...

تؤ تؤ

ملهوووووووووووووش علاقه خالص يا يوبي

:)))

بنت مصريه يقول...

انا معاك فى الموضوع ده
وربنا يوفقك ويجزيك خيريا رب
بس انا ليا رأى لو تسمحلى معتقدش ان البنات او الولاد بيلبسو الحظاظات دى
عشان تجيبلهم الحظ
اعتقد انهم بيلبسوها كنوع من انواع الموضه او التقليد الاعمى للغرب
زى ما قولت فى مدونتى قبل كده
ماشيين ورا الغرب زى البهايم كأننا معندناش عقل نفكر بيه

بنت مصريه يقول...

اتمنى تنورنى

ليكوريكا يقول...

انا معاك فى الموضوع ده
وربنا يوفقك ويجزيك خيريا رب
بس انا ليا رأى لو تسمحلى معتقدش ان البنات او الولاد بيلبسو الحظاظات دى
عشان تجيبلهم الحظ
اعتقد انهم بيلبسوها كنوع من انواع الموضه او التقليد الاعمى للغرب
زى ما قولت فى مدونتى قبل كده
ماشيين ورا الغرب زى البهايم كأننا معندناش عقل نفكر بيه

------------------------------

في وفي يابنت مصريه

وفي للأسف مظاهر كتير لكده قدام الشباب

يعني مثلا سمعت ان ماتش اتأخر علشان

(ابراهيم سعيد)

كان نسي الحظاظه!

بس في الاول والاخر زي مقلت قبل كده

دس اسمها حظاظه

يعني بتجلب الحظ


ولا علي الاقل نتقي شر الشبهات

قال النبي صلى الله عليه وسلم " فمن اتقى الشبهات فقد استبرأ لدينه وعرضه"

وربنا يهدينا وهيدي كل شباب وبنات المسلمين يارب

اتمنى متكونش اخر زياره :)

مش مهم اللي فات - سيبوني احلم باللي جاي