التسميات

الأربعاء، 23 يوليو، 2008

بيان عاجل



ردا علي البيان الصادر من بلوجات ليكوريكا في الموضوع السابق

واهتماما بمصالح الشعب وحرصا علي مصالح المواطنين

اصدرت الحكومه البيان التالي :
لقد قرأنا وتمعّنا في السطور التي كتبها ليكوريكا افندي وكذلك اطلعنا علي التعليقات علي الموضوع (وعرفنا مين معانا ومين مع الناس التانيين) وعرفنا برضو مين اللي هيقف بمزاجه ومين اللي هنوقفه غصب عنه واليكم ما توصلنا اليه من القرارات الاتيه : (ركزي معانا يا ام ندي :) )

1- لست قدري (بالقاف موش بالالف) :)))

لست أدرى يقول...

(عارف
لما كنت من اسبوعين فى قاهره المعز كنت هتشل بجد
كل 5 سم الاقى وقفه مصريه
وقفه مصريه
وفى التليفزين
يا بلدينا وقفه مصريه
يا دكتور واقفه مصريه
يا انسه واقفه مصريه

وبكون نفسى اقولهم ان الناس اصلا على طول واقفه واقفه مش مصريه خالص
واقفين طول اليوم على طوابين العيش
واللى واقفين فى طوابير المرور
واللى واقفين فى كب حته
يا عالم الناس واقفه
كنتم توفرو فلوس الاعلانات دى
فى ناس vip محتاجه الفلوس دى
ماتخافوش الناس كمان بتجرى وهى واقفه
بتجرى علشان تلحق الاوتوبيس
اللى بتقف وقفه مصريه فيه طبعا
وبتجرى علشان تلحق تكون نفسها
وبتجرى وبتجرى

مش هتكلم خلاص كفايه كده
على رأيك انا بقى عندى 22 سنه والضغط بقى والسكر

بس تفتكر اقعد استريح
ولا هيقولولى اقفى انتى كمان وقفه مصريه؟؟؟؟؟؟؟

معلومه
-----
انا كنت هعمل موضوع عن الوقفه العظيمه دى بس انت الحمد لله لحقتنى
لانى لو كنت عملته ولا بلاش)

----------------------------------------------------

وكما ترون فان لها افكار شيوعيه متطرفه وداخل ردها رموز ارستقراطيه ووجهة نظر شموليه ضد الحكم والحكومه بشكل عام
ولذلك قررنا بانها اول الواقفين معانا واخترنا لها مكان تمثال رمسيس (في عز الشمس)
عشان تكتب الموضوع بتاعها براحتها ...
:))

----------------------------------------------------
اما عن الاخوين زفته وقطران :

زفته وقطران يقول...

بلاش تشاؤم
خلي في امل
يعني حنفترض
ان الوقفه حتجيب نتيجه
اهوه نقف وخلاص
جابت جابت
مجبتش
يبقي الحال علي ما هو عليه
عاااااااااااااااااااااااادي
الشعب المصري مش حيتاثر
ياخويا حيتاثر اكتر من كده ايه

-------------------------------------------------------

فنظرا لافكارهما البنائه ولا مبالتهما الواضحه

فقد قررنا ان يتم تعيينهما محافظين لمدينة حلايب وشلاتين
زفته تمسك حلايب ... وقطران يعيش حياته مع شلاتين
وسلمولي عالحدود :)

--------------------------------------------------

اما محمد داوود :

Mohamed Dawod يقول...

يااااااااه هو الموضوع وصل لكده دلوقتى.....المشكله بقى ان الحكومه الفاضله بتاعتنا من واقع كل التصريحات والكلام اللى بيتسرب بيداروا خيبتهم قدام الراجل الكبير بحجة الزياده....يجى يسألهم يا عم الوزير الفلانى ليه الخطه العلانيه ماجبتش نتيجه يقولوه اصل الزياده السكانيه أفشلتها ياريس.....الله أعلم هو مصدقهم بمزاجه ولا مش بمزاجه بس فى الاخر التوجيهات العليا لأجهزة البلد كلها انها تحارب الزياده فى السكان(قال يعنى بنزيد بجد) مع ان لو حد عنده عقل فكر شويه حيلاقى الهند أكتر مننا والصين اكتر بكتيييييييير والاتنين زى الفل. فى الخليج مثلا الناس فاهمه قوى يعنى ايه ثروه بشريه وبيحسدونا على ثروتنا البشريه. بس نقول ايه بقى اهى ثروه من ضمن الثروات اللى فى مصر ومش لاقيه حد يستغلها. حد يبقى عنده شعب بالأجتهاد ده والصبر ده والذكاء ده والفهلوه دى وخفة الدم دى وميعرفش يستفيد منه......بجد يبقى العيب فيهم مش فينا ومسير يوم يجى حد يعرف يستفيد من الثروه دى.....رأيى اننا نفضل نزيد براحتنا لجد ما الحد ده يجى......تحياتى وشكرا


------------------------------------------------
فللاسف الشديد رغم جرأته الشديده وافكاره المتطرفه والتي كنا نتمني ان نستفيد منها جميعا الا انه القدر لم يمهلنا ذلك حيث انه لقي حتفه في حادث مطروح الأليم ... رغم تأكيد الجميع انه كان بيصيف في شرم الشيخ !


-------------------------------------------------


enjy يقول...

انا ماشفتش اليفط لانى مش من القاهرة لكن سمعت عنها فى كل حتة بس انا رايى ان احنا اتعودنا على يفط التهجيص يعنى يفط الوقفة ويفط الحزب الوطنى ويفط الدعاء للريس فى عيد ميلاده ويفط انتخابات المحليات ويفط الاخوان المسلمين ...........كل دى يفط فشينك واحنا عارفين انها فشينك يبقى كمان يفط الحملة فشينك بس هم لقوا معاهم شوية فلوس زيادة قالوا يعملوا بيهم يفط .............مسخرة حقيقية

اما انجي ولانها اسكندرانيه ..... يعني الهوا والميه وشط اسكندري
ه
فليها وقفه خصوصي عندنا خصوصا بعد ورود الفاظ (تهجيص وفشينك ومسخره)
في تعليقها
وقررت الحكومه انها تحرمها من هوا اسكندريه لمدة شهر كامل وهيبعتوها العراق تدعوا للوقفه المصريه بين المغتربين هناك (خدي بالك علي نفسك يا انجي ... وسلميلي علي بوش لو عمل مفأجئه وزاركم :((( )
-------------------------------------------------

دعوة للأمل يقول...

اهداف الوقفة عجبتنى اوى و مؤترة جدا و انا اللى هعييط هههههه
بوست جميل و ربنا يوفقك

-------------------------------------

ولان مصر دايما عمرانه بولادها وبناتها

فكانت دعوه للأمل مثال للشباب الجدع وروقان الدماغ المصريه وعشان كده قررت الحكومه انها هتبقي وزيرة ليكوريكا لشئون الشرق الاوسط :) بس طبعا بعد متحفظ الاهداف عن ظهر قلب وتقسم اليمين كمان ...

---------------------------------------------------------------------

فارس بلا جواد يقول...

السلام عليكم ورحمة الله وبركاته
دى اول زياره ومش هتكن الاخيره ان شاء الله
مدونتك حلوه بجد
تحياتى

اما فارس بلا جواد ، فاكتفي بالاطراء والاشاده ومعلقش عالوقفه دليل طبعا انه مع ليكوريكا ، وليكوريكا طبعا بقي راجلنا يبقي اكيد فارس بجواد بقي معانا ها يا فارس ... معانا ولا مع الناس الوحشين ؟

-------------------------------------------------

كيكى يقول...

عووووووووووووووووووووووووو
انا جيت اتخديت
.........................
وقفة مصرية
......................
احلى نكتة بجد...........
بجد..مش عايزة اكلم اكترررررررررررر من كدة
لاننا كدةكدة مفروسين
........................
وسلاااااااااام علشان الحق احجز فى مدنتىىى
........................
عوووووووووووووووووووو

-----------------------------------------------

اما كيكي فمكانها طبعا معروف في الوقفه اكيد في دريم لاند او سندباد قدام بيت الرعب :))) علي فكره متخديييييتش برضو بعد الجرعه المكثفه :)

-----------------------------------------------------------------

Oss يقول...

ليكوريكا
آه
لازم كلنا نقف وقفه ونطبع مفروشات
ازاى مش عارف
طب هما بيقفوا فين ؟؟

وردا علي تساؤل اسامه فلو عاوز تقف بجد راجع رد باشمهندس لست (قدري) واعرف اماكن الوقفه الي بجد :)

--------------------------------------------------------------

Blogger
Blue Nile يقول...

انا ول ما شفت الاعلانات في الشارع افتكرتها حركة جديدة زي كفاية كده
متوقعتش انها تكون من الحكومة

كفايه ؟ تؤ تؤ تؤ تؤ هعتبرك قولتيها من غير متقصدي يا بلو نايل يا جماعه مكنتش تقصد صدقوني مكنتش تقصد خلاص خلاص هما هيسيبوكي مقابل 3 مليون جنيه سيبيهم في التعليق وهخليهم يفرجوا عنك :)
---------------------------------------------------------

Eman يقول...

انا نفسي أفهم فعلا زيادة سكانية

مستمرة ازاي وأصلا الناس مش لاقية تاكل؟؟؟؟؟؟؟؟؟؟؟؟؟؟

تحياتي علي البوست


اما بالنسبه لتساؤل ايمان

فاحنا شعب جدعان وبناكل الظلط في حد عمره مشي في الشارع وملقاش ظلط ؟ :)

---------------------------------------------------------------

نوره الخشن ــ آي و كفاية يقول...

نياهاهاهاهاهاااااااااااا

عن اذنك بئى رجلي وجعتني اقعد شوية

بس في وقفه نسيتها .. الوقفه اللي بتكون في المحاضرات عمري مابقعد خالص بالكتير ربنا بيكرمني والائي حتة فاضية فالحيطة اسند عليها وكمان ساعات اسمع كلمة عجيبة
لأ الحتة دي محجوزة

حتى الوقوف بئى بالحجز

لألألألأ هعيط انا كمان

عاااااااااااااااااااااااااااااااا



ويتضح من تعلييق نورا انها

(دحيييييييييييييييييييييييييييييييييييييحه) ومبتفوتش محاضره بس حلو اقتراحك يا نوره هندمجه في الاهداف :)
----------------------------------------------------------------

احمد زهران يقول...

حلوة حكاية الواقفة دى .. انتا بلورت كل الوقفات بس نسيت وقفة الخميس .. بتكون واقفة جامدة .. وخاصا للناس اللى فتحوا بيوت واتجوزوا ..
__________________________________
والله يا ليكوا يبنى انتا عندك حق .. بس كنت عايز اقول حاجة لكل الشباب والشبات اللى بيموتوا دول ..
لية بنفكر فى المستقبل واحنا اساسا مضيعين حاضرنا ..
يعنى مثلا يا عم ليكوا يرضيك الشاب من دول او البنت من دول يسقطوا كل سنة .. بلاش دى علشان هتقولى الدكترة والامتحانات وبلاوى تانية ..
طيب والشباب اللى مستغلش وقتة واعد على القهاوى .. هتقولى مزاج .. بلاش دى
البنات اللى ليل نهار سرحنين فى الحب والهيام .. بلاش دى
النت اللى احنا اعدين علية ؟؟ علشان نخرج همنا .. ندون بكلام وبس ..
تعرف ؟؟ صدق كلمات الشاعر وهو بيقول نعيب فى زماننا والعيب فينا ..
انا كنت خايف برضو وقرفان برضو من اليفط والكلام دة .. بس لقيتنى بقول لية هربط نفسى بمستقبل بلدى .. لية مربطش نفسى بمستقبل نفسى واعرف قدرات نفسة واوجها فى الطرق الصح ...
احنا كشباب بحس ان احنا مستنين غلط من اى حتة فى مصر علشان نقول : اهوة .. اهوة .. ناس بتاكل فى البلد .. يعنى من الاخر مستنين اى حاجة نرمى عليها عيوبنا ...
__________كلمة اخيرة ..
رد مرة علية واعمل معجزة وخش مدونتى ..
وانا هروح على طول مفرق ساقع على كل الوقفين


وطبعا باشهندس افندي احمد زهران مش عاجبه حاجه في البلد

وهنبعته مارينا الظاهر (ملحوظه مارينا فندق بجوار امن الدوله في الزقازيق) :)))
-------------------------------------------------------

radwa يقول...

لخبطتنى يا ليكو

هقرأ تانى يمكن اللى اتلخبط يتصلح



تؤ تؤ

اللي اتلخبط عمره ميتصلح يا رضوى

سيبيه متلخبط جايز متفهميش حاجه :)
----------------------------------------------------------

دعاء مواجهات يقول...

والله ياد ياليكو

انت زى العسل زى ما بقول من يوم ماعرفتك بجد

بتلف اة وبتدور بس عندك عمق معمووق اخر معمقة فى تناول لا مش اكل تناول اى عرض

المواضيع وتفنيطها

ومع كل دة بتضحكنا وتغمنا كمااااااااان


لالا بصراحة انت مبقيتش مخلينا محتاجين حاجة خاااالص

بييييييس

واضح يا جماعه من كلام دودي مواجهات انها بتدعو لرساله ساميه وهيا السلام (بيييس) وبعا لانها لسه راجه من عند النبي فخلاص الحكومه هتعتبر مواجهاتها مجرد مناوشات ونيران صديقه :) منوره مصر يا دودي ... فين السبحه والجلابيه :)
--------------------------------------------------------------

imagine يقول...

ربنا مع كل المصريين،ربنا يكون في عونكم
سلام
إسراء

هيا دي الروح يا جماعه اسراء من لبنان جايه تقف معانا اكيد مكانك محجووووووز في ميدان الشحروره يارب متزهقيش منا .....
--------------------------------------------------------

كاميليا يقول...

هههههههه

إنت ناسى إن أشهر أغنية هى

قوم يا مصرى .. مصر دايما بتناديك

اهو من ساعة ما قام وهو مش عارف يقعد خالص

المهم
نتكلم جد

انا عاوزة أبدأ بشعار

وقفة ضمير ..

بعدها كل حاجة هاتكون ممكنة


احييك على هذه التدوينة
اخدتنا وجبتنا بين الجد والضحك
ووضعتنا أمام المعاناه بمنتهى الرقة واللطف


تحياتى واحترامى

------------------------------------------------
اما كاميليها في تدعونا للوقوف ولكن وقفه ضميريه مصريه بس للاسف يا كاميليا الضمير دلوقتي بقي made in china هتقفي مع المصريين ولا نبعتك الصين ؟
--------------------------------------------------------

أحسن تـستاهـل يقول...

محدش يجيب سيرة الوقفة،، كفاية اللي بشوفه في المترو
المترو يا ناس المترو،، ارحموني بأه
انت عمال تتكلم وتقول الوقفة ونقف ووقفوا وانا عمالة افكر في واقفة المترو والزحمة والناس اللي بتركن على الناس آااااااااااااااه على خناقتي في المترو النهارده
اسكت اسكت خليني ساكتة

حححححححححححح
وانت ازيك كده يا سي عبعال؟؟
:)

مها ميهوووو



اما مها ميهو اللي ضاع منها موبايل الشهر الي فات

فواضح من كلامكها انها مش معانا خالص وواضح برضو انها شبعانه من كتر الواقفه بس وماله يا مها (احسن تستاهلييييييييييي) :)
--------------------------------------------------------------

عيله مفتريه سابقا يقول...

بص يا ليكو

انا اتخنقت اساسا

وانا اقول الاعلان بتاع وقفه ده برنامج جديد؟

اتبن الوقفه دى مش وقفة العيد دى واقفه بس لأيه ؟

هل بالوقفه دى هيأكلونا؟
هل هيجوزونا؟
هل هيشغلونا؟
ماحنا اهو ...مش كفاية ساكتين
كمان بيقلبوا المواجع

والله يا شيخ معارفه ارد

ربنا لا تؤاخذنا بما فعله السفهاء منا

وانت اكيد عارف مين السفهاء

سلامى

-------------------------------------------------------
مين السفهاء يا اعقل عيلات البلوجرز ؟ قولي قولي عشان نعرف مكانك في الوقفه :)

-------------------------------------------------------

دودى يقول...

انا من رايى ان احنا لازم نصلح نفسنا الاول وبعدين نقف مع بعض كلنا وبعدين نصلح انما شغل الرسميات والرسم والكلام اللى مش جايب همه ده مبحبوش

ولان دودي ملهاش بلوج لحد دلوقتي فجاري تجميع معلومات عن كل الناس اللي ممكن يتدلعوا بدودي خدي بالك علي نفسك يا عبدالله ......

-----------------------------------------------------------

عروسة ننوسة يقول...

انتى ما حصلتش بجد....ايه البوست التحفة ده....لا دمك سكر واللهى

وزي منتو شايفين عروسه ننوسه ، ولكلامها الجميل واطرائها اللي كان لابد منه علي ليكوريكا راجلنا في الفتره الجايه عشان كده الحكومه كلها هتيجي تقف في فرح عروستنا الننوسه بس ايه يا عروستنا ؟ هتخلفوا ولا هتقفوا معانا :)))
----------------------------------------------------------
بسنت يقول...

تصدق بقى يا ليكو انا اول مره اعرف هما هيقفوا ليه
مش متابعه التى فى تقريبا خالص
بسمع وقفه مصريه بس ما بكمل الاعلان
بس كويس بردوا الوقوف كله نشاط فعلا
وعادى اوى حكايه اليفط دى لو تفتكر موضوع او مشروع الضرايب والاعلانات اللى وصلت للقنوات الفضائيه الغير مصريه اصلا
عادى جدا فلوس ومش عارفين يرموها ولا يعملوا اعلانات ويفط
اكيد اليفط احسن ولا ايييه؟
بس فكره الاعداد الكبيره للمواليد دى حقيقه انا شيفاها تقريبا نادرا ما بشوف اسره سواء شباب لسه متجوزيين من 3 سنين مثلا وكبار شويه عندهم اقل من 3
دا فعلا حقيقى بيشتكوا من المصاريف وبردوا ما فيش فايده
الموضوع دا فكرنى بمحو الاميه قدامنا الجيل التالت على رأيك علشان المتعلمين
مش الجهله يفهوا اصلا الرساله
ليكو مدونتك دمها اخف دم شفته فى التدوين الصراحه
سلمت

اما بسنت فقد اشادت بمجهودات الحكومه في صرف الفلوس المرطرطه

وكذلك ايدت الوقفه بجميع اهدافها

وايدت رجلنا الاول (ليكوريكا) وقالت انه دمه خفيف

برغم انه دائما يؤكد (انه معندوش دم خالص :) )

ولذلك احنا وصينا عليها جوجل ...

ومش هتنزل في السيرش تانيييي :)))

-------------------------------------------------------------
كلام وخلاص يقول...

دمك خفيف جدااااااااااااا
احلى حاجة انك تكبر دماغك ماتركزش معاهم كتير التركيز يجيب الضغط والسكر والوقفة الكتير تجيب الدوالى وبعدين كل واحد ومصره هما بيكلموا عن مصر تانية غير بتاعتنا
بالنسبة لاحلام وقف التنفيذ اتعودنا عليها
no expectation no disopiontment
سلام

اما كلام وخلاص فقال الخلاصه بصراحه

no expectation no disopiontment


انت مدونتك اتقفلت .... صحيح الكلام ده ولا ايه :)))

----------------------------------------------------

سفروتة يقول...

انا قرفت من الاعلانات دي خلاص


طب يعني طالما هما نيتهم حسنة كده وعندهم النية انهم يصلحوا...مش يشوفوا اس البلاوي دي كلها ايه وبعد كده يبقوا يخلونا نقف براحتهم ..


كلنا بندور في دايرة مغلقة

ومش هنوصل لمركز الدايرة دي الا بتغيير من كل النواحي وفي وقت واحد


...................

ليكو الواجب بتاعك عندي روح خده من مملكة السفاريت عشان تحله

يللا انت لسة مروحتش؟؟؟؟

اما سفروته فسابت جواب وبتقول انه فيه واجب

ونظرا ان ليكوريكا بقي راجل مهم

فهنضطر نحجز الجواب اللي فيه الواجب ده لحد بس منكشف عليه

جايز يكون فيه متفجرات سفروتيه ولا حاجه :)))


--------------------------------------------

حذف
Blogger Do not Press F1 يقول...

السلام عليكم
بص دا ظلم بين بقى وتفرقة عنصرية بين المحافظات اشمعنى بقى قارهة المعز هى اللى فيها اليافطات دى والوقفات دى اشمعنى احنا مش عندنا غير يافطتين فى بلدى واحده على اول البلد والتانية على اخر البلد اللى على اول البلد لبابا حسنى وهو بيرحب بالزوار زى مايكون بيقولهم شايفكوا والتانيه على اخر البلد لبابا حسنى بردو بيشاور زى ما يكون بيقولهم فى داهبة


.........
نجى بقى للجد زى مانت قايل
هل اليافطات دى ممكن تأثر فى حد وايه اقصى نتيجة ممكن تجيبها يافطة على ما اظن اليافطات دى كانت ممكن تجيب نتايج رهيبة لو الناس شايفة نتايج ملموسة فى الواقع لكن الناس محطبة ومش عندها ثقة فى اى حاجه
..............

والنبى حد من بتوع قاهرة المعز يتبرع بانه يبعت لينا كام يافطة من دول وفى المقابل هنديه الصورتين اللى عندنا:ي

سلاموز

ماله بابا حسني يا دونت بريس ؟
وكمان عاوز تتخلي عن اليافتطين ؟
ده حتي ياراجل لولاهم مكانتش بلدنا بقت عالخريطه :)
اقولك ...
press f1 بسرعه
قبل ميبعتوك مارينا :)))

--------------------------------------------




اما عن ليكوريكا فقد ظهرت عليه علامات الغنا الفاحش واستقل سياره بي ام دابليو 2008
ويذكر انه مبقاش بيرن علي حد و(بيتصل) وبيتكلم وخلاص رااااااااااااح زمن الميسدات
كما انه بدأ يتنكر لأم ندي
وام أويييييء وام ابراهيم
هذا ونسوافيكم بباقي الاخبار في الموجز القادم باذن الله

ليكوريكا من امام تمثال لست(قدري) رمسيس سابقا

------------------------------------------------------


معلش بقي يا جماعه قلت ارد عليكم وبالمره انقلكم بيان الحكومه

اعذروني وابقو زوروني

معلش لو انا مقصر بس غصب عني

مش معقول هسيب البي ام دابليو وآجي اقعد معاكم :)

ليكوريكا

هناك 17 تعليقًا:

enjy يقول...

سؤال رفيع انا اول تعليق وللا انت عامل مودريشن؟؟؟؟؟
المهم انا كدة كدة محرومة من هوا اسكندرية يا ابنى الهوا كله مشفوط من عندنا بس انت ليه كدة بتعاقب رعاياك والنبى يا بيييييييييييييه انا ماليش دعوة مش عايزة اروح العراق انا والنبى خلينى اروح اعمل دعاية عندنا هنا فى المنشية بهدلة بردو وكل حاجة يا بيه.........................
سلام يا ليكو.

enjy يقول...

ايه دة طلعت اول تعليق ..........
والنبى يا ام ندى افقعى لنا زرغودة كدة.......................
سلام لتانى مرة على التوازى

Blue Nile يقول...

ايه ياعم انا معملتش حاجة
هههههههههه

عالعموم خليها بالدولار احسن
هو في حاجةاسمها جنيه

Blue Nile يقول...
أزال المؤلف هذا التعليق.
Oss يقول...

لذيذه فكرة انك ترد عالتعليقات فى بوست تانى

ماتهربش من التاج
ده اول تاج ليك

لست أدرى يقول...

لست قدرى؟؟؟؟؟؟؟
بالقاف؟؟؟؟
مش مشكله
قاف قاف
على رأى الفنان المبجل حاتم فهمى ( مبقتش تفرق معايا )
بس مكنتش اعرف انك بتكرهنى اوى كده يا نبيل
تودى كيكى دريم لاند
وتودى ناس مارينا اللى جنب امن الدوله وجنب سرفيس الجامعه وصيدناوى
وتودينى انا جنب رمسيس فى عز الشمس
عززززززززززز؟
( يبقى انت اللى قتلت بابايا ,ااااااااه يا بابايا )

Mohamed Dawod يقول...

ههههههه الله يسامحك. عموما ردى حتلاقيه عندى فى البوست الجديد. يا جماعه انا لسه حى أرزق وبرقيات التعازى اللى جت حنرجعها لأصحابها.

kemet يقول...

السلام عليكم ورحمة الله وبركاته

مش اول مرة اقرأ في المدونه بس اول مرة اعلق عليها

ممكن نقولك علي رأي نانس شاطر شاطر

بجد تستاهل سقفه كبيرة وسباعية كمان

اقولك علي حاجة انا ماعرفش حاجة عن الوقفة دي غير وقفة العيد الذوغير والكبير
عارف ليه ؟
اقولك ليه علشان انا مش من القاهرة
وكمان مش بتفرج ع التليفزيون الارضي
ولا علي الفضائية المصرية الا لما يكون في ماتش مش مذاع وللامانه بتفرج ع ق2 بردو لو الماتش مش مذاع عا الفضائية بس للامانه

تحياتي
الي اللقاء

mostafa rayan يقول...

ليكرويكا بقولك ابقي فوت عليا علشان نلف ب ال BMW مستنيك
سلاموز

عيله مفتريه سابقا يقول...

ليكو

انا عاقله
انا عاقله انا انا انا؟
خدعوووووووووك فقالوووووووووووو

حد اسأل الناس ديه
والناس ديه
شوفت بقى

السفهاء بقى ..ممممم

شكلك عايز تودينا فى دوهيه

سلامى احسن

دعوة للأمل يقول...

وزيرة مرة واحدة لا و مش اى وزيرة دة وزيرة لشئون الشرق الاوسط لا دة كتير عليا قوى ههههههه
بس بجد ظريف اوى الموضوع و تعليقك الظريف

Eman يقول...

كويس اننا شعب ياكل الزلط علشان بعد كدة مش هنلاقي غيره :)

فكرة البوست لذيذة

imagine يقول...

سلام
معقول أنا أزهق منكو إنتو خواتي....وأقول مرة أخرى ربنا يكون في عونكم لا بد للشمس الحق أن تستطع في يوم من الأيام.......:)
سلاماتي

كيكى يقول...

عووووووووووووووووووووو انا جيت اتخديت
..........................
انا اروح دريم لاند اوبارك...
ينهاااااااااااار الوان......
اسيبك واروح اخد الناس الغرب
!
!
تيجى ازاى
طب المهم فى كشرى ولا مفيش ولا هشتغل ببلاش
؟
؟.....................
ماهى دى اخر الوقفة المصرية فعلاااا
وبلاش اكلم تانى الاحسن تودينى
ملاهى ابو اتاتة
اهى اهى
عووووووووووووووووووووووووووووووو

nour shahen يقول...

هههههههههههههه
لا وقفات فظيعه بجد
عامة انا لاحظت الوقفات (اقصد اليفط )علي الكوبرى ووقفنا حتت وقفه يا رب ميوقفها حد ابدا ههههههههه
نزلنا من فوق الكوبرى نتشاهد اصل الوقفه كانت وقفه خالص وكمان مفيش هوا في الصيف يعنى وقفة مووت
تحياتى ليك يا ليكوريكا واعجابى الهايل بتعليقك علي كل وقفه للساده المدونين
اما بالنسبة للوقفات نفسها فلا تعليق

زفته وقطران يقول...

بقي كده
يالوكريا
انا ااقول راي الفظيع الخطير
ايه يعني لما تطلعو بتسمعو الكلام وتقفو جنب البلد
حتخسرو ايه
ناس طماعه
ويهون عليك الواد قطران
طيب انا اللي غلط واتكلمت المره اللي فاتت هو ياعيني عليه زنبه ايه
زهعلانه
زعلانه
زعلانه
علي فكره
انا استغليت فرصه ان قطران بيزاكر
واحتليت انا المدونه
زعلاااااااااااانه

بسنت يقول...

لا ليك حق ازاى تسيب البى ام دبليو وتيجى تقعد معانا
انت تركب وتسوق وبس
تعرف جميل تحليك دا بس عملت تغيرات كتيره فى خريطه مصر والميدان الشهير حاليا طبعا بالاسم الجديد
حتى النت ما خلص منك
شكلك بتحب المشاكل
طيب هى جايه جايه
اطمن

مش مهم اللي فات - سيبوني احلم باللي جاي