التسميات

السبت، ٢٣ أغسطس ٢٠٠٨

محتار !




اضحك ...

متضحك يبني :))

يا حول الله يارب

طب يا اخي جاملني واضحك

انجغا انجغا يا كلبوظه

اضحححححححححححححححك

laugh

كركركرككرككركركركككركرككررررررررررر

هههههههههههههههههههههه

هه هه هه هه هه هه هه هه

هي هي هي هي هي هي هي

هو هو هو هو هو هو هو هو

يعني مصمم تقلبها نكد يا سي ليكو

طيب انزل بوش الكئابه واديها عيااااااااط

وااااااااااااااااااااااااااااااااااااااااااااااااااااااااااااااااااااااااااااااااااء :(((

وكمان وااااااااااااء

وااااااااااااااااااااااااااااااااااااااااااااااااااااااااااااااااااااااااااااااااااااااااااااء :(((

ايون

بالظبط يا جماعه

انا اتجننت وخلاص برج الحمام الي في دماغي طار وشبع طير

مبقتش فاهم اي حاجه في اي حاجه

ومبقتش عارف انا عاوز ايه ولا مش عاوز ايه

مرتاح ولا تعبان ... زعلان ولا فرحان ... مشغول ولا فاضي

مش بس واقف علي السلم ومش بس بلف فدواير

الأدهي والامر اني بقيت حاسس بلامبالاه فظيعه

احساس يخنق بجد لما متبقاش فارقه معاك حاجه

مش مسألة مش فارقه :(

بس يمكن معدش في حاجات مهمه

لا لا لا ...

يمكن كل الحاجات بقت مهمه ؟!!!

محتاااااااااااااااااااااااااار

خايف حيرتي ترجعني لحالة الحزن المزمن اللي كانت عندي

وفنفس الوقت مش عاوز ابقي زي الجماد مبيحسش حتي بنفسه

--------------------------------------

سفر كل يوم وبسافر وبغير جو

لعب مع زمايلي وبلعب وبخرج وبتفس

دوره تدريبيه وبروح وباجي كل يوم

نت وبقعد نت

اسكندريه وسافرت وقضيت وقت جميل لمدة اسبوع كامل

بس في حاجه غلط

حاسس اني بعيش علي مراحل

يعني لما اخرج دي مرحله

ولما اسافر مرحله تانيه وشخصيه تانيه

ولما اكون في الدوره شخص تالت واحساس تالت

مفيش روح واحده بتربطني بكل الاحداث

ومفيش احساس واحد امشي وراه او اخاف عليه

----------------------------------------

وفي حاجه كمان ...

مثلا عندي امتحان مرور يوم الاربع الجاي باذن الله

كل الناس قلقانه ... وعندهم حق

لكن انا وبمنتهي البرود رديت علي زميلي النهارده وهوا بيحذرني من الامتحان

"يا محمد متوجعليش دماغي ... لو مكتوبلك تسقط هتسقط "

صحيح كل حاجه بايد ربنا ... وصحيح اللي شفته في السنتين اللي فاتت من ناس بتموت فلحظه يخليني اقول كده واكتر

بس ده مش انا

مش ليكوريكا اللي كان بيعمل لكل حاجه الف حساب ...

وبيشتغل ويتعب ويسيب الباقي علي ربنا

ده مش تواكل يا جماعه ... صدقوني موصلش للمرحله دي

جملة ( لو مكتوبلك ............. هيحصلك ...................... )

اتكررت كتير في قاموسي ... وبيها بحس براحه شديده بان مفيش حاجه تستاهل نزعل عشانها او نهتم بيها

صحيح ارتحت كتير ... وصحيح خرجت من مشاكل كتير بيها الحمد لله

لكن انا حاسس ان في حاجه غلط

-----------------------------------------------------

عموما الحمد لله انا احسن من غيري بكتير

ومش محتاج منكم غير دعوه صغيره في الايام الجميله اللي احنا فيها دي

وباذن الله رمضان يهل علينا بالخير والراحه والطمأنينه

وجايز اللي انكسر ... ببركة رمضان يتصلح

قولوا آمين ...

كل رمضان وانتو طيبين :)




هناك ٣٣ تعليقًا:

سفروتة يقول...

ربنا يهديك يا ليكو

مش عارفة اقولك ايه بجد

بص حالة اللخبطة دي انا عشتها قبل كده..وحيرة وقلق وساعات كان فيه لا مبالاة

بس خرجت منها الحمد لله

بس عشان كنت انا عايزة اخرج منها

يعني الحل في ايدك

وكل رمضان وانت طيب

:)

EMMY BABY يقول...

دكتور محمد بجد كلنا بنمر بوقت من حياتنا بنبقى فيه كدة انا عن نفسى مريت بمرحلة زى اللى انت بتوصفها بالظبط

اعتقد السبب بيبقى راجع ل :

ان الضغط ممكن يكون فوق قدرات تحملك حتى لو ضغط نفسى مش شرط ضغط جهد او شغل


ثانى سبب ان الانسان لازم يوازن بين النواحى الخمسة من شخصيته (الروحانية والاجتماعية والبدنية والمنطقية والشخصية او الحسية

لو واحدة من الجوانب دى حصل فيها خلل الانسان بيبقى حاسس دايما انه مفتقد حاجة بيبقى مشتت

اعتقد ان هى دى الاسباب على حد تجربتى يعنى

وربنا يارب يهديك للخير ويثبتك عليه

تحياتى

ايمى

Oss يقول...

بص يا عم ليكو
بعد التحيه والسلام ندخل دوغرى فى الموضوع
حتة ان كل مكان وليه روحه
انا شايف ان ده طبيعى
فانت مع صحابك اكيد غير عيلتك غير زمايلك فى الشغل غير الدوره التدريبيه
وحتة انك مش قلقان على الإمتحان
فده بيحصل لينا كتيير
فكل واحد فينا اكيد اشترى دماغه فى احياناً كتير
انا السنه اللى فاتت كنت داخل الإمتحان وانا متبلد خالص
يعنى مش هاممنى
ذاكرت وقشطه بس مش قلقان
بس كنت زيك قلقان من عدم قلقى وانا شايف صحابى كلهم كلوا ضوافرهم ودجلوا على صوابعهم من كتر القلق

يومين كده وربنا هيفكها عنك
تحياتى

قلب ينبض لله يقول...

ربنا معاك ويقف جمبك في محنتك بس أهم حاجة تكون أنت كمان قريب من ربنا

وأن شاء الله كلنا ندعي لبعض بظهر الغيب في رمضان


ورمضان كريم

just me يقول...

اكيد الحاله دى بتمر بكتيييييييييير مننا

بس مش نبيل اللى يستسلم ليها كده
لانك عندك حاجات كتيره تحسسك انها بجد فارقه
يمكن تكون دى حاله وقتيه لاى حد مننا ويمكن تكون حاله بتاخد وقت طويييييييل اوى

بس فى التنميه البشريه بيقولك تبقى فاعل يعنى مش تخلى الامبالاه تسيطر عليك
وحط فى دماغك انك احسن واحد فى الدنيا وانك اكييييييييد هتغير كتير وان ربنا خلقك لسبب كبير اوى وانت لازم تنفذه

ان شاء الله يا نبيل ربنا يوفقك وتبقى بجد حاجه كبيره النهارده قبل بكره وساعتها بجد هتحس ان مفيش حاجه اسمها مش فارقه

يمكن اكون انا بمر بعدم نجاح فى حاجات كتيره فى حياتى بس دايما بقول اكيد فى احسن واكيد اقدر اعمل اللى ربنا جابنى الدنيا عشانه

كيكى عوووووو يقول...

اهدء كدة واركز وكل كشرى وانت باذن الله تخف ومتقلقش
بس مع حالتك دى
كتررررررررررررررر
الشطة واسال مجرب
!
!
كل سنة وانت طيب يا باشا ورمضاان كريم
بجد متقلش حالة وتعدى
عووووووووووووووووووووووووو

Mona Shereif يقول...

يادى النيلة
مالكم يا شباب مصر؟
ايه اللى حصل؟
طيب والله يا ليكو ما ادخل عند حد مدونته الا والاقيه فى المود ده
ههههههههههههههههههههههههههه
حتى انا كنت كده من فترة
رووووق
وان شاء الله ربنا هييسر الامور
ربنا يوفقك يــــــــــــــا رب

Maha Shahen يقول...

كل عام وانت بألف خير ومتكونش محتار ولا حاجه سبيها لله
طالما انت بتعمل اللي عليك وملتزم بكل شيء فخلاص سبها هتتصلح لوحدها الحيره دى
ربنا يريح قلبك ويطمنك بقربه ويرضى عنك
بس ليا كلمه يا ريت متزعلش منها لو سمحت اكتب بعد كدا لا حول ولا قوة الا بالله , اصل مينفعش نقول ( لا حول الله )
بارك الله فيك واكرمك يا رب
ووفقك الله لما يحبه ويرضاه

عيله مفتريه سابقا يقول...

ممممممممممم

بتقلب المواجع يا ليكو
مكنا ساكتين ليه كده؟

انا مش عارفه خلاص اقول ايه

مكنت نسيت
وعشتها كده

محاولة لكسر الصمت يقول...

(وجايز اللي انكسر ... ببركة رمضان يتصلح)
الجملة دي لسة متقالالي لاني بمر بحالة شبيهة بالحالة دي, بس ساعتها ردي كان اني ما اعرفش اصلا ايه اللي انكسر, صاحبتي قالتلي خلاص هو انكسر وانتي ما تعرفيش وان شاء الله ربنا هيصلحه وانتي ما تعرفيش........
يا رب يهدينا جميعا..........

عايش... ولكن !!!! يقول...

انا فى اول البوست قولت ايه الهبل ده ههههههههه بس طبعا بعد ما دخلت فى صلب الموضوع فهمت ايه اللى تقصده
انا على فكره نفس الحاله دى معايا بقالها حوالى 4 شهور ومش لاقيلها حل
ياريت لو لاقيت حل تقولى
تحياتى

MeMe يقول...

والله يادكتور كأنك بتتكلم بلسانى ..
ومش انا وانت بس .. تقريبا كلنا كدا ..
وتقريبا برضه لنفس الاسباب وكلنا برضه فى نفس المرحلة العمرية .
انا حاسة انى بقالى سنة كدا ولا حاجة .. فى نفس المود والحالة دى ..
بقنع نفسى أوقات انى خرجت منها لكن .. من اقل حاجة .. برجع تانى لييها ..
كان طول عمرى من مبادئى اللى عايز حاجة بيعملها ..
يعنى بما انى عايزة أخرج من الحالة دى يبقى هخرج
بس بجد مابقتش عارفة انا عايزة ايه ..
نفس الحيرة والقلق من قلة القلق واحساس بخوف مش معروف مصدره
حاجات كتير كدا
بس مفيش ادامنا غير .. القرب من ربنا فى الايام دى ..
وربنا يستر
ادعى لنا انت كمان يادكتور .
وربنا معااااك ..
يارب المرة اللى جاية تكتب وتقول
انا بقيت تمام
تقبل مرورى يافندم
slaaaaaaaaaaaaaaaaaaaaaaaaaamz
MeMe

MeMe يقول...

نســـــــــيت أقول لك كل سنة وانت طيب .

عروسة ننوسة يقول...

كل سنة وانت طيب

Blue Nile يقول...

ياه يا محمد
والله اللي كتبته ده مر عليا كتير
احيانا الواحد بيمر باللحظات دي
عندك حق تتضايق
ان شاء الله رمضان يجي يغير مودك ده خالص
ربنا يهديك يارب
كل سنة وانت طيب

ShimaaMahdy يقول...

امين

الحاله اللى انت فيها فى كتير بيمر بيها وممكن اصعب و زى ماانت قولت انت احسن من غيرك بكتير

المهم انك من جواه تقتدر تقعد مع نفسك وشوف عايز ايه عشان ترتاح من الحيرة دى

و ان شاء الله ترجع تانى زى ماكنت وتبقى مش محتار

كل عام وانت بخير

تحياتى (:

Mohamed Dawod يقول...

امين امين امين.....كل عام وانت بخير ورمضان كريم

ليكوريكا يقول...

سفروته

الحمد لله انك خرجتي منها ويارب مترجعيلها تاني

كل رمضان وانتي بالف خير

ليكوريكا

ليكوريكا يقول...

ايمي

جميل كلامك وتحليلك

وكنت قريت كتاب اسمه (سيطر علي نفسك)

بيقول نفس الكلام ده تقريبا

تحياتي ليكي وشكرا علي ردك ومرورك الجميل

ليكوريكا

ليكوريكا يقول...

منور يا اسامه

وربنا يريحهنا كلنا ويبعدنا عن الهموم والحزن علي طول باذن الله

شكرا لردك الجميل

وكل رمضان وانت طيب

ليكوريكا

ليكوريكا يقول...

قلب ينبض بالله

يارب كل قلوبنا تنبض باسم الرحمن في رمضان وغير رمضان

شكرا علي ردك ودعوتك

ليكوريكا

ليكوريكا يقول...

لست ادري

كلامك بجد يا حسناء حرك حاجات كتير جوايا

ربنا يوفقك وتحققي كل اللي بتتمنيه

وصدقيني محدش بياخد اكتر من نصيبه

الحمد لله :)

ليكوريكا

ليكوريكا يقول...

كيكيييييييي

كفايه خدات بقي :)))

منوراني ...

بس ابقي تعالي بعد الفطار

كل سنه وانتي طيبه

ليكوريكا

ليكوريكا يقول...

sometimes

انا قلتها كلمه قبل كده

وباء الاكتئاب انتشر

كل سنه وانتي طيبه

ومتنسيش تاخدي المصل :)

ليكوريكا

ليكوريكا يقول...

نور

كل رمضان وانتي طيبه

ربنا يهدينا للي فيه الخير

وبالنسبه لموضوع لاحول ولا قوة الا بالله

فدي حاجه

و(يا حول الله)

حاجه تانيه

يا حول الله معناها اني بستغيث بقوة الله وبقدرته

عموما شكا عالنصيحه ومنوره البلوج

ليكوريكا

ليكوريكا يقول...

عيله مفتريه

صدقيني هنعيش رضينا او مرضيناش

الحمد لله علي كل حال

وانا اسف ليكي لو فكرتك بحاجه

اسف مره تانيه

كل رمضان وانتي طيبه

ليكوريكا

ليكوريكا يقول...

دواير

منوره البلوج بعد غياب

ربنا يهدينا للي فيه الخير

وكلنا نرجع مرتاحين البال وراضيين بالنصيب مهما كان

ربنا يسعدك يارب

وترجعي تفتحي بلوجك للناس كلها

ليكوريكا

ليكوريكا يقول...

جبت يا عبد المعين تعيني لقيتك يا عبدالمعين عاوز تتعان

عايش ولكن

عيش من غير لكن

بس خلاص :)

ليكوريكا يقول...

ميمي

عمنا صلاح جاهين قالها

(الهم واحد والملل مشترك)

ربنا يفك همنا كلنا

وكل سنه والمسلمين كلهم طيبين

ليكوريكا

ليكوريكا يقول...

عروسه ننوسه

وانتي طيبه يا عروستنا

ليكوريكا يقول...

بلو نايل

منوره البلوج بجد

وربنا يهدينا للي فيه الخير

كل رمضان وانتي طيبه

ليكوريكا

ليكوريكا يقول...

شيماء الهادي

كل رمضان وانتي طيبه

منوره البلوج

يارب متكونش اخر مره

ليكوريكا

ليكوريكا يقول...

محمد داوود

وانت وكل المسلمين بخير يارب

ليكوريكا

مش مهم اللي فات - سيبوني احلم باللي جاي