التسميات

الأحد، ١٦ مارس ٢٠٠٨

انا مش محتاج حد




نفسي اغمض عيني واسرح لبعييييييييييييد
انسي كل شيء ... اي شيء
نفسي انام عشرين سنه ... احلم عشرين سنه ... افرح عشرين سنه
نفسي اصرخ ... وفنفس الوقت مش عاوز حد يسمعني
نفسي اعيط كتييييييييير علي كل حاجه راحت :(
بحلم انام واصحي ملاقيش حد في الدنيا دي غيري ... انا والشمس والبحر والنجوم ... وابني مملكه علي شكل قلب كبييير
لحد متيجي اميرته وتسكنه :(
لا لا مش هبني المملكه ومش هستني الاميره ومش هحلم بالمستحيل
كل اللي هحلم بيه اني الاقي حد انا مهم بالنسباله .. بيزعل علي زعلي وبيفرح علي فرحي ... حد ميهمهوش مصلحته قد منا اهمه ... حد يفهمني وعمره فيوم ميظلمني :(
وبرضو لأ ... مش عاوز الاقي حد ومش عاوز اعلق نفسي بحد مهماً كان ...
علي قد منا محتاج الناس كلها تبقي جنبي
علي قد اني مش محتاج حد :((


مش محتاج لحنان من حد
مش محتاج لايدين تتمد
تمسح دمعي وتوعد قلبي
ويجي يوم وتنسي الوعد

مش محتاج لدموع بتخفف
جرح وتجرح قلبي جراح
مش محتاج الخاين يحلف
مش محتاج حتي الأفراح

مش محتاج لصحاب خاينين
لما بعوزهم بشكي لمين ؟!
بشكي لنفسي عشان مش لاقي
حد بيمسح دمع العين

مش محتاج اغنيه حزينه
ابكي عليها ساعات وساعات
اصل كفايه اسمع قلبي
مهو بيغني يوماتي اهات

مش محتاج حلم جميل ...
بيه وعشانه بعيش ايامي
منا مش هقدر اشوفه بيبعد ..
عني وبيضيع من قدامي

مش محتاج لكلام بيريح ...
احكيه ليكو متسمعنويش
بعد حكايتي عنيكو بتفرح
ويموت قلبي ... وقلوبكو تعيش :(

مش محتاج حضن دافي
فيه تتطيب كل جراحي...
اصل الحضن ده ممكن يبقي
شوكه بتجرح قلبي وروحي


مش محتاج لحنان من حد
مش محتاج لايدين تتمد
تمسح دمعي وتوعد قلبي
ويجي يوم وتنسي الوعد

مش محتاج لدموع بتخفف
جرح وتجرح قلبي جراح
مش محتاج الخاين يحلف
مش محتاج حتي الأفراح

انا اصلي بخاف من فرحه
بعديها دموع واهات
دي عروسه ولابسه الطرحه
وقالولها عريسك مات

مش محتاج لحنان من حد
مش محتاج لايدين تتمد
تمسح دمعي وتوعد قلبي
ويجي يوم وتنسي الوعد

انا مش محتاج حد :(



هناك ٤ تعليقات:

غير معرف يقول...

ربنا يسعدك ومتحتجش حد ابدا

just me يقول...

مش محتاج لصحاب خاينين
لما بعوزهم بشكي لمين ؟!
بشكي لنفسي عشان مش لاقي
حد بيمسح دمع العين


دول موجودين كتير بس بتكتشف انهم مش صحاب اصلا

بجد كلام جميل جدااااا لما بقراه بحس انى عاوزه اكتب زيه بجد

I am a Muslim ! يقول...

ايه اللى فكرك بالأغنيه الكئيبه دى يا كئيب
دى قديمه قوى :))

غير معرف يقول...

متقدرش متحتاجش حد ..

مش مهم اللي فات - سيبوني احلم باللي جاي