التسميات

الجمعة، 5 سبتمبر، 2008

انت غبي ؟ ... ايووووووون :)




جميله المصارحه مع النفس

والأجمل علي فكره المصارحه مع الغير

يعني مثلا لو واحد جالك وقالك :

انت غبي

!!!!!!!!!!!!!!!!

متقلبش التمانيه وتمانين وتعمل الميه وحداشر

ومتجزش علي سنانك وتقول

(اني صائم ... اني صائم ... اني صائم )

اما شوفك يا ............ بعد الفطار

---------------------------------

ركز بس معايا حبتين

انا اعرف من وانا صغنن (صغير بالاطفالي ) :))

ان لما واحد يشتمني او يقول حاجه عليا

(اقوله اولا ربنا يسامحك )

وبعد كده احاول انفي التهمه او الصفه اللي اتوصفت بيها

طيب انفيلي يا سيدي انك موش غبي

طب هاتلي حد في البلد دي معترف بغير كده

(البلد مجاز مرسل لاي بلد غير بلدنا)

وآدي الادله :

1- تفسر بايه انك تاخد العلاوه باليمين وكل حاجه تزيد الضعفين بالشمال ؟

2-طب تفسر بايه ان التعليم بالمجان ؟

3-طب تفسر بايه ان الحكومه (حكومة البلد اللي هيا موش بلدنا) تصرف المرتبات قبليها ب15 يوم ... ويبقي ده حل جوهري لازمة رمضان والمدارس ... ربنا يكون فعوننا عالتعليم المجاني :)))

4-طب تفسر بايه قانون ليكوريكا للمرور الجديد ؟ ... وخصوصا الشنطه الطبيه اللي انا كصيدلي يعني علي الاقل واخد كي جي وان وكي جي تو ... معرفش اتعامل معاها ؟؟!!!!!!!!!!!!

5-طب تفسر بايه البلد بتتحرك ... واركب القطر ؟ ---------- والله علي مدار شهر ونص بركب القطر بس البلد مبتتحركش :(((

طب خدوا دي ..............

تامر حسني واشاراته المقززه في كليبه الاخير (اللهم اني صائم)

ايه سفن ايه ... خد فطيرك وغيره وغيره من المصطلحات الفزيييييييعه اللي بقت زي اللبانه فبق الكل وبتتقال بمنتهي الفخر وكأنهم جابو التوك توك من عند منصور شيفورليه !!!!!

الرقابه سمحت بالالفاظ بحجة انك غبي !!!!!!!!!!!!!!!!

ايييييييييييووووووووووووون

قالت انها الفاظ غير مفهومه

بالنسبه للعامه (الاغبياء)

واخيرا ومن شبكة موبينيل الجديده ... ومن التيليفزيون العربي ... ومني شخصيا

ومن ريحة الغباء المشعه اللي بقت فكل حته

اقولك كل سنه وانت طيب يا غبييييييييييي (بشتم نفسي علي فكره)

ليكوريكا من منظمة الغباء العالمي

انتظرونا ...
----------------------------------
(مش مستعد اكون بطل)
الآن
علي مجرد مشاعر
اضغط هنا

هناك 49 تعليقًا:

Sometimes يقول...

بص انا هقولك حاجه
انا فعلا بحس بالغباء وبزعل من نفسى اوى
مش بس علشان الحاجات اللى انت قلتها لا ده كمان علشان فهمى بقى تقيييييل
اه والله
ربنا يستر بقى
انا لسه شايفه انك محستش بروح رمضان لغاية دلوقتى
يعنى ممكن لو سمحت ما تشغلش نفسك بحاجه تانيه غير ربنا
المشاكل والحاله النفسيه الهباب احنا فيها طول عمرنا
يعنى هى حاجه مش جديده
يبقى احنا اللى نجدد بقى وننساااااااااااااها
ممكن؟
كل رمضان وانت اقرب الى الله

enjy يقول...

اولا انا قريت البوست اللى فات كان فايتنى لظروف قهرية بس قريته النهاردة واحب اقولك اهلا بيك عضو جديد فى النادى اللى انا رئيس مجلس ادارته.............
ثانيا بقى البوست دة بص انا شخصيا معترفة انى غبية ماهو انا لو مش غبية ماكانش حد اتعامل معايا على انى غبية وبما ان الخلق كلها (افراد وحكومات) بتتعامل معايا على انى غبية يبقى انا اكيييييييييييييييد غبية مش معقول كلهم غلط وانا صح.... حلو اوى البوست يا ليكو يا اخويا
(هو يعنى ايه ايه سفن ايه؟؟؟ هى كلمة قبيحة يعنى وللا ايه اصل كل ما اسال حد يغير الموضوع)

لست أدرى يقول...

فكرتنى
مره كنت بقرا كتاب كتييييييييير اوى ونزلت معرض الكتاب مخصوص علشانه
فالمهم ماما لقت الكتاب على طول بقراه فبتقولى اسمه ايه الكتاب ده
قلتلها ( لماذا من حولك أغبياء )
فقالتلى ايه؟
قلتلها هو اسمه كده
قالتلى مين اللى اغبياء دول
وفضلت حوالى يومين اقنع فى ماما ان الكتاب مش شتيمه لا سمح الله
وان عنوان الكتاب معناه مجرد اختلاف وجههات النظر واختلاف عقول الناس مش اكتر
ومش معناه ان كلامك عكس كلامى انك غبى او العكس
لو حد قالك يا غبى يا نبيل اعرف انه مش بيشتمك

Habiba يقول...

ياعم ليكو

هو انت بقيت فاهم حاجه فى اى حاجه

علشان تدق على ده

طب تصدق بالله انا فى حاجات اول مرة اخد بالى منها من كلامك

ماتدقش ياابن بلدى

كل رمضان انت بخير

afew good men يقول...

مش غبي طبعا

وتفتكر لو غبي كانت عملت العلاوة باليمين علشان تاخدها بالشمال


انت عارف

لما يكون في واحد خانقك او انت مديونله

وكل يوم يطالبك
وانت معاك
بس عايز تخنق فيه


تعمل ايه تقوقلو انت شايف الظروف

البلد بتغلي
والحال واقف
خد الفلوس دي مش نفسك لحد ماتفرج

وهو طبعا لانه ممعهوش حاجة ياخد الفلوس ومفكر انه قدر ياسر عليه

نسي اصلا ان دا حقه


احنا مش اغبية

هما عارفين كدا كويس


وبعدين عموما

الناس تمام
وبتاكل وبتشرب فوق طاقتها
ومعدلاتها الطبيعية

عايش ولكن يقول...

ايه سفن ايه
كنا عمالين نتناقش انا واصحابى فى كلام الفيلم ده ووصلنا لنفس النتيجه
انهم بعاملونا على اننا اغبيا

EMMY BABY يقول...

هههههههههههههههههههه

معرفش ليه والله بضحك بس اصل البوست فكرنى بموقف حصل معايا

كان عندنا دكتور علطول بيشتم هو معتقد ان ده هزار يعنى فتلاقيه بيشتم من غير سبب

وهو رئيس قسم

كان علينا امتحان وهو كان واقف ولاقته كالعادة بيشتم وكنت اول مرة اصطدم معاها وقاللى انتى غبية ؟

وانا بكل احترام وهدوء قلتله لا

لاقيت وشه جاب الوان واتنرفز قاللى لا طالما قلت ان انتى غبية تبقى غبية

قلتله بس حضرتك سألتنى انتى غبية ؟

وانا رديت وقلت لا لاقيت المعيدين والعيال كلهم بصولى يعنى اسكتى هتروحى فى داهية

هههههههههههههههههههههههه

فهمت حاجة يا ليكو

الحقيقة ان اللى حواليك ممكن يعتقدوا انك غبى لكن انت ذكى انك قدرت تفهم انك مش غبى وانهم هما اللى عايزين يخلونا كدة

كل سنة وانت طيب

تحياتى

ايمى

قلب ينبض لله يقول...

حمدالله علي سلامتك الأول

وكل سنه وانت طيب

لو بتتكلم علي الغباء
فدا بيتهيألي بكيفنا
بنكسل نبئي فاهمين وناصحين
ماشيين بمبدأ وماله ياعم خليهم يعملوا اللي هما عاوزينه

سلام

Eman يقول...

هو مش غباء ، هو استغباء

ده بعد كدة هينزلزه في المناهج ... كيف تكون غبيا ، لتكون مصريا

الناس بتستغبي وتعمل نفسها مش فاهمة حاجة علشان ما يتعاملوش مع الواقع ،ويكون كدة المفروض عليهم انهم يعترضوا علي أحوالهم وعلي حاجات كتييييييييييييير

فا يا عم بلاش وش

رمضان كريم وخلينا أغبية
:)


تحياتي علي البوست

كيكى يقول...

عوووووووووووووووووو انا جيت اتخديت
................................
اممممممممممممممممممممممممممم
اممممممممممممممممممممممممممممممم
اممممممممممممممممممممممممممممممممم
هو معنى الغباء اية اصلاااااااااا
!
!
انك تتعامل مع واحد زكى على اساس انة غبى
ولاتتعامل مع واحد غبى على اساس انة زكى

ولاتتعامل مع الكل انهم اغبيى وتخلص
ولا تروح تاكل كشرى
والدنيا تروووووووووووووق
؟
؟
لغبطنى يا نبيل
عارف بجد
لو ان الكومة عاملت على اننا بنى ادمين وبنفهم
ماتهيلى الموضوع هيتحل
مع طبق كشرى لكل مواطن
؟
ولا عزاء للسيدات
كل سنة وانت طيب ورمضااااااان كريم
وبجد
بجد
متغبش كتير علينا
عوووووووووووووووووووووووو

Oss يقول...

يا عم ليكو
ده من واحنا فى المدارس بيشربونا غباء
طاب خد عندك دى
واحد صاخبنا اسمه باسم جورج
مكتوب فى الورق بتاعه باسم جورجى
نيجى فى الإمتحان
كتب على الورق بتاع الإمتحان باسم جورج
قالولوا لأ
أبوك اسمه جورجى
ياجدعان ابويا اسمه جورج
لأ اسمه جورجى

حاجه تشلّ
وكل سنه واحنا اغبياء
سلاموز يا باشا

بنت سيناء يقول...

ضحكتنى والله..فعلا انا بعد ما قريت البوست كلة حسيت اننا اغبيا..او أن الحكومة بتتغابانا..فعلا..كلمات الاغانى وقحة بمعنى الكلمة ومسيئة للذوق العام ومفسدة للاخلاق والله

استحضر منها الكثير وااللى الواحد غصب عنة بيسمعة وهو فى بيتة من خلال الافراح وغيرة ولكنى انئا عن ذكرها ..لا استطيع

انسان بلا عنوان يقول...
أزال المؤلف هذا التعليق.
انسان بلا عنوان يقول...
أزال المؤلف هذا التعليق.
انسان بلا عنوان يقول...
أزال المؤلف هذا التعليق.
Sometimes يقول...

ههههههههههههههههههههههههههه
ليكو انت اللى جبته لنفسك انا كنت مستنيه تيجى تجاوب عندى علشان تاخد التاج
ههههههههههههههههههههههههههههههههههههههه
وقعتك فى الفخ
انا سوسه

ياريت يا باشا تيجى تاخده
وياريت متكسفنيش
وجاوبه براحتك بس خلى بالك ده اجبارى
متنساش انى مدرسة كبيرة اد الدنيا ههههههههههههه
ولازم تسمع كلام المدرسة بتاعتك

عاقلة علي ارض الجنون يقول...

هههههههههههههه

هكذا نحن .. مجموعة أغبياء سواء جمعنا الجنون أو بعضا من العقل الغبي

تحياتي مع ان المصطلحات اللي انت حاططتها و الله مفهمتهاش الا فيييييين و فييييين .. قد يكون غباء مني .. أو غباء منك .. المهم اننا اغبياء

ياسمين

appy يقول...

ايه تانيب الضمير ده يا عم بس فيه حاجات لو فكرت فيها مش هتلاقى نفسك غبى حتى الغباء درجات

Blue Nile يقول...

احنا مش اغبياء يا محمد
بس بيعاملونا على اننا اغبياء

شمس النهار يقول...

مااعتقدش ان المصري غبي
ليه
لآنه البني ادم الوحيد اللي بيسخر من الامه بالنكته
لآنه البني ادم الوحيد اللي بيربي عياله بقروش قليله
لآنه الوحيد اللي كتب قصيده
جميله ضحكتني
انت مش غبي

انسان بلا عنوان يقول...

انا قلت احذف التعليقات اصلى حسيت انى عكيت شويه

انا ملاحظك عمال تقول تفسر بايه تفسر بايه كذا وكذا؟؟....تفسر بايه؟


وبتقول انهم بيعاملوك -الحكومه والاعلام بتاع البلد الللى هى موش بلدنا هههههه- بيعاملوك واحنا معاك على اننا اغبياء.....وان دى الحقيقه ...يعنى انك غبى .

انا بصراحه من هواة التفسيرات!

طبعا انت عارف انك موش غبى بدليل انك فاهم كل حاجه والشعب كمان مش غبى لان - اغلبه - فاهم كل حاجه !!

طب هما بيعاملونا كده ليه ؟؟!

هما عايزين يعملواوبيعملوا حاجات مش مصلحتك وغصب عنك وعارفين ان انت عارف كده كويس !!

يعنى عارفين ان انت زكى مش غبى !

بس لازم يعملوا كده لزوم الديكور الداخلى والخارجى ..

لكن الموضوع مش موضوع غبائك او زكائك او فهمان ولا مو فهمان ...كل ده مش مهم ...لانك انت ببساطه تخبط دماغك فى اكبر حيط

القصه قصة ديكورات ....ممكن تفرضها عوامل عالميه وواقع بيقول ان الفساد والديكتاتوريات يجب ان تتجمل وبتبقاش مكشوفه وصريحه زى زمان

يعنى كله تمام ....وانت مش غبى ولا حاجه

انت بس اقف ادام المرايه واقول :
انا زى البمب انا حديد انا زكى جدا

وبلاش تمشى ورا خفافيش الظلام

انت فاهم حاجه ؟
لو مش فاهم فانا عارف ليه ههههههه

كل سنه وانت طيب

خديجة محسن "لؤلؤة الاسلام" يقول...

ما شاء الله دمدونة ليكوريكا


و البوست مميز
ههههه

و تحياااااااااتى
و انا طبعا اتمنى من انى اكون من المدونات المفله على هذا البلوج المتميز
و الجميل

و جزاكم الله خيرا

و تحياااااااااتى

دعاء مواجهات يقول...

هههههههههههههههههههههه

ياابنى انت دووماغ

عالية موووووووت

بجد

عندك حق ف كلامك تصدق

ربنا يعيننا ياارب

جميعا

سلاام

e_emy يقول...

لا احنا مش اغبية فاهمين كل حاجه

بس تقدر تقول اننا بنستغبى

مش شاطرين غير ف الكلام وببببببببببس

بوست جميـــل

كل سنة وانت طيب

تحياتى

princess يقول...

بصراحة انا مكنتش غبية لما دخلت هنا:)
المدونة جميلة ومعاك حق فى اللى قلته كله
تحياتى على البوست:)

ليكوريكا يقول...

سام تايمز

روح رمضان مقدرش محسش بيها

بس موضوع الغباء ده استفزني

كل رمضان وانتي بخير

يارب نطلع كلنا مغفور لينا يارب

ليكوريكا

ليكوريكا يقول...

انجي :

منوره البلوج اكيد

ومحدش غبي خالص مالص

انا اللي غبي

اما موضوع ايه سفن ايه

فمتشغليش بالك :)

ابقي تعالي كتير

ليكوريكا

ليكوريكا يقول...

لست قدري :)

انا عارف الكتاب ده علي فكره

كنت واقف في محطه القر والقطر متأخر ساعه تقريبا :)))

وقريت عنوان الكتاب بس فهمت انه تقريبا زي كتب التنميه البشريه

متقلقيش يا حسناء

انا مش بصدق اي حد ...

ليكوريكا

ليكوريكا يقول...

حبيبه

وانتي طيبه ورمضان كريم علينا كلنا

انا مبدققش بس بتكلم بدل مطق

يرضيكم اطق :)

نورتي البلوج

ليكوريكا

ليكوريكا يقول...

افيو جود مين :

طمنتني عالشعب يا مان

اهم حاجه عندنا الناس

ومعدلات الاكل بالذان

مش مهم معدلات الغباء خالص

نورتني ويارب متكونش اخر مره

ليكوريكا

ليكوريكا يقول...

عايش ولكن :

ازيك يا ابو علاء

ولا يهمنا يا ابن بلدنا

يعاملونا زي ميعاملونا

قاعدين علي قلبهم :)

نورتني

ليكوريكا

ليكوريكا يقول...

ايمي

وانتي طيبه

الغباء مش عيب علي فكره

وخصوصا لما بيبقي بمزاجنا

اما رئيس القسم فيقول اللي هوا عاوزه

ده رئيس قسم يا بنتي :)))

ليكوريكا

ليكوريكا يقول...

قلب ينبض بالله :

وانتي طيبه وكل المسلمين بخير يارب

علي فكره اوحش احساس لما ميبقاش قدامك اختيار غير انك تكون غبي

هنحاول نكون غير كده

وهنقدر باذن الله

ليكوريكا

ليكوريكا يقول...

ايمان :

انا عن نفسي مستعد اعمل منظلمه للغباء بدل منظمة الغذاء

وواثل ان اعضائنا هيزيدوا عن السبعين مليون :)

كل رمضان وانتي طيبه

ليكوريكا

ليكوريكا يقول...

كيكي

المرادي استعديت ليكي بطاسة الخضه :)))

علي فكره طبق الكشري حل فزيييييييييييع لموضوع الغباء

هحاول احطه في المقترحات

كل رمضان وانتي بتخضينا :)

ليكوريكا

ليكوريكا يقول...

اسامه

كل سنه وانت طيب

وجورجي احسن من جورج علي فكره

علي الاقل جمهورية جورجيا مفيهاش اغبياء :)

كل رمضان وانت بخير

ليكوريكا

ليكوريكا يقول...

بنت سينا

منوره البلوج لاول مره

اتمني متكونش اخر مره

وربنا اللي يحفظنا من كل سوء باذن الله

رمضان كريم

ليكوريكا

ليكوريكا يقول...

سام تايمز تاني :)

ماشي يا استاذتنا

هجاوبه باذن الله بس موش لازم دلوقتي

خليه اخر الترم

انا طالب فاشل :)

نورتيني لتاني مره

ليكوريكا

ليكوريكا يقول...

ياسمين

تدي علي فيلسوفه :)

علي فكره كتير بيقولوا علي الفلاسفه اغبياء

مع انهم عباقره

وجهات نظر :)))

نورتي البلوج

ابقي تعالي كتير ...

ليكوريكا

ليكوريكا يقول...

appy

مفيش غبي بيفكر

الغبي بياكل الحاجات الحلوه :)

رمضان كريم

ليكوريكا يقول...

بلونايل

كونا سمحنالهم بكده نبقي اغبيا

وجهات نظر :)


ليكوريكا

ليكوريكا يقول...

شمس النهار

المصري مش غبي

بس هما اللي بيعاملوه علي انه غبي

وهوا بغباؤه وافق :(

يللا حصل خير

كل رمضان وانت بخير

ليكوريكا يقول...

انسان بلا عنوان

بقي انت بقي اللي حذفت التعليقات

ايه كنت شاتمني فيها ولا ايه :))) ؟؟؟

انا ذكي وفاهم كل حاجه علي فكره :)

منورني ومتقلقش الغباء درجات

وانت حالتي موش خطر

ولا ايه رايك ؟!!!

ليكوريكا

ليكوريكا يقول...

خديجه محسن

اكيد يشرفني انك تردي عندي

ويارب متبقاش اخر مره

ليكوريكا

ليكوريكا يقول...

دعاء مواجهات

محتاجيين نواجه نفسنا بالغباء:)))

نورتيني

ليكوريكا

ليكوريكا يقول...

ايمي-ي

عندك حق

بنستغبي :)))

نورتي البلوج

كرري الزياره لو عجبك باذن الله

ليكوريكا

ليكوريكا يقول...

برينسيس

ربنا ميجيب غباء ابدا

ومنتظر زيارتك الجايه في البوست اللي جاي

ليكوريكا

بنت الماضي يقول...

ليكووو
كل سنه وانت طيب ورمضان كريم
عموما اغبيااا؟؟؟؟
ومااااله
يعني مطحونين ومكسورين ومهريين ومدموسين ومتهانين ومجروحين ونييييييله خالص
ومش عايزنا نكون اغبيا كمان :):)

حلوة المدونه

will يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

مش مهم اللي فات - سيبوني احلم باللي جاي