التسميات

الجمعة، ٨ مايو ٢٠٠٩

شكرا على كل شي




أشعر الآن بهدوء نسبي ...
يتملكني احساس بالراحه ... أو فلنقول احساس باللا احساس
هذا الاحساس الذي تشعر به بعد مجهود طويل ...
أو حفله صاخبه اجبرت علي حضورها وانت الان ملقى علي سريرك تحمد الله على نعمة الهدوء ....
الحمد لله على كل حال ...
واتمنى الا تكون العاصفه قادمه في الطريق .


-----------------------------------------------------

بدأ كل شيء في الانتهاء

5 سنين هم كل الحياه تقريبا ...
فتره سنوات الدراسه الجامعيه
صداقات كثيره
أحلام تحققت ...
احلام اخرى وأدتها الظروف ...
أو حتى قتلت حتي قبل أن تولد


أمس كان اخر امتحان عملي "باذن الله" لكل طلاب بكالوريوس

يوم وداع اعيش فيه منذ اكثر من شهر تقريبا
كم تمنيت هذا اليوم وسعيت لأن اصل اليه ...
والان ولما اقترب ...
وجدته من اصعب الايام التي قد تمر علي انسان في حياته


البعض قد يكون دخل الجامعه وخرج منها ، ولم يشعر باي تغيير
البعض تمثل له هذه الفتره مجرد +5 في عداد العمر ...
البعض ربما يكون قد خرج من الجامعه بصاحب واحد أو اثنين على الاكثر ... يكون التواصل معهم ممكن بعد التخرج


الأمر ولا ادري أقول"للاسف" أم "لحسن الحظ" مختلف تماما ...
وقد تلاحظ هذا ... اذا تجولت ولو لدقيقه واحده بين كشكول الذكريات "الاوتوجراف"
لما قرأت الكلمات المكتوبه ... انهرت ولا شك ... فالامر اصعب مما تتخيل ومما يتخيل اي انسان علي وجه الارض
وانا الآن اقدم للجميع شكر علي كل شيء ...
اتمنى ان يصلهم واتمنى ان تكون الذكرى التي تركتها في نفوسهم ...
جميله كذكراهم التي لن تمحى الى الأبد ...
---------------------------------------

كلام عمري متخيلت اني اقراه في يوم من الايام
كلام مش مصدق انه مكتوب عشاني
لحظه وداع انا اللي طلبتها
حبيت ميبقاش وداع صامت
حبيت انا اللي اشتري صخرة الزكريات عشان اروحلها وقت محب
واخبط دماغي فيها واقول ... "يااااه كانت اجمل ايام حياتنا "
وابتسم ... وتنزل الدمعه من غير حتى متستأذن ...

شكرا بجد ليكم ...
شكرا لكل لحظه قضيتها معاكم ...
شكرا لكل لحظه تعاطف حسيتها منكم ...
شكرا لكل موقف جدعنه وقفتوا فيها جنبي
شكرا لكل مره سامحتوني علي حاجه عملتها وضايقتكم ...
شكرا علي 5 سنين من عمري ... عشت فيهم عمري كله
شكرا علي الاحلام اللي اتحققت
شكرا علي الحاجات اللي ابتدت ولسه منهتش
شكرا علي الحاجات اللي ابتدت وانتهت

شكرا لكل بسمه رسمتوها علي وشي ...
شكرا لكل كلمه حلوه سمعتها منكم ...
شكرا لكل عيش وملح كلناه مع بعض ...
شكرا لكل خير عملناه مع بعض ...
شكرا لكل نصيحه نصحتوهالي ...
شكرا لكل خروجه خرجناها مع بعض ...
شكرا لكل مكان رحناه ...
شكرا علي الهدايا اللي عمرها مهتتنسي ...
شكرا علي "حياه" كنتوا انتو اهم ما فيها
وايام كانت من غيركم "وحده" وفضا ملهوش حدود ...
بجد مش قادر اوصف شعوري دلوقتي ...
بس مقداميش غير اني اتمنى ... وربنا قادر علي كل شيء :(
.
يمكن كان في حاجات اتمنى كنت احققها في السنين اللي قضيتها معاكم
بس كان وجودكم معايا بيقويني وبينسيني اني ناقصني حاجه ...
ربنا يعيني بعديكم ...
ويارب اما تفتكروني ... يكون بالخير .

بجد شكرا .

-------------------------------------------------------

جه دلوقتي علي بالى اغنيه سمعتها في فيلم you have got a mail

اسمها remember ...


Long ago, far away
Life was clear
Close your eyes

Remember is a place from long ago
Remember filled with everything you know
Remember when you're sad and feelin' down
Remember turn around

Remember life is just a memory
Remember close your eyes and you can see
Remember think of all that life can be
Remember

Dream love is only in a dream
Remember--
Remember life is never as it seems
Dream

Dream love is only in a dream
Remember
Remember life is never as it seems
Dream

Long ago, far away
Life was clear
Close your eyes


-----------------------------------------------------------

معلش طولت عليكم ...

تقريبا مش هنزل باذن الله مواضيع عالبلوج ده طول فترة الامتحانات ...

اتمنى تتابعوني على بلوج يارب فرحه كل جمعه ...

http://yarb-farha.blogspot.com/

اشوفكم بخير وادعولي اعدي الامتحانت على خير

وربنا يوفقنا ويوفكم للخير والنجاح والفرحه باذن الله .

8-5-2009

هناك ٢٧ تعليقًا:

محاولة لكسر الصمت يقول...

يخيفني مجرد التفكير في يوم كهذا, لا أتخيل أن تنتهي حياة خمس سنوات كاملة بين يوم وليلة...
اللقاء الأخير في امتحان الشفوي, أعود بعدها إلى البيت..أنام لاستيقظ في اليوم التالي وكأن خمس سنوات كانت مجرد حلم...
يا إلهي لا أريد التفكير في هذا الأمر أبدا...
على كل حال هي سنة الحياة, فلتدع الله أن يوفقك في حياتك الآتية..
تحياتي...

kmt يقول...

السلام عليكم ورحمة الله وبركاته

هيا نقطة بتسلم لنقطة علشان تعمل خط متصل اسمه خط العمر
وكل نقطة عليه بقت ذكرى او هاتبقى

ربنا يوفقك وتعدي الامتحانات بكل خير

تحياتي
الى القاء

Unknown يقول...

ايه الكلام الكبير ده ياد انتة

وكمان طلعت بتسمع اغانى انجليزى

وكمان ارتكبت جريمة وبتفهمها

يادى المصيبة

دانتة طلعت دؤرم فعلاً

والله بحبك ياد

قلب ينبض لله يقول...

كلامك خلاني رجعت للسنة اللي فاتت
يوم ما كنا بنودع بعضنا انا وأصحابي
وشعور غريب حسيت بيه وقتها كان نفسي طول حياتنا نفضل في الجامعه علشان مانفارئش بعض

حلوة أوي الأغنية اللي كتبتها :)

ربنا معاك في أمتحاناتك وتخلص علي خير

سلام

بلاش فضايح يقول...

ربنا يوفقك ويعدى الامتحانات دى على خير

Unknown يقول...

للأسف انا خريج تجارة ! يعني 4 سنين بس !
علاقتي بالجامعة علاقة كره !!! و حتي بكره منطقة الجامعة كلها !!!

مش لشئ غير لأنها كانت بتعكنن عليا بانها منطقة الخروج الوحيدة هنا

خرجت من الجامعة ولا كاني دخلتها مجرد 4 سنين يضافوا ل 11 سنة قضيتهم في التعليم

ذكرياتي الحقيقية كانت في ابتدائي و بس

بنت الماضي يقول...

نبيل...
معنديش كلام اقوله بجد لانك كتبت اللي جوايا مع فرق اني مدونتش كلامهم في اوتوجراف انا اللي شارياه :):)
باتمنالك الخير لانه اتخلق لانسان نقي زيك
ربنا يكرمك ويوفقك

شمس النهار يقول...

كلامك عن اليوم ده رجعني 27 سنه لورا
اخر يوم في المشروع وبعد المناقشه

ناس كنت بتشوفها كل يوم وساعات اكتر مابتشوف اهلك

وفجأه خلاص كل واحد بيشق طريقه
وبتوه الناس عن بعض

ومع الوقت بينسوا بعض
وبتفضل ذكري المواقف اللطيفه
وشوية صور لطلبه
اغلبهم شكله اتغير دلوقتي

بجد رجعتني لزمان اوي
بوست جميل جدا

غير معرف يقول...

الله
بوست جميل اوي بجد
عارف
هي الدنيا كده , ودي سنة الحياه
المهم انك تفضل تحافظ ع الذكريات دي
وتبص لبكره عشان يبقي اجمل ماللي فات

تحياتي

Unknown يقول...

دى اخر ايامى فى الجامعة انا كمان
مطلعتش منها غير بصاحبتين اتنين بس
ويمكن عشان مع بعض برة الجامعة مش حاسة انى زعلانة او متاثرة انى هسيب الجامعة خلاص
ويمكن عشان هكمل دراسة بردو مش حاسة ان الايام خلصت

المهم ان احساسك حلو ناحية الايام وناحية زمايلك واصحابك

Unknown يقول...

نسيت اقولك ربنا يوفقك فى الامتحانات ويوفقنى انا كمان
ادعيلى بقى

Hadota ... حدوتة يقول...

معلش هيا الدنيا كده
الناس بتتلاقى عشان تفترق
ماهى دى عقدة حياتى اللى مجننانى
نقابل ناس
نحبهم اوى
نقضي معاهم اجمل ايام
وفى الاخر نفارقهم



ربنا يوفقك فى الامتحانات
وان شاء الله بالتوفيق


تحياتى

r يقول...

الجامعه مرحله جميله فعلا وخاصه لما تكون كانت مفيده وهادفه
انا بتكلم بعيد عن المحاضرات والتعليم
صحبه الخير وحب المكان شئ خطير
وفعلا بيعلم فى الانسان جدا
زى ما قلت هى ذكريات كتبت مع كل لحظه عشتها فيها
بس هى مرحله بعدها بتبدأ الحياه الحقيقيه
مع الشغل والصحاب الحقيقين اللى هيكملوا معاك ان شاء الله
كل امنياتى بالتوفيق فى الامتحانات والنجاح
وربنا معاك ويوفقك

kochia يقول...

اكيد كلنا مرينا بهذا اليوم
انتظرناه .. ثم شعرنا بثقله علي نفوسنا
هكذا الحياة

ارجو لك النجاح والتوفيق ان شاء الله

ليكوريكا يقول...

محاوله لكسر الصمت :

لم اتوقع ابدا ان يكون طعم هذا اليوم بهذه المراره

برغم طول الانتظار ...

حينما اقتربت - اترعبت :(

ليكوريكا يقول...

كمت :

السطر مايل .

بس برضو هنكتب عليه :)

ليكوريكا يقول...

سنترا

ولا يهمك ...

شده وتزول :(

بتحبني - رحت فداهيه :)

ليكوريكا يقول...

قلب ينبض بالله :

ليس كل ما يتمناه المرء يلقاه .

ليكوريكا يقول...

نونا :

يارب علينا وعلي كل الطلبه المساكين .

ليكوريكا يقول...

المعلم محمد :

كل واحد عنده ذكرياته في الجامعه او غيرها

لحظات الوداع عموما بتوجع ...

ربنا ميكتبها عليك ابدا

ليكوريكا يقول...

بنت الماضي :

الخير اتخلق عشان يضيع وندور عليه جوانا وفي اللي حوالينا ...

واما نلاقيه نفرح بيه

ونقول ياااااااااااااه ...

لسه فيه خير :)

ليكوريكا يقول...

شمس النهار :

زي الشمس ايام بتروح والصبح بتيجي غيرها

شمس بتدور وبتلعب معانا لعبة "استغمايه"

والي يشوف من غير عنيه هوا اللي يكسب

والجميل ان لازم كلنا نلعب ...

ليكوريكا يقول...

هجر :

اكيد هحاول ...

شكرا لوجودك في صفحه من صفحات ذكرياتي ...

ليكوريكا يقول...

انجي

لو صاحبتين بجد دول مش شويه

ربنا يخليهملك يارب ...

ليكوريكا يقول...

me :

علي رايك

هيا كده ...

:)

ليكوريكا يقول...

بسنت :

شكرا عالدعاوي الجميله دي

ربنا يوفقنا كلنا لما يحبه ويرضاه .

ليكوريكا يقول...

كوشيا :

انتظرناه ثم شعرنا بثقله علي قلوبنا

صدقتي ...

مش مهم اللي فات - سيبوني احلم باللي جاي