هسكت خالص
مش هتكلم
مش هتألم
مش هصرخ
مهما يكون ...
الجرح معلّم !
بس اوعدني
متسالشي ...
ساكت ليه ؟
اصل انا حالف
اللي تاعبني ...
مقولشي عليه !
اصل انا عارف
انك عارف
ايه فيا ؟
وقلبي فيه ايه :(
مش هتكلم
بس هتسمع
آهه بتخرج ...
مني وتوجع
مش هبكي
بس دموعي هتوصلك
هتقولك ...
تعالى امسحني :(
اياك تسمع !
متجيش !
وان جيت اوعاك تسألني
غيرك ايه ؟
اصل انا حالف
اللي تاعبني ...
مقولشي عليه !
اصل انا عارف
انك عارف
ايه فيا ؟
وقلبي فيه ايه :(
خليني اموت وانا مش جنبك
خايف علي قلبي وعلى قلبك
خايف لما تقرب ليا
تبقى ضحيه
ابعد عني ... عن احزاني
قلبي مسامحمك :(
خليني اموت وانا مش جنبك
خايف على قلبي وعلى قلبك
خليني وحيد
مش هبكي ولا هبقى سعيد
مش هتكلم
مش هتألم
مش هصرخ
مهما يكون ...
الجرح معلّم !
محمد نبيل
24-11-2009
هناك تعليقان (٢):
جاااامده جدا واحاسيسها روعه
بجد جميله جدااا
جميله ياليكو بس انا ضد ان يبقى فى جرح جواك وانت عارف اللى اللى بتحبه حاسس بيك وتنكر الحزن وماتتكلمش معاه
امال مين يخفف بقى؟!!
عيدك سعيد ياليكو
إرسال تعليق