التسميات

السبت، 29 مارس، 2008

نجحححححت الحمد لله

من امام مبني المعامل بكليه الصيدله جامعة الزقازيق

ومن الكشوف المعلقه ... (عفوا اللي كانت متعلقه) ... علي معامل العضويه والتي تخص الفرقه التالته قديم

جاءنا البيان التالي

الطالب محمد نبيل محمد الدمرداش

الشهير بليكوريكا

وساعات بيقولوله ليكو وبيدلعوه بريكا

واللي كان فاقد الامل في كل المواد

والضفدعه بتاعته نامت بعد محقن الفار

واللي دخل للدكتور (السويدي) واتكلم معاه بالعربي

واللي دخل لدكتور (سامي خبره) وسأله وجاوب عليه وكمان نقصه خمسه وعشرين درجه (منتهى الكرم)

ناهيكم عن التخريف في الفيتو وصدمة الميديسنال وكارثة السيوتكس

يذكر ان هذا الطالب خرج من امتحان الميديسنال

وألف قصيدته الشهيره

(احنا كلاب)

وهو المؤسس الشرعي لجماعة كلابكو المتطرفه

كما ان له مؤلفات سياسيه اخري ك

(كل يوم بذاكر) تامر عاشور ...

حاسس اني متنشن (تامر حسني) ...

طول الليل الكيميا وانا (هيثم شاكر)

برغم كل هذا وبفضل الله وحده

جاءت الينا أنباء موثوق في مصدرها

بانه

نجججججججججججججججججججحححححححححححححححححححححححح

بفضل الله وحده

هذا وقد أعلن الطالب المذكور

بانه

(لن يعزم أحد علي الاطلاق)

لانه وعلى حد قوله

مفلللللللللللللللس!

وبيقول يعني الواحد يذاكر وينجح وكماااااااااان يعزم ؟

هذا وحين سألوه عن انتخابات المحليات القادمه وهل سيرشح نفسه للانتخابات بعد نجاحه الغير متوقع بالمره

رد قائلا : بالتأكيد سأرشح نفسي ... (دي -سبوبه - زي الفل) ... وقال انا السنادي مش هنزل بشعار الهلال والنجمه الذهبيه زي كل مره

انا هنزل بشعار هيكسر الدنيا

وحينما سألناه عن شعاره رد قائلا :

شعاري هيبقي (رغيييييييييييف العيش) ... وسلمولي عالقوات المسلحه :)

----------------------------------------

انا فرحان أوي يا بشر وآسف عالتأخير الطويل ده ، بس بجد كنت مخنوووووووووووق جدا والحمد لله عدت علي خير

عقبال الترم التاني وننجح كلنا وبتقديرات باذن الله

ليكوريكا :)

هناك 4 تعليقات:

sara يقول...

الف الف الف الف الف الف مبروك يا محمد وعقبال كل سنة يا رب
وتنجح باحسن تقدير باذن الله

ليكوريكا يقول...

الله يبارك فيكي يا ساره

ومبروك علي نجاحك في البحث

ودايما من نجاح لنجاح يارب

منوره البلوج كعادتك

يارب دايما :)

دكتور ميسرة يقول...

ألف مبروووووووووووووك
طول عمرك ناجح ومتفوق وبتاع تقدير يا فحيت باشا

عمو احمد يقول...

الف مبروك
بس مش عايز اسمع منك كلمه تقدير دى تانى
انتا فى صيدله يابنى
انتا بكلمتك دى بتجرح الدكاتره وبتهين كرامتهم
ازاى تتجرا وتفكر انك تجيب تقدير
انتا ممرتش على فتحى سرى ولا ايه؟

مش مهم اللي فات - سيبوني احلم باللي جاي