التسميات

السبت، 9 أغسطس، 2008

واجب واجب الرد عليه !

في البدايه انا بشكر كل الناس اللي ردوا في البوست اللي فات ، ويارب يتقبل منا الدعاء ويجمعنا باحمد وبكل اللي بنحبهم في الجنه يارب .

وانا كالعاده مقصر في الردود حتي علي الناس اللي عندي في البلوج

وجالي تاجات وواجبات وبرضو مقصر فيها

وهحاول ارد علي اخر حاجات جتلي

واتمني محدش يزعل ... وده عشمي فيكم دايما


الواجب الاول :

اذكر اسم من طلب منك حل هذا الواجب



Marionette


سفروته



مبدئيا انا هدمج الواجبات والتاجات في بعض وهجاوب بقي

هما كانوا المفروض ست اسرار وتقريبا 16 صفه

حد يجمعهم بقي ويبقي يقوللي النتيجه

بس عموما انا هتكلم علي قد مقدر ...

وفي النهايه لازم كلنا نبقي متفقين

(تعرفه ؟ ... أه --- عاشرته ؟ ... لأه --- يبقي متعرفوش )

نبتدي الكلام

1- اسمي محمد نبيل الدمرداش ... بقيت دلوقتي بفضل ربنا وحده في بكالوريوس صيدله

النتيجه ظهرت بس الظروف والاحداث اللي مرت في الفتره اللي فاتت خليتني مخدش بالي من حدث مهم زي ده

الحمد لله نجحت والاجمل من كده ان كل صحابي فدفعتي نجحنا ... الا حد واحد ... هوا مش فدفعتي بس لما عرفت انه نزل زعلت جدا ... ربنا يوفق الجميع يارب .

2-21 سنه ... يارب يكون الحسنات فيهم اكتر من السيئات ... واتمني العمر اللي جاي ميبقاش زي العمر اللي فات .

3-من مواليد الزقازيق ... وبحب فيها انا صغننه وتتلف في ربع ساعه ... وبعشق مكان اسمه اسكندريه ... وبكره حاجه اسمها القاهره ... وبموت في حاجه اسمها ايطاليا .

4-اهلاوي جدا ... وبحب الكوره وبتفرج كتير عالماتشات ... وكمان بحب العب كوره بس اعتزلت من سنتين تقريبا ... واحترفت البلاي ستاشن :)

5- بحب الالوان كلها ... بموت في الاسود والابيض ... بشوف فيهم نقاء غريب ... ومبحبش الالوان الباهته ... وبعشق السما والخضره والبحر .

6-اللي يشوفني لاول مره ممكن يتردد كتير انه يكلمني ... يمكن لاني جد شويتين ...

كتير ممكن يقول انطوائي ... البعض بيقول خنيق ... واخرون يتهموني بالغرور

بس هوا الموضوع اني بحتاج لفتره اعرف فيها اللي قدامي ...

سلوكه اخلاقه افكاره ... من الآخر دماغه ماشيه ازاي

وبعد كده لو لقت دماغه ماشيه مع دماغي هيشوف الوش التاني

من الرغي والكلام الكتير

(وشهادة معاملة العيال اللي معايا)

وصدقوني مبحاولش افقد اي صداقه بسهوله ... وممكن توصل اني احارب عشان متنتهيش

بس ساعات كتير بتبقي الظروف اقوي من كل شي :(

7-ابتديت اقرا من سنتين تقريبا ... القرايه حاجه حلوه اوي ... وفعلا ممكن تنسي الواحد حاجات كتير وتعرفه حاجات اكتر واكتر ...
بس للاسف الواقع دايما بيصحينا من الحلم ... واللي في الكتب لو معشناهوش يبقي اكننا مقريناهوش .

8-بحب اكتب ... شعر قصه مقال اغاني رباعيات عامي فصحي ... بكتب عشان ارتاح ... بفرح لو حد عجبه كلامي ... لكن مبزعلش لو حد معجبهوش ...
لاني زي مقلت ... بكتب عشان اقول الي جوايا واستريح مش عشان ابقي شاعر او غيره .

9-اتمني اكون فعلا ملتزم دينيا زي مالناس بتقول ... ومحتاج اوي اني اروح احج او حتي اعمل عمره ... بجد بجد انا في اشد الاحتياج ليها دلوقتي ... اوعدنا يارب

10-ليا صحاب كتير اوي الحمد لله ... يارب نفضل دايما مع بعض وبلاش النهايه تبقي تقليديه ممله زي النهايات الي قبل كده .

11- احلامي بسيطه وطموحي كبير بس للاسف كله مع ايقاف التنفيذ ... ادعولي

12-بحب عيلتي الصغيره -بابا ماما اخويا اختي وولاد اختي - لكن علاقتي بعيلتي الكبيره عليها علامات استفهام كتير ... يمكن عشان مفيش فيها حد قدي او حتي قريب مني في السن حتي يمكن اخويا اكبر مني ب 7 سنين... وعشان كده بعتبر صحابي هما اخواتي ويمكن اكتر.

13- بعشق الهدوء وخصوصا في الاماكن المفتوحه ... ومبحبش الافراح وفي الغالب بروح مضطر عشان الواجب ... لكن لما بكون مع زمايلي او مع ناس بحبهم الهدوء ساعتها مبيبقاش ليه وجود ... والساعات بتعدي ثواني .

14-اوقات كتير بحب ابقي لوحدي ... وفي حاجات كتير محدش يعرفها عني غير ربنا ... وفي حاجات ببقي نفسي اقولها لكل الناس بس مبقدرش ... وحاجات تانيه بكتبها ... وحاجات مينفعش تتقال حتي لاقرب الناس ليا.

15-بتعامل بطبيعتي مع الناس كلها ... جايز في ناس كتير ممكن تفهمني غلط لكن مش مستعد اغير من نفسي .

16- كئييييييب زي مناس كتير بتقول وزي منا سامع ناس منكم دلوقتي بتقوللي ...
بس زي مقلت قبل كده كتير ... عيبي اني لما بفرح بفرح بجد ولما بزعل برضو بزعل عشان في حاجه جرحتني اوي ... لكن دلوقتي اللي نفرح عشانه بقس قليل قوي ...
يارب فرحنا كلنا يارب
وانصرنا وفك كربنا وهمنا وغمنا يارب

(ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ)


اتمني اكون جاوبت علي قد مقدر ... ومكنش طولت عليكم

والواجب ده هيتحول لسته مدونين حسب القوانين وهما اول سته ردو في اخر ست مواضيع (3 من البلوج ده و 3 من البلوج التاني (مجرد مشاعر) عندي :

نعكشة

enjy

لست أدرى


اما بلوج مجرد مشاعر :

فارس بلا جواد

رئـــــيسـة حزب الأحلام

ولان رئيسة حزب الاحلام كانت برضو الاولي في تالت موضوع

هناخد الاولي في رابع موضوع وهيا

احلام اليقظة

وكل واجب وانتو طيبين ...
------------------------------------
يرحلون من اجل الحياه

علي بلوج ...

مجر
د مشاعر
ليكوريكا

هناك 37 تعليقًا:

نعكشة يقول...

ممممممممممممم
جميل انك بدأت تقرا
نفسي احب القراءة والله

الاسود دة ملك الاوان اصلا
ربنا يرزقك يا رب بشغلانة تسعدك و تتطور بيها و تحقق فيها اهدافك

ربنا يوفقك في حياتك

و تسلم علي التاج
للأسف مش ضامنة اني اجاوبة بس جوزيت خيرا

سلام عليكم

احلي حياة يقول...

بجد والله مش عرفة اقلك اية
شخصية بجد جميلة اووووي
وحكاية ان الناس بتخاف تكلمك او انهم يكونوا حظريين جدا في كلامهم معاك دي حاجة جميلة جداااا..وانك تعرف الناس وتشوف دماغهم عمله ازاي..دي حاجة مش بتبقي موجودة في اي حد
عادة الواحد بنساق ورا مشاعره وممكن يحب حد ويتخدع فيه...فعشان كده لازم تعرف اللي قدامك كويس
ودي حاجة نفسي تكون فيا
انا برده في حاجات كتير اوووي ميعرفهاش غير ربنا...بس للاسف في حاجات نفسي اقولها لاي حد...بس متنفعش تتقال
يارب يوفقك وتحقق كل احلامك
وانا سعيدة جدا انا اتعرفت بيك وليا الشرف كمان لان اللي زيك نادر في الزمن ده وخصوصا في الشباب
وربنا يكرمك يارب ويوعدك بحج او عمره
وخالص تحياتي
مومو

Habiba يقول...

يمكن مش هقولك غير ربنا يكرمك ويحققلك احلامك ماتبقاش مع ايقاف التنفيذ
شخصيتك مش غريبه لكن مفيش منها كتير

دمت بخير

رئـــــيسـة حزب الأحلام يقول...

انت عملت الواجب شاطر وصفات جميلة
بس اعذرنى انا عملت الواجب دة قبل كدة وحليته كلة
هييييييييييييييييييييييييي
تحياتى لك

احلام اليقظة يقول...

ازيك
مبسوطة انى كان لية حظ فى واجب ويكون الواجب دة من عندك انت

ميرسى خالص خالص

بس بجد الواجبات دى بتبقى صعبة اوى ومش بعرف احلها
اصلى مش مذاكرة نفسى اوى واخاف اسقط

بس بجد شكرا

ربنا يسعدك وتحقق كل امنياتك

احترامى

دعاء مواجهات يقول...

ازيك ياليكو ياجاامد

من كام يوم وانت ف بالى بجد

اية اخباراتك ياابنى

يارب يكون كلو خير ياارب

مين قالك انك كئيب او توحى حتى بذلك

انا من اول مرة دخلت عندك وانا شايفة لاعكس تماما وهو دة اللى خلانى اتابعك

بيس

ربنا يعينك ويرزقك العنرة والحج

ويهديك للهدى وييسر الهدى اليك

تحيااتى

بيس

EMMY BABY يقول...

سعيدة ان اول زيارة ليا يكون التعرف على شخصيتك

بجد محدش كئيب بيقول على نفسه كئيب

بس انت حد بصرى حسى والمشاعر عندك ليها دايما تاثير عليك


لعلمك اللون الاسود بيدل على الغموض والابيض على البراءة والنقاء


بجد ربنا يوفقك

ومبرووووووووووووووووووك على النجاح وعقبال لما تلاقى وظيفة جامدة تليق بيك

ربنا يوفقك

تحياتى

Sometimes يقول...

ليكو
مااااااااااااااااالك؟؟؟؟؟
ربنا يفرح قلبك وينولك كل الخير اللى فى بالك يااارب
جميل انك بتحب الايطالى
سبحان الله اليومين دول شغاله فيه بجد لغة جمييييييييييييله جدا

ربنا يوفقك يارب
تحياتى ودعواتى

MeMe يقول...

سلام عليكم ...

كل تاج وانت طيب ..
انا حبيت ارد وأقول بس
ربنا ينولك اللى فيه الخير لك ...
قول أمــين يــارب

دعواتك لينا ..أمانة عليك
تقبل مرورى .. يا دكتور
:)

sister
MeMe

Marionette يقول...

شاطر ! ربنا ينولنا اللي في بالنا جميعا و الاحلام المتوقف تنفيذها تتحقق بقىىىىىى

قلب ينبض لله يقول...

___من مواليد الزقازيق ... وبحب فيها انا صغننه وتتلف في ربع ساعه ... وبعشق مكان اسمه اسكندريه ... وبكره حاجه اسمها القاهره ... وبموت في حاجه اسمها ايطاليا .

عندك حق تتلف في ربع ساعة لآ بس هما طوروها الكام سنه اللي فاتوا سينمات وجناين ههههههههههههه



___وصدقوني مبحاولش افقد اي صداقه بسهوله ... وممكن توصل اني احارب عشان متنتهيش

تصدق انك عملة نادرة اليومين دول ويابخت أصحابك بيك


-ابتديت اقرا من سنتين تقريبا ... القرايه حاجه حلوه اوي ... وفعلا ممكن تنسي الواحد حاجات كتير وتعرفه حاجات اكتر واكتر ...
بس للاسف الواقع دايما بيصحينا من الحلم ... واللي في الكتب لو معشناهوش يبقي اكننا مقريناهوش .

القراية دي دنيا تانيه وعالم تاني اللي بيعرفه مابيسيبوش زي التدوين كدا بالظبط


أجاباتك علي التاج حلوة اوي
وباين عليك واضح وأحسن من اللي ناس فاكراه عنك

يارب دايما

Eman يقول...

اجاباتك تدل علي صراحة ووضوح مع النفس

تحياتي

بسنت يقول...

جميله اوى اجاباتك يا محمد اكيد قربتنا ليك ولشخصيتك
بس الصيدله باينه عليك غالبيتهم او غالبيتنا بيبانوا معقدين او خنيقين او حتى مغرورين فى نظر الاخرين فعلا

اجاباتك طيبه - واجمل حاجه انك بدأت تقرا لان دى فعلا حاجه جميله لما تجيدها هتكون فعلا انت المستفيد
بس المهم القرايه تقربنا للواقع مش تبعدنا عنه لعالم خيالى غير موجود

دمت بخير دايما

nour shahen يقول...

جميله صفاتك بس مش عايز تبتسم فيها ليه بقى , سؤال يطرح نفسه علي ليكوريكا والرد مكفول بالحريه لو تحب
انت زعلان علي صديقك ولا زعلان من شيء تانى
ولا زهقان لان الواجبات اتكدست عليك الله يعينك
بس اجاباتك كانت جميله لكن مفيهاش روح ليكوريكا المرحه خالص مالص
وبعدين انا جيت اخد صوره من عندك حلف ما هو مسلفنى صوره ابدا
ايه يا ليكوريكا دا
ممنوع الاقتراب او التصوير دي مجرد صوره بريئه عجبتنى والله بتاعت المتحابون في الله
وعامة تحياتى ليك والف مبروك على النجاح وبالتوفيق يا رب

قوس قزح يقول...

عايز فعلا تبقى مشاركتك مش بس كلام
و تساعد نفسك و غيرك و بلدك
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

عيله مفتريه سابقا يقول...

عارف يا ليكو

فيك حاجات حلوة قوى بس اللى استغربته انك لسه بادئ تقرأ من سنتين
يمكن لانى عجوزة ؟

ربنا يابنى يديك على قد نيتك ويصلح حالك واحوال المسلمين

وتبقى دكتور صيدلى كده وتصيتنا

سلامى يا دوك

mostafa rayan يقول...

ربنا يكرمك ويغفر لنا ولصديقك
تحياتي لك

شفقة هانم واحسان بك يقول...

مبروك الف الف مبروك

enjy يقول...

ما ينفعش اعلق على اجاباتك لانى هابقى زى اللى واقف بيمدح نفسه فى المراية لانك ببساطة زييى جدا جدا ماعدا انى بحب الزقازيق لانى ما اعرفهاش اساسا وماعدا بردو انى باقرا من سنتين بس لانى باقرا من وماما حامل فية.......
اتاخرت انا شوية وفاتنى شوية حاجات و كنت عايزة ادعى لصاحبك احمد ربنا يرحمه ويصبر اهله يا رب.........

ليكوريكا يقول...

نعكشه

اشكرك علي ردك ودعوتك الجميله

بالتوفيق لكل شباب المسلمين

ليكوريكا

ليكوريكا يقول...

احلي حياه (مومو)

اكيد الشرف ليا انا انك جيتي هنا

ورديتي علي واجبي المتواضع

كلنا نفسنا نقول كلام كتير اوي

بس للاسف الكلام بييجي عند لساننا ويتقتل :(

يللا الحمد لله علي كل حال

اتمنالك السعاده

واشكرك مره تانيه علي مرورك وردك الجميل

ليكوريكا يقول...

حبيبه

يارب يسمع منك

مش محتاج اكتر من الدعوه الجميله دي

ربنا يكرمك ويحققلك كل احلامك انتي كمان

ليكوريكا

ليكوريكا يقول...

رئيسة حزب الاحلام

نورتي البلوج

اكنك جاوبتي عالواجب :)

متتأخريش علينا

ليكوريكا

ليكوريكا يقول...

احلام اليقظه :

اكيد انتي مش محتاجه مذاكره

الواجب ده سهل جدا

والشرط الوةحيد وانتي بتحيه انك متفكريييييييييش

تكتبي وانتي مغمضه لو تقدري

اتمنلك التوفيق

وشكرا ليكي عالمرور والرد

ليكوريكا

ليكوريكا يقول...

دعاء

ازيك انتي

منوره البلوج وربنا يرزقنا الحج احنا وانتي :)

ليكوريكا

ليكوريكا يقول...

ايمي بابي

منوره البلوج

واتمني متكونش اخر زياره

ربنا يسهل ونعدي اخر سنه علي خير

واللي مكتوبلنا باذن الله هنشوفه

سعيد بوجودك في البلوح

ومستني زيارتك دايما

ليكوريكا

ليكوريكا يقول...

سم تايمز :

الايطالي روعه

وربنا يقويني واكمل فيه

بس فين الوقت

ربنا يهون باذن الله

منوره البلوج

تحياتي ليكي

ليكوريكا

ليكوريكا يقول...

ميمي

ربنا يسمع دعائك يارب

وينولك كل اللي فبالك

ليكوريكا

ليكوريكا يقول...

ماريونيتت

مع ان الواجب تدبيسه

بس توشكري علي كل حال :)

ليكوريكا

ليكوريكا يقول...

قلب ينبض بالله

وجودك في البلوج ده زاده شرف

بس اكيد مكانك في مجرد مشاعر محجوز دايما

شكرا ليكي ولردك الجميل

واتمنالك التوفيق لكل خير باذن الله

ليكوريكا

ليكوريكا يقول...

ايمان

منوره البلوج

اتمني فعلا اكون واضح بالقدر الكافي

ليكوريكا

ليكوريكا يقول...

بسنت

كلامك وتحليلك انتي الاجمل

القرايه علي كبر صعبه

بس انا بحاول

نورتيني مفيش شك

واتمنالك الخير دايما باذن الله

ليكوريكا

ليكوريكا يقول...

نور شاهين :

مش عارف ارد واقولك ايه

بس مقدرش اقول غير الحمد لله علي كل شيء

وانا زي مقلت بحب لما افرح افرح بجد

وللاسف لما بزعل برضو بزعل بجد

ربنا يهدينا لما يحبه ويرضاه يارب

وبالنسبه للصوره فآدي لينكها


http://bp0.blogger.com/_iQzdFbLOQ3U/SHiN1C9-WdI/AAAAAAAAAOE/FjoeG4ClY2I/S187/allah_lovers.gif

يارب تنورينا دايما

تحياتي ليكي

ليكوريكا

ليكوريكا يقول...

عيله مفتريه :

يسمع من بقك ربنا

بس علي فكره انا ممكن اعجز باذن الله وابقي اكبر منك

مش بعدد السنين علي فكره

كتاب واحد ممكن يخليني اسبقك بسنين

take care :)

ليكوريكا

ليكوريكا يقول...

شفقه هانم

الله يبارك فيكي :)

ليكوريكا يقول...

انجي

حمدالله علي السلامه

ويارب تكوني بخير

اكيد الشرف ليا ان في تشابه ولو صغير بيني وبينك

بس الاكيد ان ممكن دي تكون وجهة نظري فنفسي بس متكونش الحقيقه

الله اعلم ...

عموما ربنا يوفقنا ويوفق كل شباب المسلمين

وعلي فكره اسكندريه لسه عروسه زي مهيا

لسه راجع منها امبارح :)

اما الزقازيق فمتتوصفش بكلام :)))

سعيد بردك

ويارب تكوني دايما بخير :)

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

مش مهم اللي فات - سيبوني احلم باللي جاي