التسميات

الثلاثاء، ١٧ يونيو ٢٠٠٨

حتى انت يا ... محمد فؤاد !

ازيكم ايها البلوجاريه الحلوين

وحشتوني وحشتوني وحشتوني

واخيرا بعد شهر ونص امتحانات مميته

وبعد اعتزال موقت للتدوين علي هذا البلوج العزيز

رجعتلكم دلوقتي عشان ادوشكم من اول وجديد

وعشان بس منضيعش وقت كتير في السلامات

انا جايبلكم النهارده بوست (صدمه)

ايوه ايوه

صدمه !

انا عن نفسي اول معرفت اتصدمت

مش عشان الموضوع اول مره يحصل

او عشان حتي ده جديد علينا

لكن انا بس اتصدمت في الشخص اللي عمل الصدمه

معلش يا جماعه اعذروني لسه طالع من امتحانات وحاولوا كده تجمعوا معايا عشان انا فاصل اساسا

المهم يا جماعه

عارفين اغنيه طمني عليك بتاعة (محمد فؤاد)

ايون ايون ...


طمني عليك وقول فين الاقيك
مشتاق لعنيك وبدوب من شوقي ليك
وانا مش راح اعيش ...
لو موش وياك
مش قادر انساك ...

ايوه هيا نفس الأغنيه بتاعة ...

وبروح علي صورتك اخدها في حضني وانام
واهي حاجه وبتصبرني علي الايام
ايامي بقت من غيرك مليها الويل
بتعذب كل مييجي عليا الليل
طمني عليك ...

بتقولوا اه عارفين
طب وايه يعني منا عارفها انا كمان !

طيب سمعتوا عن مغنيه اسمها سيزين اكسو ؟

طب بلاش السؤال ده

سمعتوا عن ملحن تركي مشهور اسمه حسنو ؟

طب بلاش حسنوا

سمعتوا عن اغنيه اسمها اسطنبول اولالو ؟

طيب انا النهارده جايبلكم اغنية اسطنبول تلحين حسنوا وغناء سيزين اكسو


واللي عاوز اقوله ان الاغنيه دي من الأغاني المشهوره جدا في تركيه

وعلي مدار السنين اللي فاتت دي غناها أكتر من 3 مغنيين (سيزين وسيبل جان وكمان كيبري )

الاغنيه
اصدرت بالظبط في 2002

في البوم



Şarkı Soylemek Lazım 2002
01- Şarkı Soylemek Lazım
02- İstanbul İstanbul Olalı
03- Savaşma Şeviş Benle
04- Su Gibi
05- Nihayet
06- Seni İstiyorum
07- Dansöz Dünya
08- Tanrı İstemezse
09- Güngörmemişler
10- Şen Şarkı
11- Deli Gönlüm
12- Kıran Kırana

http://rapidshare.com/files/52624625...wtmuzik.us.rar

وغنتها كيباريا في 2006
وايضا سيبل جان في 2006 في مسلسل اسمه ah istanbul
وكانت اغنيه المقدمه للمسلسل
وده الموقع الرسمي لسازان اكسو
تقدروا تتاكدوا من تاريخ انتاج الالبوم
http://www.sezenaksu.net/index.php
هتلاقوا الالبوم بعد الضغط علي diskografi
وده موقع اخر ليها اسهل شويه
http://www.sezen-aksu.com/


وده البوم كيباريا
Kibariye - Gulumse Kaderime 2006


Kibariye - Gülümse Kaderime - 01 - Gulumse Kaderime
Kibariye - Gülümse Kaderime - 02 - Yar Yar
Kibariye - Gülümse Kaderime - 03 - Sevemem
Kibariye - Gülümse Kaderime - 04 - Ah Istanbul
Kibariye - Gülümse Kaderime - 05 - Birgül
Kibariye - Gülümse Kaderime - 06 - Yillarim Aglar
Kibariye - Gülümse Kaderime - 07 - Duman Duman
Kibariye - Gülümse Kaderime - 08 - Isterim Seni
Kibariye - Gülümse Kaderime - 09 - Nerdesin
Kibariye - Gülümse Kaderime - 10 - Salla Yavrum
والاغنيه المقصوده رقم 4 اه اسطانبول


وسبب صدمتي ان محمد فؤاد خد اللحن بتاع الاغنيه بالملي

وعمله اغنية طمني عليك اللي كسرت الدنيا في مصر

واللي يحزن انه كتب عليها بكل بساطه

لحن : محمد فؤاد !

ياخسارة انا لو حبيبك والحب الحقيقي يا فؤش :(

صورتك اتهزت بالنسبالي اوي

ومعنتش هروح علي صورتك اخدها فحضني وانام :(

اسمعوا الاغنيه وشوفوا الكليب وقولولي رأيكم ...

حتي الاغاني مش عارفين نلحنها لوحدنا .....

حاجه تحزن

:((



لتحميل الأغنيه

اضغط هنا


وده الفيديو كليب بتاع الاغنيه

مستني رأيكم ...






هناك ٢٥ تعليقًا:

just me يقول...

اول رد كالعاده
عاااااااااااادى جدا والله

عارف انت اغنيه عامر منيب كلام اللى انا بحبها جداااا
هى كمان مسروقه يعنى اللحن بالمللى
بس الله اعلم مين المسروق ومين القتيل قصدى الجانى

فى مره طرحو الموضوع ده فى الراديون
وفعلا لاقو الحان كتير اصلها مصرى والغرب هما اللى بيسرقوها او بيشتروها منهم
يعنى مش سرقه زى ماحنا فاكرين
احنا بنسمع اللحن ونلاقيه مشابه وخلاص مابنصدق ونطلع نفسنا حراميه
لييييييييييييه؟؟
فى حين ان ممكن يكون العكس هو اللى صح
المشكله اننا مش عندنا ثقه بنفسنا
بس على فكره الاقتباس مش عيب لو كان بطريقه كويسه لكن العيب هو ان حد ينسب تعب ناس تانيه ليه
غير كده الاغنيه التركى دى وحشه على فكره وانا مش فاهمه اى حاجه منها

بس لازومن لازومن نعمل قعدة صلح ليك انتوفؤش ونصلح سوء التفاهم ده

ليكوريكا يقول...

هههههههههههههه

لا لايونكن يا حسناء

كونه كتب لحن محمد فؤاد يبقي خلاص نزل من نظري خلاص

وعلي فكره بقي الاغنيه التركي فظيعه

والكليب عاجبني اوي

وانا مصمم اني مش هروح علي صورته واخدها فحضني وانام

ومن النهارده مفيش طمني عليك

من النهارده في اسطنبول

اسطنبووووووووووووووووووول اولالوووووووو

منوره البلوج في اول رد كالعاده :)

عروسة ننوسة يقول...

معقول انت فعلا صدمتنى
على كده الواحد مش هيثق فى حد تانى منهم
بس برافو عليك ولا كولومبو

ليكوريكا يقول...

عروسة ننوسة يقول...

معقول انت فعلا صدمتنى
على كده الواحد مش هيثق فى حد تانى منهم
بس برافو عليك ولا كولومبو

---------------------------------

انا برضو اتصدمت زيك كده

بس هنعمل ايه ...

ده الواقع المؤلم

منوره البلوج اكيد ...

ابقي تعالي كتير :)

نـــــور يقول...

مش عارفه ليه ياليكوريكا حاسه ان الامتحانات برضه لسه ليها تأثير عليك انما ده مايمنعش انه فعلا الثقه بقت معدومه والواحد مابقاش عارف مين اللى بيغش من مين بس يااخى انت زعلان منه ليه بس ؟؟؟؟؟!!!!

ماهو الراجل كويس اهه وبيعرف يغش صح وعامل على اللحن اغينة كويسه...
انا مش معاك خالص فى زعلك ده انت كنت تزعل لما هو يسرق اللحن وبعدين يطلع اغنيه فاشله
زيارتى الاولى وان شاء الله مش الاخيرة اتمنى يدوم التواصل

حاجات جوايا يقول...

لالا أنا مش مصدقة
محمد فؤاد ميعملش كده
ده فنان محترم وله اسمه وحاجة زى دى تضيع تاريخه كله لو حصلت بجد

وبعدين انا مشوفتش تاريخ الألبومات دى
ممكن التانى هو اللى سارق

المهم لا نرمى الناس بالباطل إلى أن تتبين الحقيقة

أقولك حاجة
هات ايميل محمد فؤاد وابعتله اسأله ولو مردش عليك ............ يبقى الله أعلم بقى

لك تحيتى اخى الكريم
سالى

ليكوريكا يقول...

حذف
Blogger habiba يقول...

مش عارفه ليه ياليكوريكا حاسه ان الامتحانات برضه لسه ليها تأثير عليك انما ده مايمنعش انه فعلا الثقه بقت معدومه والواحد مابقاش عارف مين اللى بيغش من مين بس يااخى انت زعلان منه ليه بس ؟؟؟؟؟!!!!

ماهو الراجل كويس اهه وبيعرف يغش صح وعامل على اللحن اغينة كويسه...
انا مش معاك خالص فى زعلك ده انت كنت تزعل لما هو يسرق اللحن وبعدين يطلع اغنيه فاشله
زيارتى الاولى وان شاء الله مش الاخيرة اتمنى يدوم التواصل

18 يونيو, 2008 01:28 ص

-----------------------------

نورتي البلوج يا حبيبه

بس سبب صدمتي اني دايما كنت اقول علي فؤش انه مبدع بجد

وياما كنت بدافع عنه واقول مفيش حد في مصر زيه

بس هنعمل ايه بقي ...

شكرا عالزياره واتمنى متكونش الاخيره

ليكوريكا

ليكوريكا يقول...

حاجات جوايا يقول...

لالا أنا مش مصدقة
محمد فؤاد ميعملش كده
ده فنان محترم وله اسمه وحاجة زى دى تضيع تاريخه كله لو حصلت بجد

وبعدين انا مشوفتش تاريخ الألبومات دى
ممكن التانى هو اللى سارق

المهم لا نرمى الناس بالباطل إلى أن تتبين الحقيقة

أقولك حاجة
هات ايميل محمد فؤاد وابعتله اسأله ولو مردش عليك ............ يبقى الله أعلم بقى

لك تحيتى اخى الكريم
سالى

------------------------

اولا اشكرك علي زيارتك للبلوج وردك الجميل

اما بالنسبه بقي لموضوعنا

فصدقيني انا من اشد المعجبين بمحمد فؤاد واحترامه لنفسه وللي بيسمعه

وانا اتصدمت برضو زيك

لكن انا ليا واحد صاحبي عاشق للفن التركي ويعرف كل كبيره وصغيره عنه

اتفاجئت وانا راكب معاه في العربيه انه مشغل الاغنيه دي

واما سألته قاللي التفاصيل اللي انا قلتهالكم دي

واللي عاوز اقولهولك ان الاغنيه دي من الأغاني المشهوره جدا في تركيه

وعلي مدار السنين اللي فاتت دي غناها أكتر من 3 مغنيين (سيزين وسيبل جان وكمان كيبري )

الاغنيه كلمات والحان

sezan aksu

اصدرت بالظبط في 2002

في البوم





Şarkı Soylemek Lazım 2002


01- Şarkı Soylemek Lazım

02- İstanbul İstanbul Olalı

03- Savaşma Şeviş Benle

04- Su Gibi

05- Nihayet

06- Seni İstiyorum

07- Dansöz Dünya

08- Tanrı İstemezse

09- Güngörmemişler

10- Şen Şarkı

11- Deli Gönlüm

12- Kıran Kırana


http://rapidshare.com/files/52624625...wtmuzik.us.rar

وغنتها كيباريا في 2006

وايضا سيبل جان في 2006 في مسلسل اسمه ah istanbul

وكانت اغنيه المقدمه للمسلسل

وده الموقع الرسمي لسازان اكسو

تقدروا تتاكدوا من تاريخ انتاج الالبوم

http://www.sezenaksu.net/index.php

هتلاقوا الالبوم بعد الضغط علي diskografi

وده موقع اخر ليها اسهل شويه


http://www.sezen-aksu.com/


وده البوم كيباريا

Kibariye - Gulumse Kaderime 2006



Kibariye - Gülümse Kaderime - 01 - Gulumse Kaderime
Kibariye - Gülümse Kaderime - 02 - Yar Yar
Kibariye - Gülümse Kaderime - 03 - Sevemem
Kibariye - Gülümse Kaderime - 04 - Ah Istanbul
Kibariye - Gülümse Kaderime - 05 - Birgül
Kibariye - Gülümse Kaderime - 06 - Yillarim Aglar
Kibariye - Gülümse Kaderime - 07 - Duman Duman
Kibariye - Gülümse Kaderime - 08 - Isterim Seni
Kibariye - Gülümse Kaderime - 09 - Nerdesin
Kibariye - Gülümse Kaderime - 10 - Salla Yavrum
والاغنيه المقصوده رقم 4 اه اسطانبول

Unknown يقول...

معدش ده بيفرق مع المغنيين متزعلش نفسك تقول بقو بيتابقو في كده طيب ما عمرو دياب أستاذ الفن سارق لحن الليلادي
مش شيئ جديد تحيتي

ليكوريكا يقول...

حذف
Blogger كاتب مصري يقول...

معدش ده بيفرق مع المغنيين متزعلش نفسك تقول بقو بيتابقو في كده طيب ما عمرو دياب أستاذ الفن سارق لحن الليلادي
مش شيئ جديد تحيتي

---------------------------

شكرا ليك يا كاتبنا المصري

انا سمعت كتير عن عمرو دياب

لكن الجديد ان محمد فؤاد كمان عمل زيهم

وعلي رايق مش هتفرق كتير

منرو البلوج ويارب دايما :)

بنات صاحبة الجلالة يقول...

صح معاك حق انا كمان اتصدمت محمد فؤاد فنان له تاريخ كبير وهو في لحظة بيضيع كل دا بس عارف دا بقي عادي في الوسط الفني انهم يسرقوا الحان وينسوبها لنفسهم يمكن من فترة مش بعيدة اوي كان فارس وهيثم شاكر متهمين بعض بسرقة اغنية عاشق سحر عينيك ومعرفناش مين اللي سارق الاغنية هو الغريب فعلا ان محمد فؤاد يلجا للسرقة ونسب اللحن لنفسه دا والاغنية الاصلية لحنها مشابهه اوي لاغنية طمني عليك والكليب بتاعها حلو بصراحة مع اني مفهمتش بيقولوا اية هههههههههههه

اسعدنا التواجد في اول زيارة لمدونتك

تحياتنا

ليكوريكا يقول...

بنات صاحبة الجلالة يقول...

صح معاك حق انا كمان اتصدمت محمد فؤاد فنان له تاريخ كبير وهو في لحظة بيضيع كل دا بس عارف دا بقي عادي في الوسط الفني انهم يسرقوا الحان وينسوبها لنفسهم يمكن من فترة مش بعيدة اوي كان فارس وهيثم شاكر متهمين بعض بسرقة اغنية عاشق سحر عينيك ومعرفناش مين اللي سارق الاغنية هو الغريب فعلا ان محمد فؤاد يلجا للسرقة ونسب اللحن لنفسه دا والاغنية الاصلية لحنها مشابهه اوي لاغنية طمني عليك والكليب بتاعها حلو بصراحة مع اني مفهمتش بيقولوا اية هههههههههههه

اسعدنا التواجد في اول زيارة لمدونتك

تحياتنا

------------------------------

نورتوا البلوج لاول مره

واتمني متكونش زيارتكم الاخيره

والموضوع ده فعلا مش جديد

بس الجديد ان محمد فؤاد هوا اللي عمل كده

يللا اهي غنوه والسلام

نورتوني مره تانيه :)

سفينة يقول...

الموضوع ده عاااادي جدا

هو انا يعني فلحنا في ايه عشان نفلح في التلحين ..

البلد كلها سرقه وفساد وتلفيق

اشمعنا فؤاد اللي مش هيكون كدا هو كمان ..
...........
مشكور جدا مجهودك ده
وربنا يارب يسمعنا عنك كل خير في النتيجه ..

خالص تحياتي

قبطان

ليكوريكا يقول...

سفينة يقول...

الموضوع ده عاااادي جدا

هو انا يعني فلحنا في ايه عشان نفلح في التلحين ..

البلد كلها سرقه وفساد وتلفيق

اشمعنا فؤاد اللي مش هيكون كدا هو كمان ..
...........
مشكور جدا مجهودك ده
وربنا يارب يسمعنا عنك كل خير في النتيجه ..

خالص تحياتي

قبطان

---------------------------

منورني يا دكتورنا

ولا خلينا نقول منورني يا قبطان البلوجرز كلهم

وشكرا عالدعوه الجميله دي

ربنا يوفقنا كلنا يارب

ليكوريكا

Unknown يقول...

جئت أوقع بالحضور ولي عودة للتعليق
تحيتي

ليكوريكا يقول...

كاتب مصري يقول...

جئت أوقع بالحضور ولي عودة للتعليق
تحيتي

----------------------

انت رديت فعلا يا كاتبنا المصري

شوف فوق كده :)))

Darsh يقول...

أنت مكبر الموضوع قوي يا محمد

أذا كان بيسرقوا من بعض داخل البلد الواحد مش هيسرقوا من بعض عبر القارات

لأ إخص عليك إخص

عادي يعني

سميه إقتباس مش سرقة

و بعدين أنا أصلا ما بحبش محمد فؤاد في آخر ألبوماته لأنه بوظ نفسه

فمش عايز أحكم عليه هنا و أنا مش محايد

إلا صحيح

هي أولالو و لا أولالي !!!!

اسم الأغنية يعني :)

متغيرة شوية يقول...

هو أنا بصراحة مش بحب محمد فؤاد ومعرفش الأغنية بتاعته اللي بتقولوا عليها علشان أعرف احكم
لكن أنا فاكرة من كام سنة سمعته عامل اغنية اسمها " صابر على اللي بيرجرالي " تقريبا
الأغنية دي طبعا لحنها متاخد بالظبط من wild world
بتاعة cat stevens
بس بصراحة مش عارفة بقى اذا كان كاتب على الاغنية انها مقتبسة ولا كاتب عليها لحن حد

غير معرف يقول...

لا حول ولا قوة الا بالله
بس هقول ايه؟؟ واحد اسمه ليكوريكا هيجيبلنا اخبار حسن خليل مثلا؟؟ اكيد حسنو وميليسوفيتش ومش عارفة مين اللي انا قريتهم دول
انا قاعدة في المكتب وعماله اضحك مش قادرة اعرف انت اتمليت ع العالم دول فين؟؟
عموما اتأكدلي بس ان الحان عبد المنعم مدبولي وعفاف راضي وكل اغاني الاطفال مش مسروقة احسن انا بحب الحاجات دي اوي

ليكوريكا،، بوست لذيذ على فكرة

مها ميهوووو

ليكوريكا يقول...

Darsh يقول...

أنت مكبر الموضوع قوي يا محمد

أذا كان بيسرقوا من بعض داخل البلد الواحد مش هيسرقوا من بعض عبر القارات

لأ إخص عليك إخص

عادي يعني

سميه إقتباس مش سرقة

و بعدين أنا أصلا ما بحبش محمد فؤاد في آخر ألبوماته لأنه بوظ نفسه

فمش عايز أحكم عليه هنا و أنا مش محايد

إلا صحيح

هي أولالو و لا أولالي !!!!

اسم الأغنية يعني :)

------------------

اسم الاغنيه

آه اسطنبول

:)))

ليكوريكا يقول...

متغيرة شوية يقول...

هو أنا بصراحة مش بحب محمد فؤاد ومعرفش الأغنية بتاعته اللي بتقولوا عليها علشان أعرف احكم
لكن أنا فاكرة من كام سنة سمعته عامل اغنية اسمها " صابر على اللي بيرجرالي " تقريبا
الأغنية دي طبعا لحنها متاخد بالظبط من wild world
بتاعة cat stevens
بس بصراحة مش عارفة بقى اذا كان كاتب على الاغنية انها مقتبسة ولا كاتب عليها لحن حد

21 يونيو, 2008 11:39 م

--------------------------------

واضح ان الموضوع مش اغنيه وبس
ده تاريخ طويل من الاقتباس بقي

عموما كل واحد بياخد عيل قد نيته
وحقوق الناس دي اكيد مش هتضيع
حتي لو كانوا مش مسلمين

تحياتي ليكي واكيد منوره البلوج :)

ليكوريكا يقول...

أحسن تـستاهـل يقول...

لا حول ولا قوة الا بالله
بس هقول ايه؟؟ واحد اسمه ليكوريكا هيجيبلنا اخبار حسن خليل مثلا؟؟ اكيد حسنو وميليسوفيتش ومش عارفة مين اللي انا قريتهم دول
انا قاعدة في المكتب وعماله اضحك مش قادرة اعرف انت اتمليت ع العالم دول فين؟؟
عموما اتأكدلي بس ان الحان عبد المنعم مدبولي وعفاف راضي وكل اغاني الاطفال مش مسروقة احسن انا بحب الحاجات دي اوي

ليكوريكا،، بوست لذيذ على فكرة

مها ميهوووو

-------------------------------

ماشي ماشي

اتريقي علي اسم ليكوريكا كمان وكمان :)

عموما ال نوكيا الف ميه كده كلاص مش هيرجع خالص باذن الله :)

انسيه خالص ... ومتقلقيش احنا واخدين برائه اختراعغ بالاغاني اللي انتي بتسألي عليها دي

منوره البلوج لأول مره ... واتمني متكونش اخر مره

ليكوريكا

ღϠ₡ღأمير الهدوءღϠ₡ღ يقول...

هههههه
طيب مش تقول انك جيت

الف مبروك العوده القويه

اول حاجه تسلم على التقرير الاكثر من تحفه

بجد انت جااامد

هو الصراحه صوت محمد فؤاد في الاغنيه احلى بكتير هههههههه ^_^

بس تقريبا معظم الاغاني
او كتير جدا بيسرقوا اللحن من الغرب
اما بالمللي
او الفكره
او جزء منها
او تتر النهايه وتتر البدايه

وتقريبا لو تلاحظ
ان معظم الاغاني اللي طلعت في 2007
تحس ان ليها نفس الرتم

خير خير خير

تشكررر بجد
والاغنيه الصراحه روعه انا بحب التركي
والموسيقى التركي

^_^
تحياتي
امير مملكة الهدوء
احمد

Blue Nile يقول...

انا بعشق محمد فؤاد جدا
بلنسبة للحن انا قريت انه فلكلور تركي يعني ممكن اي حد ياخد اللحن ده
بس مش عارفة بصراحة ليه ينسبه ليه
بس ممكن نسميها اقتباس وياما مطربين وملحنين عملو كده

غير معرف يقول...

انا من اول ما سمعت اغنيه فؤاد وعرفت انها مسروءه من اغنيه سيزن اكسو وفعلا اغنيه اسطنبول دي من اشهر واجمل الاغاني التركيه التي غنت خصيصا للمدينه الرائعه اسطنبول وبعدين الي مش مصدق يكتب اسم الاغنيه التركي وهو İstanbul İstanbul Olalı في اليوتيوب وهو حيلاقي عشرات الكليبات باصوات عشرات المطربين الاتراك والمشهورينجدا ... لكن الي يحزن بجد ويدعو للاسف انو محمد فؤاد كاتب انها لحنه وعلي فكره دي مش اول مره يعمل كده قبل كده سرق اغنيه كات ستيفنز ويلد وورلد وغني عليها اوقات يا دنيا معاكي بعيش وبرضه نسبها لنفسه .. حاجه تكسف بجد وقال قيه فنان كبير .. الي يعمل كده يبقي مش فنان اصلا والله كسفونا
انا سعيد اني اول مره بشارك واسف لاني معرفتش بنفسي في الاول لان الموضوع استفزني وانا احمد من الزقازيق وشكرا للبلج الجميل مع دوام التوفيق

مش مهم اللي فات - سيبوني احلم باللي جاي