التسميات

السبت، ٤ يوليو ٢٠٠٩

سالمه يا سلامه !


ســالمة يا سلامة مقام بياتى
كلمات بديع خيرى ألحان سيد درويش

ســــالمة يا ســـلامة رحنا وجينا بالسلامة
صفر يا وابور واربط عندك نزلنــــى فى البــــــلد دى
بلا أمـــــيركا بلا أوربـــــــا مافى شئ أحسن من بلدى
دى المركب اللى بتجيــــــب احســن من اللى بتــــودى
يا اسطى بشندى

سـالمة يا سلامة

سـلطة ما سلطة كله مكسب حوشــــنا مــال وجيــــــنا
شفنا الحرب وشفتا الضرب وشــــفنا الديناميت بعنــينا
ربك واحـــد عمرك واحــد ادى احنا رحـــنا وجيــــنا
ايه خس عليــنا

سالمة يا سلامة

صلاة النيى ع الشخص منا فرصـــة ميه بلا قافيــــــة
اللى ف جـــيبه يفنجــــر به والبركة فى العين والعافية
ح تـــاخد ايه م الدنيــا غيـر الستر يا شيخ خليها ماشـية
دنيـــا فانيــــــة

سالمة يا سلامة

دى الغربـــــــة ياما بتــــــــــورى بتخــــــلى الصــــنايعى بيـــرطن
مطـــــرح ما يـــروح المصــــرى برضــه طـــول عمــره ذو تفنــن
وحيـــــــاة ربنـــــــــا المعبـــــــود وى آر فرى جود ياسطى محمود
قــدها وقــدود

سالمة ياسلامة

------------------------------------------------

الوصول يعني رحيل وعوده

وجميل ان نعود بالسلامه :)


هناك ١٩ تعليقًا:

قلب ينبض لله يقول...

كنت لسه ها أسألك أنت كاتبها ليه
بس انت في آخر البوست سيبت الأجابة


الوصول يعني رحيل وعوده

وجميل ان نعود بالسلامه :)


:) جميلة بجد

Eman Henaish يقول...

ur comment on this song little n words but huge n meaning

محاولة لكسر الصمت يقول...

وحيـــــــاة ربنـــــــــا المعبـــــــود وى آر فرى جود ياسطى محمود
ـــــــــــــــــــــــــــــــــــــ
Yes, We are very good

واحدة مجنونة يقول...

جميلة هذه الاغنية
لم اسمعها من قبل
لها مذاقها الخاص عن اغاني هذه الايام
تقبل تحياتي و مروري

سفروتة يقول...

سالة يا سلامة مقام بياتي
كلمات بديع خيري الحان سيد درويش
ـــــــــــــ
عارف الجملتين دول فكروني بأيه؟؟
فكروني ببرنامج الحان زمان
اللي بيجي في الراديو

حمد الله ع السلامة لمدونتك ويارب نشوف بوست قريب جدااااااااااااااااا

دمت بخير
:)

مدحت محمد يقول...

جميل انك تنشر التراث الجميل ده

Kiara يقول...

انا بموت في الاغنية دي بجد

r يقول...

جميل فعلا ان نعود بالسلامه
والاجمل ان نعرف نعود بالفعل

الكلمات سمعتها من قبل بس اول مره اقراها كامله
فيها معنى جميل لو فهمناه

دمت بخير

ليكوريكا يقول...

قلب ينبض بالله

بشكرك علي وجودك هنا

يارب كلنا نوصل ... بالسلامه

ليكوريكا يقول...

ايمان

اسعدني وجودك بعد غياب

حمدالله "بالسلامه"

ليكوريكا يقول...

محاوله لكسر الصمت

تفتكري ؟

ليكوريكا يقول...

واحده مجنونه :

اجمل حاجه في اغاني زمان

انها من زمان :)

ليكوريكا يقول...

سفروته

المدونه هنا اذاعه وتيليفزيون وجرايد ونت

تكني مواضيع :)

نورتي المدونه ...

ليكوريكا يقول...

مدحت محمد

والاجمل ردودكم واهتمامكم

بشكرك :)

ليكوريكا يقول...

كيارا

علاقتي بالاغنيه دي في رحلات زمان

بتاعة المدرسه

:)

عموما اي خدمه

سيبي بقى جنيه فضه علي باب البلوج وانتي خارجه :)

ليكوريكا يقول...

كيارا

علاقتي بالاغنيه دي في رحلات زمان

بتاعة المدرسه

:)

عموما اي خدمه

سيبي بقى جنيه فضه علي باب البلوج وانتي خارجه :)

ليكوريكا يقول...

بسنت

اكيد المعني الصادق بيوصل

نورتيني :)

Kiara يقول...

ايه دا هو انت منهم

طيب هو المدونه بقيت باب السيدة

ياحيييييييييييني صحبت حليا

خلاث خج روبع جنيه مخروم اهو ولا تزحل اءاءاءاءاءاء

زهرة يقول...

اممممممممم اسمى بردوا معناه زى الفل

انا اسمع المقطع دة من صغرى على طول كان كل ما حد يسالنى اسمك ايه ياشاطرة بعد اجابتى على طول اسمع "سالمه ياسلامه رحنا وجينا بالسلامه" بس عمرى ما عرفت ليها باقى

تصدق حلوة اوى

مش مهم اللي فات - سيبوني احلم باللي جاي