التسميات

الاثنين، ٢١ يناير ٢٠٠٨

معاد الحب !

دي يا جماعه تاني أغنيه في ليكو 2008 ... اسمها معاد الحب


ودي اهداء لكل الناس اللي لسه ملقوش نصهم التاني ... وبيدوروا عليه ومش عارفين ان الحب ليه معاد واكيد جاي فيوم من الايام ...

اسيبكم مع الاغنيه ... واتمني تعجبكم


------------------------------


معاد الحب !


سيب الهوى يصحيك ... متروحش تفتحله

هوا اكيد هيجيك ...وهتبقي من اهله

ده اللي بيجري وراه ... بيجيله علي مهله

واللي يسيبه ويرحل ... يلاقيه بيندهله


حاجات بنحلم بيها

وحاجات بتحلم بينا

واللي بنجري عليها

بنلاقي غيرها تجينا !


نحلم ببكره واللي جايبه معاه

والحلم يكبر والأمل وياه

ومهما يبعد حلمنا عنّا

هييجي يوم والقلوب تلقاه !


حاجات بنحلم بيها

وحاجات بتحلم بينا

واللي بنجري عليها

بنلاقي غيرها تجينا !


ده الحب ملهوش معاد ومكان

في قلوبنا بيعيش في اي زمان

يا حب ليه لسه مجاش يومك ؟

مع اننا فاتحين عشانك الاحضان!


دي حاجات بنحلم بيها

وحاجات بتحلم بينا

واللي بنجري عليها

بنلاقي غيرها تجينا !


يا حلمنا يا طيف وبيعدي

يا حب جاي بكره تزور قلبي

يا كلمه جوايا نطقتها غنوه

غنيتها لكن ... سمعتها لوحدي!


سيب الهوى يصحيك ...

متروحش تفتحله

هوا اكيد هيجيك ...
وهتبقي من اهله

ده اللي بيجري وراه ...

بيجيله علي مهله

واللي يسيبه ويرحل ...

يلاقيه بيندهله !


حاجات بنحلم بيها

وحاجات بتحلم بينا

واللي بنجري عليها

بنلاقي غيرها تجينا !




------------------------


ليكوريكا

هناك ٦ تعليقات:

غير معرف يقول...

حاجات بنحلم بيها

وحاجات بتحلم بينا

واللي بنجري عليها

بنلاقي غيرها تجينا !

الله يا ليكو

ايه الحكم دي ...

والله مش عارفه اقول ايه غير انك موهوب

تسلم ايدك ومستنيين باقي الالبوم

ليكوريكا يقول...

شكرا للاهتمام والرد الجميل ده

ويارب دايما اكون عند حسن ظنكم

شكرا مره تانيه :)

غير معرف يقول...

امممممممم هقولك ايه يا تكتور موهبتك دي مالهاش حل ما شاء الله عليك .. لالالا انت خسارة في البلد دي .. هههههههه .. تسلم ايدك يا محمد وياريت كتاباتك تكون كلها بالشكل الجميل ده وابعد عن الكئابه علشان ده مش مودك !!!!

ليكوريكا يقول...

امممممممم هقولك ايه يا تكتور موهبتك دي مالهاش حل ما شاء الله عليك .. لالالا انت خسارة في البلد دي .. هههههههه .. تسلم ايدك يا محمد وياريت كتاباتك تكون كلها بالشكل الجميل ده وابعد عن الكئابه علشان ده مش مودك

------------------------------

منوره البلوج كله يا ساره والله
وبالنسبه للكئابه فبنحاول نبعد عنها علي قد منقدر
لكن هيا ساعات بتحبنا شويه :)

بجد سعيد بردك واتمني دايما اكون عند حسن ظنكم

غير معرف يقول...

ايد الجمال ده يا دكتور

وبعدين تنزل كده الموضوع ومتقلش لحد

جميل طبعا كالعاده

والي الأمام دائما

ليكوريكا يقول...

ايد الجمال ده يا دكتور

وبعدين تنزل كده الموضوع ومتقلش لحد

جميل طبعا كالعاده

والي الأمام دائما

--------------

شكرا للرد الجميل ده

وانا بنزل الحاجات دلوقتي عالبلوج الاول

وبعديها بكام يوم بتنزل عالمنتدي

يعني عشان اقول حصريا علي (عفوا لقد نفذ رصيدكم)

منورين البلوج والله وردودكم بتفرحني جدا

مش مهم اللي فات - سيبوني احلم باللي جاي