حتى انت يا ... محمد فؤاد !

ازيكم ايها البلوجاريه الحلوين

وحشتوني وحشتوني وحشتوني

واخيرا بعد شهر ونص امتحانات مميته

وبعد اعتزال موقت للتدوين علي هذا البلوج العزيز

رجعتلكم دلوقتي عشان ادوشكم من اول وجديد

وعشان بس منضيعش وقت كتير في السلامات

انا جايبلكم النهارده بوست (صدمه)

ايوه ايوه

صدمه !

انا عن نفسي اول معرفت اتصدمت

مش عشان الموضوع اول مره يحصل

او عشان حتي ده جديد علينا

لكن انا بس اتصدمت في الشخص اللي عمل الصدمه

معلش يا جماعه اعذروني لسه طالع من امتحانات وحاولوا كده تجمعوا معايا عشان انا فاصل اساسا

المهم يا جماعه

عارفين اغنيه طمني عليك بتاعة (محمد فؤاد)

ايون ايون ...


طمني عليك وقول فين الاقيك
مشتاق لعنيك وبدوب من شوقي ليك
وانا مش راح اعيش ...
لو موش وياك
مش قادر انساك ...

ايوه هيا نفس الأغنيه بتاعة ...

وبروح علي صورتك اخدها في حضني وانام
واهي حاجه وبتصبرني علي الايام
ايامي بقت من غيرك مليها الويل
بتعذب كل مييجي عليا الليل
طمني عليك ...

بتقولوا اه عارفين
طب وايه يعني منا عارفها انا كمان !

طيب سمعتوا عن مغنيه اسمها سيزين اكسو ؟

طب بلاش السؤال ده

سمعتوا عن ملحن تركي مشهور اسمه حسنو ؟

طب بلاش حسنوا

سمعتوا عن اغنيه اسمها اسطنبول اولالو ؟

طيب انا النهارده جايبلكم اغنية اسطنبول تلحين حسنوا وغناء سيزين اكسو


واللي عاوز اقوله ان الاغنيه دي من الأغاني المشهوره جدا في تركيه

وعلي مدار السنين اللي فاتت دي غناها أكتر من 3 مغنيين (سيزين وسيبل جان وكمان كيبري )

الاغنيه
اصدرت بالظبط في 2002

في البوم



Şarkı Soylemek Lazım 2002
01- Şarkı Soylemek Lazım
02- İstanbul İstanbul Olalı
03- Savaşma Şeviş Benle
04- Su Gibi
05- Nihayet
06- Seni İstiyorum
07- Dansöz Dünya
08- Tanrı İstemezse
09- Güngörmemişler
10- Şen Şarkı
11- Deli Gönlüm
12- Kıran Kırana

http://rapidshare.com/files/52624625...wtmuzik.us.rar

وغنتها كيباريا في 2006
وايضا سيبل جان في 2006 في مسلسل اسمه ah istanbul
وكانت اغنيه المقدمه للمسلسل
وده الموقع الرسمي لسازان اكسو
تقدروا تتاكدوا من تاريخ انتاج الالبوم
http://www.sezenaksu.net/index.php
هتلاقوا الالبوم بعد الضغط علي diskografi
وده موقع اخر ليها اسهل شويه
http://www.sezen-aksu.com/


وده البوم كيباريا
Kibariye - Gulumse Kaderime 2006


Kibariye - Gülümse Kaderime - 01 - Gulumse Kaderime
Kibariye - Gülümse Kaderime - 02 - Yar Yar
Kibariye - Gülümse Kaderime - 03 - Sevemem
Kibariye - Gülümse Kaderime - 04 - Ah Istanbul
Kibariye - Gülümse Kaderime - 05 - Birgül
Kibariye - Gülümse Kaderime - 06 - Yillarim Aglar
Kibariye - Gülümse Kaderime - 07 - Duman Duman
Kibariye - Gülümse Kaderime - 08 - Isterim Seni
Kibariye - Gülümse Kaderime - 09 - Nerdesin
Kibariye - Gülümse Kaderime - 10 - Salla Yavrum
والاغنيه المقصوده رقم 4 اه اسطانبول


وسبب صدمتي ان محمد فؤاد خد اللحن بتاع الاغنيه بالملي

وعمله اغنية طمني عليك اللي كسرت الدنيا في مصر

واللي يحزن انه كتب عليها بكل بساطه

لحن : محمد فؤاد !

ياخسارة انا لو حبيبك والحب الحقيقي يا فؤش :(

صورتك اتهزت بالنسبالي اوي

ومعنتش هروح علي صورتك اخدها فحضني وانام :(

اسمعوا الاغنيه وشوفوا الكليب وقولولي رأيكم ...

حتي الاغاني مش عارفين نلحنها لوحدنا .....

حاجه تحزن

:((



لتحميل الأغنيه

اضغط هنا

وده الفيديو كليب بتاع الاغنيه

مستني رأيكم ...

البلوج الذي دخلته ربما يكون مغلقا ... يرجي المحاوله بعد الامتحانات

البلوج الذي دخلته ربما يكون مغلقا ... يرجي المحاوله بعد الامتحانات

------------------------------------------------------------

نلقاكم بعد الامتحانات باذن الله

اسالكم الدعاء لي ولزملائي بالنجاح والتوفيق

واتمني ان تمروا علينا من حين لأخر

(زوروني كل اسبوع مره ... حرام تنسوني بالمره)

نشرة الاخبار الليكوريكيه

السلام عليكم ورحمة الله وبركاته

اعزائي المتصفحين ، البلوجاريه والغير بلوجاريه

هذه نشرة الاخبار الليكوريكيه

تأتيكم من جمهورية زيكا الشعبيه

نبدأها بالاخبار المحليه والعالميه :


احتفالات مدويه في قوضتي بمناسبة انقضاء شهر ابريل مع الاعتذار لمواليد هذا الشهر

انباء عن انفراجه في الازمه الماليه اللي كنت بمر بيها ... وبوادر ازمه ماليه اخرى في الطريق

يتواصل الفقر الليكوريكي علي جميع الاصعده والمستويات الدراسيه وغير الدراسيه ،
ومصادر سريه تؤكد : اني بدأت اتخنق مني خلاص

اضرابات في مواعيد النوم والصحيان بسبب التوقيت الصيفي الجديد (شكلي همشي بالساعه القديمه وخلاص )

وردود افعال واسعة النطاق بعد شرائي (طقم الهدوم الجديد) ... وليكوريكا يؤكد : دي اقل حاجه عندنا :)

اخبار الرياضه :

يستعد ليكوريكا لدخول معسكر مغلق في قوضته لامتحانات اخر العام ، وتدريبات مكثف للمذاكره على المكتب (يمكن تجيب نتيجه)

ليكوريكا يشتري (دماغه) بعد مجاب آخر من اللي بيشوفه في الكليه ، وسياج من السريه يحيط بقيمة الصفقه ... ومحدش عارف اشترى دماغه بكام ؟

انباء عن اعتزال ليكوريكا للبلاي استاشن بعد الهزيمه الأخيره وليكوريكا يؤكد : دي مجرد كبوه ، واحنا معندناش فريق ناشئين في ايطاليا :)

ترددت الشائعات حول ليكوريكا لاعب زيكا الدولي بعد خروجه يرتدي (التيشيرت الأحمر) ، وليكوريكا ينفي انتقاله للأهلي قبل نهاية الموسم الحالي

اخبار منوعه :

في تصريحات لليكوريكا عقب انتهاء شهر ابريل اللي اتولد فيه نص صحابه ، خرج ليكوريكا مذكرا الجميع بعيد ميلاده القادم
وهو يوم 6-6-2008 الموافق يوم الجمعه ، يعني اجازه رسمي (طول عمرك فقر يا ليكو )
وقال ليكوريكا انه نظرا لظروف الامتحانات والاجازات ، فالهدايا (الماديه والعينيه - مفيش حاجه اسمها معنويه)
يتم استقبالها من بداية الشهر حتي نهايته ، ونظرا لحالة الافلاس المتوقعه ،
فانه بات من الصعب عمل عيد ميلاد وشراء طووووووورطه ، لكن لو حد عاوز يشتري يبقي اهلا وسهلا :)

الحاجه الوالده : في تصريحات عاجله للحاجه الوالده (ماما) في المطبخ سمعها الجيران وجيران الجيران ،
ان كل الناس بتاكل طول السنه وبتصوم شهر ، اما انت يا ليكو افندي فبتاكل شهر وبتصوم باقي السنه
جاء ذلك بعد ملاحظة زياده معدلات الشراهه الليكوريكيه علي الطعام بكل انواعه ، وذلك استعدادا لموسم الامتحانات السنوي :)

الحاله الجويه :

يسود طقس ليكوريكي ... فقر نهارا ... معتم ليلا ... كئيب علي جميع الانحاء ، وتسود سحب من التفاؤل متوسطه الي معتدله لمدة دقيقه واحده في اليوم (ويا تلحقوها يا متلحقوهاش )


تنويه عن المفقودين :

1-ام ندى

2-ذاكرة ليكوريكا الموقته ram

3-ضايع مني ربع جنيه من شهرين ، اموووت واعرف راح فين


هذا وسوف يذاع حوار مطول مع السيد ليكوريكا حول دور الفهلوه والواسطه في نجاحك في الكليات العمليه

اما عن برنامج السهره فهو بعنوان

مذكرات ليكوريكا (المنحوس جدا) ، يقدمها ليكوريكا ويشاهدها ليكوريكا في 180 دوله ليكوريكيه حول العالم ، ولأنه فقر ومنحووووووووس فالارسال هيتقطع ومفيش حد هيسمعها غيره

بثـــــــــــــ خلااااااثــــــــــــ