التسميات

السبت، 19 يناير، 2008

غمضت عيني ... ليكو 2008


ليكو : ازيكم يا بشر ...

انا :(هما فين البشر دول يا ليكو-البلوج هو خالص-)

ليكو : (اسكت انت ملكش دعوه انا بكلم ناس انت مش شايفهم وهما أكيد سامعينني وشايفينني ... هسسسسسسسسسسسسسسسسسسس خالص )

انا : المهم النهارده يا جماعه جايبلكم اول اغنيه في ليكو 2008

لقيتني وانا بذاكر كده عمال بدندن كده كلمتين عجبوني

كتبتهم وكالعاده هقفرفكم بيها ... اتمني تكون بدايه موفقه للألبوم الجديد ...

الاغنيه قصتها اني غمضت عنيا وسرحت مع نفسي ومع اللي بحلم بيها ...

ليكو : اممممممممممممممم ماشي هعديهالك يا سي عبده ... اقصد يا سي ليكو

انا : انا مش قلتلك هس خالص ... المهم وقبل منتخانق انا وانا ... اسيبكم مع الاغنيه واتمني تقولولي رايكم ...

------------------------

(غمضت عيني)

غمضت عيني ... شفتها
لقيتني دبت فحبها
ضمتني جوا عنيها ... عشت فقلبها

وبيتنا كان فجنه عاليه فوق السحاب
وانا الامير وهيا ملكه فعرشها

غمضت عيني ... شفتها
لقيتني دبت فحبها

وحلمت بيا وانا بصلي جمبها
والصبح تدعيلي أكيد من قلبها
والحزن تمحيه بلمسة ايد وطيبه
في الدنيا عمري ملاقي يوم زيها

غمضت عيني ... شفتها
لقيتني دبت فحبها
ضمتني جوا عنيها ... عشت فقلبها

وبيتنا كان فجنه عاليه فوق السحاب
وانا الامير وهيا ملكه فعرشها

ويوسف ابني خد جماله منّها
لما ببوسه أكنني بست خدها
ولما ينجح ... فرحِنا واحد
تحضن وليدي وكانني انا اللي فحضنها

غمضت عيني ... شفتها
لقيتني دبت بحبها
ضمتني جوا عنيها ... عشت فقلبها

وبيتنا كان فجنه عاليه فوق السحاب
وانا الامير وهيا ملكه فعرشها

والحلم طال ... مرت سنين وانا جمبها
والوقت عدى ... بس لسه بحبها
وكل مره بشفها فيها بحس اني ...
نفسي اصرخ واقولها ... مشتاقلها

غمضت عيني ... شفتها
لقيتني دبت بحبها
ضمتني جوا عنيها ... عشت فقلبها

وبيتنا كان فجنه عاليه فوق السحاب
وانا الامير وهيا ملكه فعرشها

هيا الربيع وبيها بتنفس
زي الندي تلمسني بتونس
وفكل فجر هيا شمسي
ونورها فيا عمره مبيخلص

غمضت عيني ... شفتها
لقيتني دبت بحبها
ضمتني جوا عنيها ... عشت فقلبها

وبيتنا كان فجنه عاليه فوق السحاب
وانا الامير وهيا ملكه فعرشها

----------------------

ليكوريكا

هناك 4 تعليقات:

غير معرف يقول...

ايه الجمال والرومانسيه دي كلها يا ليكو

بدايه موفقه للألبوم

ومستنيين الباقي

غير معرف يقول...

جمييييييييييييييييييييييل اوي يا محمد

ربنا يوفقك يارب ويحققلك كل احلامك

ليكوريكا يقول...

شكرا لكل الناس اللي عبروني وردوا

يارب اكون دايما عند حسن ظنكم :)

غير معرف يقول...

ماشاء الله عليك ياليكو تحفه بجد
شد حيلك بئه شويه وبطل كسل احنا عاوزين بقيت الالبوم
ربنا يوفقك ويكرمك ان شاء الله

مش مهم اللي فات - سيبوني احلم باللي جاي