"ربما تشتاق الحجرة المهجورة إلى الحياة, لكن الحياة أبدا لا تشتاق إلى ما فقد الحياة..."
ده رد جه عالموضوع اللي فاتت ...
علي قد مهوا كان مؤلم ... علي قد مهوا خلاني افكر فيه واسال نفسي مره واتنين وتلاته ...
هل فعلا الحياه لا تشتاق الي ما فقد الحياه ؟
بس ده يخليني اسأل :
اليس لكل منا دور في حياته ؟
فما هوا دور الحياه وهي مخلوق من مخلوقات الرحمن ؟
الن تشتاق الينا ارواحنا بعد عِشرة ساعات او ايام او شهور او حتي سنين ؟؟؟
الن تشتاق المياه الي الأرض الجدباء لتحييها وتنبت ما فيها من زرع وتنبت ما فيها من حياه ؟
الا تشتاق الشمس الي الارض التي غابت عنها لنصف يوم كامل وتتألم لوداع اخري كانت فيها منذ دقائق ؟
الن يشتاق الحب للقلب الخالي كما يشتاق القلب للحب ؟
لست ادري كي اجيب ... ربما تكون وللاسف الاجابه : لا والف لا ...
لكنها مجرد تأملات ...
21-2-2009
هناك ١٤ تعليقًا:
يااااااه فينك من زمان ياليكو
مختفى فين ؟؟
كتابتك كعادتها
متميزة
تقبل تحيااتى
بوست متميز
تقبل تحياتى
ادعوك لزيارة مدونتى...
يامهلبية يا..
اولا حمدالله على السلامه بعد غيبه
ثانيا تأملت فأبدعت كالعاده
لكن اللي انا اعتقده ان اللي بيفارق الحياه بيرتاح لكن اللي بيفضل هو اللي بيتألم
لو الشمس بطلت تظهر يمكن ترتاح لكن الأرض هتفضل حزينه على فراقها
معتقدش حد يعرف خبايا ما بعد الرحيل
لكن مهما كان متتوقفش عن الكتابه
طول ما انت بتتأمل بتسعدنا بجد
تحياتى
الفكره غريبه ياليكو
اولا حمد الله على سلامتك
لكن الاجابه بقى اعتقد فعلا لا والف لا
ليه بقى؟
الشمس مش بتشتاق للارض لانها مش محتاجها انما الارض محتاجالها فبتفتقدها
الحب مش بيشتاق للقلب لانه مش محتاجله انما القلب عايش بالحب ف بيشتاقله
المياه مش بتشتاق للارض لنفس السبب لان الارض هى اللى محتاجالها برضو وبتعيش بيها
يعنى الحياه نفسها هى اللى بتحكم مين يشتاق لمين ومين محتاج لمين؟!
يارب تكون دلوقت احسن
السلام عليكم ورحمة الله وبركاته
هل تشتاق ارواحنا
استغربت للتساؤل ده بالذات
عارف ليه
هو احنا ايه وارواحنا ايه
الانسان روح وجسد
والجسد ده زي مقال عنه د/مصطفى محمود عامل زي الجاكيت الجبس اللي بيقدنا
احناروحناو روحنا احنا لكن الجسد دا مجرد وعاء ليها ولما تسيبه هتحرر منه لان هو مش الاساس مجرد محل وليس اكثر
اما عن الشمس والارض والمياه فبعتقد انهم لا يشتاقون الي احد اتعلم لما لانهم يفعلون ما يؤمرون فقط وليس لهم حق الاختيار ومن لا يملك الاختيار لا يشتاق لمن لا يملك الاختيار فلا شمس اختارت الشروق والغروب ولا المياه اختارت حق رى الظمأ ولا الغيوم اختارت ان تمطر قطرات الماء
ولكني اظن ان الارض تشتاق للانسان لان الانسان حينما يحب فهو لم يجبر ولكنه اختار واختيارك لشيء هو تكريم له مما يجعله يكرمك لتكريمه ويجعله يحبك ويشتاق اليك
مجرد تأملات معك برده
شكرا لك
تحياتي
الى اللقاء
كما قالت حبيبة ربما السبب الذي قد يجعل الإجابة لا, هو أن الاحتياج بين ما ذكرت ليس متبادلا, فالأرض لن تستمر بدون شمس, لكن الشمس تستطيع أن تفعل بدون الأرض,
..ربما لا تكون القاعدة عامة, فبين بني البشر قد نرى اختلافا, هو يحتاج إلي, حين أغيب عنه سيشتاق إلي, وساشتاق أنا ايضا إلى ذلك الانسان الذي ارى في عينيه الاحتياج لي,
لكن عذرا سيدي, لا زلت عند رأيي, الحياة لا تشتاق إلى ما فقد الحياة, وإن كانت كما تقول مخلوق من مخلوقات الله, فمهمتها هي أن تمنح ذاتها لمن يطلبها بصدق, شرط أن تكون فيه البذرة, وإلا فلا...
يااه اخيرا يا نبيل رجت تاني
بقالي كتير مقرتكش
بجد بقيت مميز جدا انا مبقرش :)
بخصوص موضوع البوست بصراحه...معرفتش ارد انا جيت اسلم بس :)
الن يشتاق الحب للقلب الخالي كما يشتاق القلب للحب ؟
أتمني دا من كل قلبي
حمدالله علي سلامتك وعودة متميزة كعادتك دايما
تشتاق الارض للحياه ولكن لا يشتاق الماء للإحياء
تشتاق ظلماء الارض للشروق والنور ولكن النور لم ولن يتغيير فهو نور
سيدى اذا كانت الحياة تشتاق الموت فعندها ربما تكون الاجابة نعم
عمرو
دعاء :
واحشني مواجهاتك
محمود :
دعوتك مقبوله
نور :
ردك اسعدني ، واتمنى مكنش ضيف تقيل
حبيبه
كيمت
محاوله لكسر الصمت
اجمل 3 ردود :)
بنت الماضي
وعليكم السلام يا ستي
-----------------------
قلب ينبض بالله
منوره بنبضاتك الربانيه
-----------------------
وفاء
شكرا لردك
----------------------------
الجنوبي
نورتني :)
إرسال تعليق