التسميات

الخميس، 31 يوليو، 2008

طلب شخصي

بسم الله الرحمن الرحيم



احمد ابوزيد

كلية هندسة الزقازيق

قسم كهرباء

دخل الكليه بمجموع اكبر من 99 %

وكل سنه من الاوائل بتقدير اي حد يتمناه

دماغه كل الناس بتشهدلها بالعبقريه

واللي بيبعدوا عنه ... بيعبدوا عنه لمجرد انه دحيح

وكأنها تهمه ممكن الانسان يتدارى منها


احمد ابوزيد

قمة الادب والاخلاق

ليه اخ فكلية صيدله واخت لسه مدخلتش جامعه

ووالده ووالدته بيعشقوه

لانه الابن البار المتفوق اللي اي حد يتمني يكون عنده ابن زيه

ابتسامته دايما كانت علي وشه

واحلامه ملهاش حدود


احمد ابو زيد

كان معايا في ثانويه عامه لمدة 3 سنين

كان معايا في كل حاجه

فصل اولي تاني متفوقين

وبعد كده كل دروس ثانويه عامه

وكل خروجتنا وفسحنا كانت لفتره كبيره مع بعض

وشهاده لله عمري مشفت منه حاجه وحشه

وعمره مكان غير واحد من انقي الناس اللي عرفتهم في حياتي

صحيح دخلت انا صيدله وهوا دخل هندسه

وظروف الدراسه بعددتنا عن بعض شويه

لكن من وقت للتاني كنا بنسأل علي يعض

وبنعرف اخبار بعض

خصوصا ان اخوه دخل معايا صيدله

وكان بيعتبره امانه فرقابتي


احمد ابوزيد

اخر مره شفته فيها من حوالي اسبوعين

كنا في الجامعه

ولقيت حد بيقرب عليا بعربيته

وعرفت انه هوا

كانت اول مره اعرف انه جاب عربيه

باركتله عليها وقلتله وانا وهوا بنضحك

(اللاب توب والعربيه جم يا ابو زيد ... مبقاش فاضل غير العروسه )

بصلي وضحك كعادته وقاللي منتا عارف بقي اني معرفش حد ... همتك معانا بقي

بس للاسف

ملحقش يحقق حلمه الجميل

وحلمه مكنش مجرد حلم مع ايقاف التنفيذ

حلمه للاسف مات للابد

وماتت معاه ذكريات جميله عمري مهنساها ابدا

كان فيها نعم الاخ والصاحب والصديق

اتمني ربنا يبدله حلمه ده ، ويزوجه باجمل الحور العين باذن الله


باشمهندس احمد ابوزيد مات في حادثه بعربيته

العربيه اللي كان كتير ممكن يحسدوه عليها

مات بعد منتيجته ظهرت وكان كالعاده من المتفوقين

مات وهوا لسه عنده 21 سنه

يعني قد كتير مننا او اصغر كمان


كل اللي بطلبه منكم انكم تدعوله بالرحمه

وتدعوا لاهله بالصبر

محدش متخيل قد ايه اهله وهوا دلوقتي محتاجين دعانا كلنا

حطوا نفسكم مكانه او مكان اهله

ومتبخلوش عليه بدعاء ولو بسيط

اعتبروه طلب شخصي منكم

ويارب ميحكم علي حد ابدا بحاجه زي دي

------------------------------------------------------

اللهم اغفر له وارحمه واعفوا عنه واكرمه

اللهم وسع مدخله وادخله الجنه وغسله بالثلج والماء والبرد

اللهم يمن كتابه وهون حسابه ولين ترابه وثبت اقدامه والهمه حسن الجواب

اللهم طيب ثراه واكرم مثواه واجعل الجنة مستقره ومأواه

اللهم نور مرقده وعطر مشهده وطيب مضجعه

اللهم آنس وحشته وارحم غربته وقه عذاب القبر وعذاب النار

اللهم ان كان قد احسن فزد في حسناته ، وان كان قد اساء فتجاوز عن اساءته يا رحمن يا رحيم

اللهم كن له بعد الحبيب حبيبا ، ولدعاء من دعا له سامعا ومجيبا واجعل له من فضلك ورحمتك وجنتك حظا ونصيبا



واسألكم قراءه الفاتحه له ولأموات المسلمين


هناك 26 تعليقًا:

نعكشة يقول...

البقاء لله

لله ما أعطى

إنا لله و إنا إليه راجعون

اللهم ارحمه و اغفرله و ادخله فسيح جناتك
اللهم اجعل قبره روضة من رياض الجنة
اللهم ثبته عند السؤال
اللهم هون عليه ضمة القبر
اللهم اشربه من يدي الرسول ( عليه افضل الصلاة و السلام) شربه هنيئة مريئة لا يظمأ بعدها ابداً
اللهم اظله في ظلك يوم لا ظل إلا ظلك
اللهم ابدله اهلاً افضل من اهله و دارً خيرا من داره
اللهم صبر اهله و هون عليهم
اللهم صبرك
اللهم امين

اللهم احسن خاتمتنا

سلام عليكم

احلي حياة يقول...

البقاء لله
ويارب يرحمه ويغفرله
وربنا يصبرك
وانا لما قريت البلوج حسيت اولا
انو انسان فوق الرائع
وقلت في بالي..ونعم الاصدقاء
عشان عملت البلوج ليه..بتطلب من كل الناس انهم يدعوله..فقلت بجد ونعم الصديق
الله يرحمه...وربنا يصبر اهله يارب
واحسن خاتمتنا جميعا

Oss يقول...

بجد بجد
ربنا يرحمه ويصبر اهله
فراق الناس اللى زى دى بيبقى صعب جداً
ربنا يرحمه

عايش ولكن يقول...

انا لسه من شويه كنت بتكلم فى موضوع احمد ابوزيد
انا هندسه الزقازيق بردو
بس انا مدنى وهو كهربا

انا معرفوش بس ليا اصحابى فى كهربا والموضوع اتفتح

يلا ربنا يرحمه ويدخله فسيح جناته

kochia يقول...

البقاء والدوام لله

فعلا اصبح الموت وموت الشباب منتشر جدا وهي من علامات القيامة لعلنا نتعظ

اللهم اغفر له ولاموات المسلمين
واعفو عنه وتفضل عليه برحمتك وتفضل علي اموات المسلمين

اميــــــــــن

EMMY BABY يقول...

البقاء لله

دايما الموت بيختار الناس اللى بتعتبرهم ملايكة وسطنا

هو الموت كدة

انا لله وانا اليه راجعون

اللهم اغفر له وصبر اهله وثبته على الصراط واجعله يلقاك بوجه مليئا بنورا

اللهم قه عذاب القبر وعذاب النار وادخله فسيح جناتك يارحم الراحمين

اللهم اجعل الرسول والقراءن شفاء له يوم القيامة

اللهم احسن خواتيم اعمالنا واغفر لنا ذنوبنا اللهم امين

لست أدرى يقول...

الله يرحمه
اكيد احساس صعب اوى لما يتوفى حد سنه صغير كده
اكيد الاعمار بيد الله بس زى مانت قلت لى قبل كده الفراق صعب
اكيد هو دلوقت مع اللى خلقه واللى احن عليه من اى حد

دواير يقول...

اللهم ارحم موتانا وموتى جميع المسلمين..

رحمه الله وأدخله فسيح جناته...برأيي علينا هنا أن نقف وأن نتذكر ان الحياة هبة من الله قد يسلبنا اياها في اي لحظة ..فلنتساءل هل أعددنا للقاء الله أم لا!!!!!!!!!!!

Eman يقول...

ربنا يرحمه

ويجعل مسواه الجنة ان شاء الله

ويصبر أهله علي فقدانه

وأكيد هو لسة ما متش لأنه ذكرياتة لسة عايشة في قلوبكم

(الموت سهم طلق منذ الميلاد)

احمد زهران يقول...

حرررررررررام عليك يا نبيل
شيل صورتة .. مفروض انة شكلة عورة ..
وغير كدة بيثير الكأبة فى نفوس الناس ..
طلب صغير يا نبيل شيل الصورة ..
وكمان الصورة اللى على المنتدى .. اتقى الله يا دكتور فى مواتا المسلمين

دعوة للأمل يقول...

ربنا يرحمه و الصبر و السلوان لاهلة

عروسة ننوسة يقول...

البقاء لله ربنا يرحمه ويغفر له ويلهم اهله الصبر والسلوان

بنوتة من وسط البلد يقول...

رحمة الله عليه
وربنا يجعله فى منازل الشهداء ويجعل قبره روضة من رياض الجنة هو واموات المسلمين يا رب العالمين

Habiba يقول...

ربنا يرحمه يارب
ودعوات من قلبى ليه ولاسرته عن ظهر الغيب
فعلا يامحمد ده كان زميلى فى الكليه وزمايلى الولاد قالولى انه كان ولد كويس وخلوق لكن انا مكنتش اعرفه شخصيا
بس ده معناه ان انت كمان كنت زميلى يامحمد فى ثانويه عامه مادام هو كان زميلك
امال ازاى انا مش عارفاك هو انت من ابو كبير؟

على اى حال ربنا يرحمه ويرحمنا جميعا

لفته جميله منك يامحمد جزاك الله خيرا
دمت بكل خير

عيله مفتريه سابقا يقول...

البقاء لله جميعا

هم السابقون ونحن اللاحقون

وإنا لله وإنا اليه راجعون

اللهم ارحمه واغفر له وادخله فسيح جناتك

اللهم ثبته عند السؤال واغسله بالماء والثلج والبرد

اللهم صبر اهله وانزل على امه الصبر والسلوان

اللهم انه عبدك ابن عبدك ابن امتك فأرحمه يا ارحم الراحمين

اللهم آمين

FaceMoon يقول...

البقاء لله ويدخلة فسيح جناتة الله يرحمة ويرحم الجمييع

kemet يقول...

السلام عليكم ورحمة الله وبركاته
انا لله وانا اليه راجعون
يمكن مش بس العربية اللي ممكن يتحسدعليها لاء ممكن كمان يتحسد علي حاله
اللهم انك انت الغني عن ذنوبنا فأدخله في رحمتك وتجاوز عن سيئاته
اللهم ادخله الفردوس الاعلي مع النبين والصدقين والشهداء
امين يارب العالمين

تحياتي
الي اللقاء

nour shahen يقول...

البقاء لله
الله يرحمه ويغفرله يا رب
ويجعل قبره روضه من رياض الجنه يا رب
افتكر ليه كل خير وادعيله دايما
ربنا يصبرك علي فراقه ويصبر اهله

Mohamed Dawod يقول...

الله يرحمه ويرحمنا. ويرزقه الثبات عند السؤال ويرزقنا الحكمه والعقل لأخذ الموعظه من موقف كهذا. ربنا يصبر أهله. اذا كان اللى بيقرا عن الموضوع ممكن عينيه تدمع ياترى اللى عايش الموضوع حالته ايه. الله يصبرهم الله يصبرهم.

MeMe يقول...

البقاء لله ..
انا مع قرأتى للموضوع دمعتجدا بجد ..
مع انه حد معرفوش فتخيلت حال اهله واصحابه بجد ربنا يصبرهم ..

انا لله وانا اليه راجعون ...

اللهم ارحمه و اغفرله و ادخله فسيح جناتك
اللهم اجعل قبره روضة من رياض الجنة
اللهم ثبته عند السؤال
اللهم هون عليه ضمة القبر
اللهم اشربه من يدي الرسول ( عليه افضل الصلاة و السلام) شربه هنيئة مريئة لا يظمأ بعدها ابداً
اللهم اظله في ظلك يوم لا ظل إلا ظلك
اللهم ابدله اهلاً افضل من اهله و دارً خيرا من داره
اللهم صبر اهله و هون عليهم


اللهم احسن خواتيم اعمالنا واغفر لنا ذنوبنا اللهم امين

:((

Do not Press F1 يقول...

السلام عليكم
البقاء لله
ربنا يصبر أمه وأبوه
ياااه كان عنده حلم زى اى شاب يعيش ويتجوز
لكن دا عمره
ياااااه الدنيا غرورة
ربنا يرحمه ويغفرله ويجعل الجنة مثواه

بسنت يقول...

البقاء لله وحده
ودى اعمار زى ما انت عارف
ربنا يصبرك ويصبر اهله
ويرحمه برحمته الواسعه ويوسع مدخله ويجعل من فوقه نور ومن تحته نور وعن يمينه نور وعن شماله نور
ويغسله بالماء البارد والثلج
ويحشره مع السشهداء والصديقين
وانا لله وانا اليه راجعون

imagine يقول...

سلاااااااااااااااااااااام
كيف الحال، عفوا على زيارتي المتأخرة زرت مجونتك الأخرى مجرد مشاعر عجبني البوست الاخير
بالتوفيق
سلامات

انا ميسرة يقول...

ربنايرحمه برحمته الواسعة
هو فى امان عند اللى خلقة استريح من الدنيا ,اللى كلها معاصى وذنوب , ده احنا طول ما احنا عايشين مبنعملشى غير الذنوب , ربنا افتكره عشان يحيمه من الدنيا دى ....مش تقول انه حلم مات للابد ..لأننا بنحلم نكون فى مكانه ,حلمه جايز يكون اتحقق عند ربنا ,,,احنا عايشين فى الدنيا عشان نوصل للمكان اللى هو فيه , ربنا يلحقه فى زمرة النبيين والصديقين والشهداء

غير معرف يقول...

السلام عليكم ورحمة الله وبركاته على فكرة انا اول مره ادخل فيها هنا لانى مشغاوية نت خالص بس فى واحدة صحبتى بجد اثارت فضولى من كتر ما بتتكلم عنك لانها بتعزك جدا وشايفة انك المحترم الوحيد اللى معانا فى كلية صيدلةبس بتهيايى انك ممكن تكون متعرفهاش خالص
بس ممكن تكون تعرفها شكلا بس المهم انا سعيدة جدا للى انت كتبته عن صديقك وبجد حلو فيك اخلاصك نه يا ريت كل واحد مننا يكون عنده حد يفتكره بعد ما يموت كده ويدعيله كده انا على فكرة كنت مع أحمد فى الابتدائية ومعايا صور تجمع للفصل كله وهوه فيها وكنت اعرفه كويس قوى لغاية ثانوية عامة وبعد كده معرفش عنه حاجة خالص ولا كنت اعرف حتى انه دخل هندسة المهم يعنى انى تقريبا اعرفه فى الفترة اللى انت معرفتوش فيها وبجد هوه كان طول عمره ربنا يرحمه ويحشره مع الصديقين والشهداء وحسن اولئك رفيقا ويصبر اهله , كان من صغره كده وفعلا ادا كان حد بيبعد عنه كان بس لانه انسان كويس جدا وفى ناس مبتقدرش الناس ديه انا حاسة انى طولت عليك يا ريت متضيقش منى. والسلام عليكم ورحمة الله وبركاته

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

مش مهم اللي فات - سيبوني احلم باللي جاي