التسميات

الخميس، 4 يونيو، 2009

يوم سته سته - الزرار والجاكته !

كل سنه في برواتوكول ليكوريكي معروف

في يوم 6-6- تقبل الهدايا الماديه والعينيه ولا تقبل الهدايا المعنويه على الاطلاق

وعشان كده انا بدي
لنفسي هديه عشان انعنش روحي المعنويه وافكر نفسي ان العمر عدى ... واني لسه اعذب واعول ... :(

السنه اللي فاتت كانت قصيده

"واحد وعشرين سنه ... عمري انا "

وده اللينك بتاعها

http://just-afeeling.blogspot.com/20...g-post_23.html

ياريت تقولولي رايكم فيها ...

-----------------------------------------------------

نيجي بقى لقصيده السنادي بمناسبة عيد ميلادي ...


القصيده اسمها ...

الزرار والحاكته !


----------------------------------------------------



الزرار والجاكته !



من تاني جايين يسألوني

ويفكروني ...

بالبدايه والنهايه واللي بينهم ...

واللي ضاع مني ومنهم

واللي باقي في الايدين !


وبيفتحوا ...

دفتر العمر الحزين

ويقلبوا ...

وبيضحكوا وبيهربوا ...

وبيحسبوا

وفي النهايه بيكتبوا ...

العمر كام من السنين !


خلاص حسبتوا ...

واوام كتبتوا ...


عمر المواطن ...

استاذ : فُلان

ابن المواطن ...

استاذ فلان

نفس التاريخ ...

نفس المكان


يوم سته / سته


****************

22


نفس الرقم كل سنه

بيزيد سنه ...

مع اني حاسس ان انا

هوا انا ...

ولا زدت حته !


والحكايه دي ياناس حيرتني

وفكرتني ...

بالزرار والجاكته !


هوا ايه قيمة الزرار من غير جاكته ؟

ولا ايه قيمة الجاكته من غير زرار ؟


اصل الحوار

لما كان الواد محمد

شبرين ونص ...


وكان ملوش

غير في الكلام

واللعب بس !


كان حلمه بكره يكون كبير

ويكون قوي

ويكون شجاع

ويكون بطل

ويكون سفير

ويكون وزير


ويكون مغني

دكتور وظابط

استاذ مهندس

فنان خطير ...


وان جت فيوم سندريللا

زي الحكاوي ...

فوق الحصان

لسندريللا يكون أمير !


ايام مكان القلب ابيض

زي السحاب ...

زي القمر ...


زي احلامه البريئه

زي الحقيقه

زي المطر !


ده الواد محمد بتاع زمان

ايام مكان شبرين ونص ...


وكان ملوش

غير في الكلام ...

واللعب بس !


دلوقتي شوف الواد محمد

وشّه بقى بالشَعر طارح

والحزن فيه ...

بقى ليه مطارح ...


والقلب الابيض اتجرح

والهم غطى عالفرح


قلبه قسي

واوام نسي

حلمه الكبير ...


تشوفه تايه

مجنون وعاقل


ساكت بيصرخ

عيل وراجل !



شايف مغمض

شجاع بيهرب


محتار وعارف

صادق بيكدب !



والخوف بيقتل ...

لكنه عايش

وبرضو خايف !


والصبر مرر ...

لكنه صابر ...

علي صبره واقف !



وتحس انه

مجروح قوي ...

مشتاق أوي ...

فرحان أوي ...

زعلان أوي ...

محتار أوووووووووي ...



مهو سيندريللا ...

عاوزه حصان ...

والحصان فزمننا ده

محتاج امير ...

والواد محمد ...

مسكين ... فقير

الواد محمد ... مش أمير !



ومستحيل

يكون ده هوا

الواد محمد بتاع زمان

ايام مكان ...

شبرين ونص !


وكان ملوش

غير في الكلام

واللعب بس !



وده كان كلامي عن الزرار ...


أما الجاكته ...

دي ست "دنيا" ...

اللي بتيجي فشهر يونيه ...

من كل عام ...

يوم سته / سته .

وتفكره ...

ان زاد في العمر حته


وان الرقم كل سنه

هيزيد سنه ...


مع اني حاسس

ان الزرار ...

الواد محمد ...


مزادشي حته !


6/6/2009


عيد ميلاد الواد محمد "الزرار"



كل سنه وانا طيب :)))


يارب يخليني ليا يارب :)))))))


هابي بيرث داي تو مي :)))



هناك 15 تعليقًا:

enjy يقول...

كل سنة وانت زى الفل
يارب يارب الحزن يخلع او ميخلعش بس مياثرش اوى

كل سنة وانت بتحس...طول منت بتحس يبقى مفيش مشكلة وفى امل

كل سنة وانت صغير عشان لو كبرت من جوة وحسيت مش هتنبسط

كل سنة وانت عارفك وبتحبك

كل سنة وانت محمد

قلب ينبض لله يقول...

كل سنة وأنت طيب وزي ما أنت كدا فنااااااااااااااااااااان

كالعادة أنت هايل بجد

يارب كل سنة يكون فيها الخير والحب والفرح ليك وتبئي ناجح ومشهور وكمان أمير وتقابل سندريلا :) بس أبئي اعزمنا علي الفرح

عئبال مانباركلك بمناسبة نجاحك

سلام يا دكتور زرار اوووووووه اقصد محمدD:

kmt يقول...

السلام عليكم ورحمة الله وبركاته

هابي برث داي تو يو

ربنا يبارك فيك
ويوفقك ولحظة تعيشها تكون افضل من اللي قبلها

هاشوف اللينك وارجع
تخياتي
الى اللقاء

نـــــــــــــور يقول...

كل سنه وانت بكل خير ياليكو :)

hager za3bal يقول...

ممكن انت بس اللي تكون حاسس ان الزرار مزادش حاجه .. بس تبقي كل الناس شايفاه زاااادزاد كتير اوي..:)

بجد بجد القصيده تحفه

كنت عايزه اجيب هنا اكتر حته عجبتني بس معرفتش اجيب ايه ولا ايه..

كووووووووووول سنه وانت بخير
وكوووووووول سنه وانت ليكو :))

بس ماليش دعوه عايزه حته من التورته :))))

بلاش فضايح يقول...

كل سنة ومحمد بخير وصحة
كل سنة وهو زايد حتة
كل سنة والزرار مع الجاكتة

وعقبال مليون سنة بلاش مية

تقبل مرورى

Eman يقول...

HaPpY BirThDaaaaaaaaaaaaaY :D

nour shahen يقول...

كل سنه وانت بألف خير يا رب ويجعل السنه الجديده عليك كلها فرحه وخير والسنه اللي جايه تكبر زرارين مش زرار واحد تقولى ازاى اقولك معرفش

جميل اللي كتبته جدا وعجبنى جدا جدا بس كدا هتحزن علي السنين كلها يا ابنى تفائل كل سنه فاتت اكيد ليها فرحه زى ما ليها حزن انها فاتت
تفائل يا أخى
تمنياتى ليك بالسعاده والهديه فى الطريق لو موصلتش يبقى ضاع العنوان والهديه كمان

التكعيبة للتنمية الفنية و الثقافية يقول...

مهرجان النشر الجماعى الاول

تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.

و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى

و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل

ترسل الاعمال على ايميل

nashrgama3y@gmail.com

لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985

مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206



ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009


مع تمنياتنا للجميع بفرصة عادلة فى النشر
احمد حسن
0193953620
( رقم محمول داخل جمهورية مصر العربية )

بسنت يقول...

كل سنه وانت طيب يا محمد
وعبقال 100 سنه
واكيد انت عارف ان الزرار مهما كان صغير الا انه هو اللى بيخلى للجاكته معنى
واحيان بيكون اجمل ما فيها

انت تسال والكمبيوتر يجيب يقول...

كيف تعرف اذا كنت مدمنا للأنترنت ام لا؟
هل يجدد طعم البيتزا السياسه فى الشرق الأوسط؟
الأمثال الشعبيه بعد تعديلها لتلائم العصر
بعض الموضوعات الجديده تماماغير المسيوقه على النت
http://netonradio.blogspot.com
كيف تعرف اذا كنت مدمنا للأنترنت ام لا؟
هل يجدد طعم البيتزا السياسه فى الشرق الأوسط؟
الأمثال الشعبيه بعد تعديلها لتلائم العصر
بعض الموضوعات الجديده تماماغير المسيوقه على النت
http://netonradio.blogspot.com

سفروتة يقول...

ايها الزرار
قصدي يا ليكوووووووو
كل سنة وانت طيب وفي سعادة وفرح يارب
معلش جاية متأخرة شوية بس انت عارف بقي الامتحانات
خلصت الحمد لله :)
القصيدة اللي كتبتها عن نفسك
هي في الواقع مش بتعبر عنك انت وبس لا دي بتعبر عن ناس كتير جدااااااااااااااااااااااااااااااااااااااا كانوا بيحلموا برضه وهما اطفال بس للاسف خط الحياة المستقيم اللي كانوا راسمينه انحرف عن المسار الصحيح وهي دي الحياة لان الحياة بدون تخبط ومشاكل والام مش هتخلينا نفكر في يوم عن السعادة والفرح والراحة وتخلينا نحاول علي قد ما نقدر ندور عليهم في كل حتة وكل مكان وكل وقت عشان نوصل ليهم
بجد بتبقي لحظة حلوة اوي
لحظة تحقيق الحلم
لحظة السعادة ولو كانت للحظة
لحظة الضحكة الجميلة اللي طالعة من القلب
اكيد في حوالينا حاجات حلوة كتير بتلعب معانا استغماية بس هنقفشها في يوم من الايام ان شاء الله

كل التحية ليك يا ليكو
وكل سنة وانت طيب والجمهورية الليكوريكية بخير يارب

:)

no promises يقول...

buon anno
كل سنه اونت طيب يا دكتور نبيل
ثانيا احب اكرر تعليقى على كلامك
بجد بجد بتعبر عن حزننا بالعمر اللى بيجرى
بس يارب السنه اللى جايه القيده تكون كلها فرح وسعاده

Saydalanya Mat7oona يقول...

عارفة انها كل سنة و أنت طيب متأخرة

لأ وكمان من غير هدية

:))

المهم يا سيدى....القصيدة دى سابتنى من غير تعليق

متنحة كده و مش عارفة أتلم على بعضى

ليه الهمر صحيح بيزيد سنة و الواحد حاسس ان و لا حاجة زادت عليه

القصيدة رائعة الى أبعد حد

يسلم اللسان اللى قال

تحياتى...جدا

واحدة مجنونة يقول...

اول مرة ادخل هنا
بس القصيدة بجد من اجمل ما يكون
كل سنة و انت طيب و لو متأخرة
تقبل مروري

مش مهم اللي فات - سيبوني احلم باللي جاي