قرررررررررررب قرررررررررررب قرررررررررررب
تعالي يا بيه ... عروسه انما ايه
صيدليه ... ميه ميه
ليها الحق انها تفتح صيدليتين
يعني دخلها الشهري مش هيقل عن الفين :)
ومش بس كده ... دي هتعالج ولادك ببلاش
ومش هتخليك تشتري ... لا قطن ولا حتي شاش
والبامبرز كمان عليها ...
وكريمات وشها ورجليها
يعني من الأخر توفييير توفيييير توفيييير
وهتشيلك في عنيها الاتنين ...
ولو جعت ... أكيد هتأكلك فيتامين
ده غير الشامبوا والصابون ...
وعشان سنانك هتجيبلك معجون
وميهمكش ان كانت حوله ...
او شبه امنا الغوله
دي يا بيه صيدليه مفيش زيها
لو جابتلك ضغط ... علاجك عندها
الحق اتقدم ومتترددش
بسرعه قبل نفاذ الكميه
وهوا احنا عندنا كام صيدليه ؟!
-----------------------------------------------------------
معلش لكل اخواتي من الصيدليات
وانا متعمد اقول صيدليات مش صيدلانيات
اصل الموضوع نرفزني اوي
وانتو عارفينني عندي الضغط ومبحبش احط حاجه فنفسي
المهم بقي يا بلوجرز يا حبايبي
انا كنت قاعد في امان لله
والاقيلكم واحد معرفه جاي وعايزني في موضوع مهم
ايون ايون ... مهم اووووووووووي ويمكن كمان اهم من قضية الحضري :)))
في ايه يا عمونا ...
قلقتني ...
السمباساتيك بتاعي اشتغل ...
انطق يا جدع ...
واخييييييييييييييييرا نطق
بص بقي يا ليكو افندي
انا عارف انك واد واصل وشغلك في الانشطه والاسر مخليك تعرف ناس كتير في الكليه ولاد وبنات
وانا قصدك في خدمه ...
وماله يا سيدي ... ليكوريكا دايما (داخل نطاق الخدمه)
اتصل انت بس ... الدقيقه بجنيه ونص :)
قول يا عمونا ايه طلباتك ... عاوز ايه بالظبط
يرد بمنتهي الأدب والاحترام : عاوز عروسه
يالهوووووووووووووووووووووووووووووووي
يا خراااااااااااشي
هزززززززززززززززززلت
ليكوريكا هيشتغل خاطبه علي اخر الزمن
تؤ تؤ تؤ تؤ
موستحييييييييييييييييييييييييييل
وعلي رأي اليسا
اعصاااااااااااااااااابي ... لازوردي :)
وعاوز عروسه ايه ان شاء الله
حلاوه ولا بلاستك ...
يرد وهو أكثر كسوفا : عاوزها صيدليه !
صيدليه !
صيدليه ازاي يعني ... ؟
صيدليه يعني هتتخرج من كلية صيدله !
ايوه يعني ... انت حاتط عينك علي حد ؟
لا لا انا كل اللي طلباتي انها تبقي صيدليه ...
ازاي يعني ... يعني مش هتفرق ان كانت
طويله او قصيره
تخينه او رفيعه ...
فودافون ولا موبينيل ...
ياهو ولا ام اس ان ...
يرد قائلا : لا لا خالص ولا حاجه من دول ... المهم انها تكون صيدليه !
امممممممممممممممممممم
طب ممكن اسألك سؤال محشوؤر في نغاشيشي
ايشمعني صيدليه يعني ...
ايه بتحب ريحة الأدويه ؟!
يرد بثقه : لا يا ليكو افندي كل الموضوع اننا عندنا بيت زي الفل وفيه تحت البيت محل كبير ممكن يبقي صيدليه فزييييييييييييعه وجنبنا مستوصف وهتشتغل هتشتغل باذن الله، فانا قلت طالما كده كده هتجوز ... يبقي ادور عليها صيدليه وخلاص !
لا تصدق تفكير جهنمي ... واهو منها جوازه ومنها مشروع استثماري
ها يا ليكو هتساعدني ولا ايه نظامك
انت فعلا محتاج مساعده ومساعده جامده اوي ... بس مش مني !
امال من مين ؟
من وزارة القوي العامله :)
انت بتتريق ياسي ليكو ... مكنش العشم
طب انا بقي اللي عاوزك في خدمه ...
قول يا سيدي ، انا هطلع احسن منك واخدمك بعيوني ...
ها عاوز ايه ؟
معندكش ليا عروسه عندها بيت وفيه محل زي الفل وجنبيه مستوصف وتاخدني بشنطة هدومي واهو مني عريس واهو مني مشروع استثماري؟
-----------------------------------------------------------
انجدونا يا بشر
في ناس لسه بيفكروا كده
يعني ايه ... لو الصيدليه اتقفلت مثلا
يبقي خلاص كل واحد يروح لحاله
طب الجواز ده اسميه جواز ايه ؟
جواز محلات ؟!
الكلام اللي فوق ده كلام حصل فعلا ... ومعايا شخصيا
طبعا انا رفضت اساعد او اساهم في جريمه زي دي
بس انا مستغرب
معقول في القرن الواحد والعشرين في ناس بتفكر كده ؟
ونرجع نقول ليه الجواز بيفشل ...
وليه معدلات الطلاق زادت ...
محتاج اسمع رايكم ...
هل في بنت تقول انا عاوزه اتجوز دكتور ولازم عريسي يكون ظابط او مش هتجوز غير مهندس
وينفع ولد يقول انا عاوزها صيدليه ... او موش عاوزها دكتوره ... او لازم تبقي مهندسه ؟
ردوا عليا ... واتحفونيييييييييييييييييي
ليكوريكا
(فاصل اعلاني : مجرد مشاعر
بلوج
(للمشاعرجيه)
وبس
خدلك بصه ... مش هتغرم حاجه
http://just-afeeling.blogspot.com/)
هناك ٤٤ تعليقًا:
ياااااااااااااه انت لسه فاكر يا نبيل الموضوع ده
ده موضوع من ايام افتتاح كليه الصيدله
احنا هندنا بقى اللى بيدور على صيدلانيه ده بيكون اصلا صيدلى وعنده صيدليه شغاله بس عاوز مراته تقف بداله ويروح هو لاى شركه ادويه
يعنى اهو توفير بدل مايجيب حد يقف مكانه
يعنى مثلا المهندسات اللى زى حالتنا يعملو ايه يعنى؟
عارف بقى المهندسات عكس كده فعلا
اللى عاوز يتجوز مهندسه فقط لانها مهندزه
برستيج يعنى (مش عارفه على ايه يعنى )
بس شرطهم انها ماتشتغلش عشان البهدله
قولى بقى انهى احسن؟؟
والله حاجه تشل
المهم لاقيتله العروسه سعيده الحظ ولا لأ
لوووللللي انا التعليق التاني
بجد انت راجل سكر
رووووووعه بجد
انا بحب الطريقه دي جدااااااا
ياه بجد انت اللي فتحت نفسي اني اتابع تاني
بالنسبه للرآي
اكيد فيه
وفيه كتييير جدا
لان دووول يا سيدي
فقدوا نعمة كبيره
اسمها روح ومشاعر
اصبحوا زي الجماد
وتفكيرهم مادي وفي جسدهم وبس
اهم حاجه عنده
الفلوس
السكن
اللبس
المظهر
السمعه
بجد يعني حاجه اعو ذ بالله منها
طول ما الواحد مع ربنا وماشي صح
هيعيش طول عمره سعيد لانه ماشي صح
لكن اللي يفكر في حاجه تانيه
ويعمل نفسه فالح
هيقع في اول حفره تقابله
قصتك دي فكرتني بفلم هندي
شوفتوا النهارده
معلش طولت عليك
بس بجد نفسي اكتب
وابسط ياعم مش هكتب الفلم الهندي
ههههههههههههه
سلام يا جميل
اخوك
أمير مملكة الهدوء
أحمد
واضح ان الموضوع مأثر فيك جامد
دا علي فكرة منتشر اوي
الواحد من دول يبئي شرطه الاساسي في العروسة انها تكون صيدلانيه منها هايفتحلها صيدليه ويلم بئي فلوس كتيير ومنها هاتكون قاعدة في البيت ومتفرغاله
ماتلومش الناس اللي بتفكر كدا
لوم البنات اللي بتوافق علي الوضع دا وبتبئي عارفاه وبتتقبله بصدر رحب كمان
الموضوع دا منتشر اوي في الزقازيق
مش انت من الزقازيق برده؟
وبالنسبه للبنات اللي بتشترط ان يكون عريسها دكتور او ظابط او مهندس
ففي حاجه اسمها التكافؤ اللي لازم يكون موجود في الجواز
بص يا نجم انا عايز اقولك حاجة الأصل في الجواز انك تشوف حد بيتقي الله وتتجوزه والكلام للطرفين راجل وست
لكن في زمانا دة كل حاجة اتلخبطت الست عايزة تتجوز واحد مركزه مرموق ومش مهم بقي شخصيته ايه بيحبها ولا لاء هيعاملها ازي المهم المظهر قدام الناس والحجة التكافوء
والراجل بردة بيدور علي المصلحة وصدقني هتلاقي بنات كتير قوي هتوافق هتقولك علي الأقل هبقي باشتغل في صيدلية جوزي يعني صيدليتي
للأسف بقينا مجتمع مصالح علشان كدة وصلنا للي احنا فيه
سلام
يا راااااااااااااجل اعصابك انت ما تعرفش الموضوع دة وللا ايه؟؟؟؟؟؟
اتفرج على اعلانات اريد عريسا فى اى مجلة وشوف عايز عروسة شقراء صلعاء بيضاء سمراء المهم تكون طبيبة.......
اريد عريسا:مطلوب عريس طويل قصير يفضل السلك الدبلوماسى........
وخد من دة كتييييييييييييييييييير
هههههههههههههههههههه
دى مهزله والله
البنت من حقها انها تتشرط وتتدلع وتقول انا عايزه اتجوز دكتور
عشان يبقى اسمها حرم الدكتور
اما حكايه اللى عايز صيدليه ده
اول مره اسمعها بصراحه
دا عايزها يعيش على قفاها ولا ايه مهى متتفهمش غير كده
والشعر اللى انت عامله ده تحفه
احييك
يااااااه ياليكوريكا
ده انت متاخر خالص على فكرة بقى ده طبيعى جدااااا وعندى واحد اعرفه هيموت على صيدلانيه وعلى فكرة هو مهندس يعنى المفروض انه بيفهم
وبصراحه انا كمان نفسى وبدعى ربنا انى اتجوز مهندس بس مش والله لانهم فلوسهم بتبقى كتير ولا علشان البرستيج ابدا والله
انما الحكاية انى بحب دماغ المهندسين فقط لا غير انما ده مش معناه انى عايزاه كده على الاطلاق وبدون تفكير فى الشخصيه المهم اولا واخيرا الشخصيه المحترمه اللى تعرف ربنا...
بس العادى ان زمنا زمن فلوس علشان كدا التفكير المادى فرض نفسه على الناس...هون عليك يااخى
دمت بكل خير
اتحفك ايه بس يا ابني ما انت اتحفت خلاص من صاحبك
نهار مش فايت ارجوك قولي انه بيهزر
تحتيه صيدلية وجنبيه مستوصف ؟؟ ايه ده؟؟
انت عارف لو هو مثلا في صيدله وعايزه زيه اعديهاله انما افرض بعد ما اتجوز بيته وقع وعزل ،، سافر،، الصيدلية فلست،، يطلقها بأه ولا ايه
ليكوريكا،،، يختييييييييييي على اسمك ده!!!! ماله محمد يا ابني؟؟ حرام عليك ده انا لو قلت لستو انا اعرف واحد اسمه ليكوريكا اتفرج ع اللي هتقوله،، دي بتتلخبط بين مرام ومنار ،، شوف انت ليكوريكا ده هيعمل ايه
ما تعملنا كده بوست عن الاسم ده :)
مها ميهوووو
هههههههههه
هههههههههه
ههههههه
عمرى ما ضحكت كده
او مش ضحكت كده من سنين طويلة
ربنا يسعد قلبك
سلام
كل التحيات
تحت شعار
" عروسة ومشروع "
يبحث عن صيدلانية !!
لا حول ولا قوة الا بالله
ربنا يهدى شباب المسلمين..وبناتهم
اسلوب رائع فى العرض..
توقعت انه النوع ده من الزواج انتهى من زمان ..
لكن واضح انه لسه موجود
سبحان الله ..ربنا يهدي ..
عوووووووووووووووووو انا جيت اتخديت
...........................
ههههههههههههههههههههههههههههههه
الموضوع دة من زمااااااااااااااااان اوووووووووووووووووووووووووى
ههههههههههه
هههههههههههههه
ههههههههههههههههههه
بجد ..انت مش متخيل كمية الضحك اللى ضحكته لما قريت البوست ..
هى طبعا كارثة ... والمشكلة انها واقعية جدا جدا ...
واحد قريبنا ... نفس المنظر دا كدا ..فضل يدور على صيدلانية .. 10 سنين .. علشان نفس اللى حضرتك قلته دا ...
عندهم صيدلية .. وعايزها تشتغل فى المعمل بتاعهم معاه وحاجات غريبة كدا ...
عشر سنين بيدور ولما فقد الامل ... هيتجوز ... واحدة أقل من كل البنات ..اللى شافهم .... والحمد لله هيتجوز أخيراالشهر الجاى ...
عقبال صحبك الغريب ده ..مايبطل ...
قبل ..ما كل حاجة تضيع .. وربنا يهدينا جميعا ...
أول زيارة للبلوج ...
شكـــرا لزيارة لبوجى ..
وان شاء الله تتكرر ..
سلاااااااامز
السلام عليكم
انت مستغرب من انه فى القرن الواحد والعشرين بيحصل كدا يادكتور هو دا اللى ماشى ومش بعيد انت كمان تدور على دكتورة بشرية تتجوزها عشان تبعت ليك العيانين
سؤال واقف فى زورى
طب وبنات الكليات النظرية تعمل ايه
كدا احنا هنعنس :خ
سلامووووز
والله العظيم انت جامد
البلوج تحفه واسلوبك تحفه
وبعدين يا سيدى سيبك من الراجل ده
أنا عايز اشوف بنت كاتب كبير اتجوزها علشان اتظبط على قفاه واحاول اكتب روايتين كده وانشرهم
واحط صباعى فى عين اجدع ناقد
واصل يا باشا
حوار الصيدلانيات ده كتر قوى الايام دى
ومش بعيد تلاقى بعد كده واحده عايزه تتجوز واحد بتاع فول علشان عندهم المحل والقدره والأنبوبه
تحياتى
بجد موضوع جميل
وطريقك في طرحه مميزة وظريفة
شدتني مدونتك
وأن شاءالله لي تواصل معاها دايما
تحياتي
جميلة مدونتك
واسلوبك كمان ممتع
عادى جدا ان الناس فى هذا العصر تفكر بهذا المنطق المادى على الرغم ان هذا الامر ليس بمستحدث ولكن الامور اصبحت اوفر....والدنيا مصالح
مش معنى انى باقول عادى يعنى دة صح
تقبل مرورى الاول
دومت بخير
علي فكرة أسلوبك بجد تحفة
بتطرح المشكلة بطريقة مشوقة
أما بالنسبة للبوست .. فمتستغربش حاجة في الزمن ده
زمن أهم حاجة فيه المادة
سلام
هاهاهاهاها
طب احم احم
انا صيدلانيه والله بس الحمد لله انا عندى قطقوطى الصيدلى :)(ياااه مش معقول اضيع فرصه زى دى من بين ايديا..بس ماعلينا)
بجد انا كنت بقول مابحبش الناس اللى تتجوز لمجرد الجواز
بس ماكنتش اتخيل ان حتى مجرد الجواز ده بأه بيحكمه النشرة الاقتصاديه و يتأثر بارتفاع سعر الاسهم او انخفاضها
يلا ماعلينا
.طبعا أنا دلوقتي متغاظة وعلى اخري مع اني بسمع الكلم نفسه للمرة التمانين....يعني مثلا مرة واحد صاحبنا كان عايز يخطب واحة..كل المهم فيها انها تكون معيدة في صيدلة...ومش مهم اي حاجة تانية...
..يعني فعلا المسالة بقت موضوع استثماري..ومع ذلك يمكن نقول ده عنده هدف شوية ..طيب امال تعمل ايه في واحد كل اللي يهمه انها ماتكونش بنضارة ..ولا واحدة كل اللي يهمها انه ما يكونش اسمر..ولا واحدة وافقت على واحد وقررت تتجوزه وتسافر معاه امريكا عشان (واو بيتكلم عربي مكسر)...يعني بجد الناس باه موضوع الزواج عندها اجة غير ذات قيمة وشالوا عنها كل القدسية اللي ربنا منحها ليها...وبقت الحكاية اداء واجب وعرف اتعودنا عليه..الولد باه عنده 25 سنة خلاص هنجوزه والبنت عندها 22 خلاص هنجوزها..مش مهم باه يكون فيه تكافؤ وتوافق والحجات اللي بعض الناس بيعتبروها فلسفة فاضية وكلام ماهوش لازمة...وكفاية كده به عشان الموضوع ده بيحسسني ان الحالة بقت صعبة اوي
لست أدرى يقول...
ياااااااااااااه انت لسه فاكر يا نبيل الموضوع ده
ده موضوع من ايام افتتاح كليه الصيدله
احنا هندنا بقى اللى بيدور على صيدلانيه ده بيكون اصلا صيدلى وعنده صيدليه شغاله بس عاوز مراته تقف بداله ويروح هو لاى شركه ادويه
يعنى اهو توفير بدل مايجيب حد يقف مكانه
يعنى مثلا المهندسات اللى زى حالتنا يعملو ايه يعنى؟
عارف بقى المهندسات عكس كده فعلا
اللى عاوز يتجوز مهندسه فقط لانها مهندزه
برستيج يعنى (مش عارفه على ايه يعنى )
بس شرطهم انها ماتشتغلش عشان البهدله
قولى بقى انهى احسن؟؟
والله حاجه تشل
المهم لاقيتله العروسه سعيده الحظ ولا لأ
----------------------------
العرايس كتير والله
بس خساره فواحد زي ده
اما بالنسبه للمهندسات
فسوقهم موجود
مثلا لو واحد عاوز يبني عماره :)))
متقلقيش يا حسناء ... اللي بيدوروا عالبريستيج كتير :)
لان دووول يا سيدي
فقدوا نعمة كبيره
اسمها روح ومشاعر
اصبحوا زي الجماد
وتفكيرهم مادي وفي جسدهم وبس
---------------------
يعيني عليك يا احمد
بتقول درر والله يبني
بس انا عاوز اعرف الفيلم الهندي
ملييييش دعوه هه بقي :(((
تعالي واحكيه بسرعه :)
وابقي نورني كتيييييييييييير
ليكوريكا
قلب ينبض لله يقول...
واضح ان الموضوع مأثر فيك جامد
دا علي فكرة منتشر اوي
الواحد من دول يبئي شرطه الاساسي في العروسة انها تكون صيدلانيه منها هايفتحلها صيدليه ويلم بئي فلوس كتيير ومنها هاتكون قاعدة في البيت ومتفرغاله
ماتلومش الناس اللي بتفكر كدا
لوم البنات اللي بتوافق علي الوضع دا وبتبئي عارفاه وبتتقبله بصدر رحب كمان
الموضوع دا منتشر اوي في الزقازيق
مش انت من الزقازيق برده؟
وبالنسبه للبنات اللي بتشترط ان يكون عريسها دكتور او ظابط او مهندس
ففي حاجه اسمها التكافؤ اللي لازم يكون موجود في الجواز
----------------------------
التكافؤ مهم صحيح
بس مش معني كده اننا نحدده بالمهنه
ومينفعش نقول ان مكانش دكتور يبقي بلاش منه
وانا اعرف امثله كتيير او فكروا كده وفشلوا فشل ذريع
ليكوريكا (من جمهورية الزقازيق الشعبيه)
منورني يا مصطفي
انا بس مصدوووم من الواقع
لاني اتفاجئت وبمنتهي البساطه
انه واقع !
منورني وابقي تعالي كل شويه
بص يا نجم انا عايز اقولك حاجة الأصل في الجواز انك تشوف حد بيتقي الله وتتجوزه والكلام للطرفين راجل وست
لكن في زمانا دة كل حاجة اتلخبطت الست عايزة تتجوز واحد مركزه مرموق ومش مهم بقي شخصيته ايه بيحبها ولا لاء هيعاملها ازي المهم المظهر قدام الناس والحجة التكافوء
والراجل بردة بيدور علي المصلحة وصدقني هتلاقي بنات كتير قوي هتوافق هتقولك علي الأقل هبقي باشتغل في صيدلية جوزي يعني صيدليتي
للأسف بقينا مجتمع مصالح علشان كدة وصلنا للي احنا فيه
سلام
Blogger enjy يقول...
يا راااااااااااااجل اعصابك انت ما تعرفش الموضوع دة وللا ايه؟؟؟؟؟؟
اتفرج على اعلانات اريد عريسا فى اى مجلة وشوف عايز عروسة شقراء صلعاء بيضاء سمراء المهم تكون طبيبة.......
اريد عريسا:مطلوب عريس طويل قصير يفضل السلك الدبلوماسى........
وخد من دة كتييييييييييييييييييير
------------------------------
ربنا ميحكم علي حد ويوصل لمرحلة اريد عريسا وعاوز عروسه
وخصوصا حكاية الحبل الدبلوماسي دي ::)
منوره يا انجي
يارب منكونش اخر مره :)
بنت مصريه يقول...
هههههههههههههههههههه
دى مهزله والله
البنت من حقها انها تتشرط وتتدلع وتقول انا عايزه اتجوز دكتور
عشان يبقى اسمها حرم الدكتور
اما حكايه اللى عايز صيدليه ده
اول مره اسمعها بصراحه
دا عايزها يعيش على قفاها ولا ايه مهى متتفهمش غير كده
والشعر اللى انت عامله ده تحفه
احييك
----------------------------
لا لا ازاي بقي يا بنت مصريه البنت من حقها عشان البريستيج
والولد مش من حقه
فين المساواه يا استشاريتنا
يا رجاااااااااال العالم اتحدواااا
-----------------------
منوره البلوج كالعاده
(البيت بيتك)
habiba يقول...
يااااااه ياليكوريكا
ده انت متاخر خالص على فكرة بقى ده طبيعى جدااااا وعندى واحد اعرفه هيموت على صيدلانيه وعلى فكرة هو مهندس يعنى المفروض انه بيفهم
وبصراحه انا كمان نفسى وبدعى ربنا انى اتجوز مهندس بس مش والله لانهم فلوسهم بتبقى كتير ولا علشان البرستيج ابدا والله
انما الحكاية انى بحب دماغ المهندسين فقط لا غير انما ده مش معناه انى عايزاه كده على الاطلاق وبدون تفكير فى الشخصيه المهم اولا واخيرا الشخصيه المحترمه اللى تعرف ربنا...
بس العادى ان زمنا زمن فلوس علشان كدا التفكير المادى فرض نفسه على الناس...هون عليك يااخى
دمت بكل خير
---------------------------------
امممممممممممم
بس مين قالك يا حبيبه ان المهندسين بس اللي تفكيرهم كويس
علي فكره ممكن يكون مهندس ودماغه فاضيه خالص
صعب اوي ان المهنه تحدد الشخصيه
منوره البلوج والله يا حبيبه
ويمكن اكون متأخر عالناس في التعليقات والمواضيع بس اعذروني يا جماعه ... مش لاقي وقت خالص حتي اقعد فيه عالكمبيوتر
نورتيني مره تانيه
ليكوريكا
أحسن تـستاهـل يقول...
اتحفك ايه بس يا ابني ما انت اتحفت خلاص من صاحبك
نهار مش فايت ارجوك قولي انه بيهزر
تحتيه صيدلية وجنبيه مستوصف ؟؟ ايه ده؟؟
انت عارف لو هو مثلا في صيدله وعايزه زيه اعديهاله انما افرض بعد ما اتجوز بيته وقع وعزل ،، سافر،، الصيدلية فلست،، يطلقها بأه ولا ايه
ليكوريكا،،، يختييييييييييي على اسمك ده!!!! ماله محمد يا ابني؟؟ حرام عليك ده انا لو قلت لستو انا اعرف واحد اسمه ليكوريكا اتفرج ع اللي هتقوله،، دي بتتلخبط بين مرام ومنار ،، شوف انت ليكوريكا ده هيعمل ايه
ما تعملنا كده بوست عن الاسم ده :)
مها ميهوووو
------------------------------
ايه بس يا (احسن فرحانه فيك :) )
ماله ليكوريكا
ده حتي كده كله موسيقي وتحسي فيه بعبق التاريخ
وبعدين انا عاوز تقوليه لستو
وشوفي بقي رد فعلها
المهم نرجع لموضوعنا
علي فكره الموضوع ده حصللللللللل فعلا بحق وحقيق
وكان عنده محل وجنبيه مستوصف
والادهي والامر انه مهندس :(((
اظن كده انتي اتصدمتي ... لكن عادي
ولا يهمني (احسن تستاهلي :))) )
نورتي البلوج ...
امضاء : ليكوريكا (ملهوش معني علي فكره :) )
هههههههههه
هههههههههه
ههههههه
عمرى ما ضحكت كده
او مش ضحكت كده من سنين طويلة
ربنا يسعد قلبك
سلام
كل التحيات
------------------------
يارب يا كاميليا
احنا وكل المسلمين
نورتيني
وابقي تعالي تاني :)
ليكوريكا
حملة ساندوا يقول...
تحت شعار
" عروسة ومشروع "
يبحث عن صيدلانية !!
لا حول ولا قوة الا بالله
ربنا يهدى شباب المسلمين..وبناتهم
اسلوب رائع فى العرض..
25 يونيو, 2008 02:47 م
--------------------------
شكرا ليك
بس حاسس انك الراعي الرسمي للحمله :))
نورتني لاول مره
ومستنييييييييك تاني اكيد
ليكوريكا
radwa يقول...
توقعت انه النوع ده من الزواج انتهى من زمان ..
لكن واضح انه لسه موجود
سبحان الله ..ربنا يهدي ..
-----------------------------
للاسف موجود :(
اتمني بيبقي مجرلاد تاريخ نحكيه لولادنا
ومندنناش تفكيرنا واقف عند الحد ده
شكرا لمرورك الجميل
وابقي تعالي تاني :)
كيكى يقول...
عوووووووووووووووووو انا جيت اتخديت
...........................
ههههههههههههههههههههههههههههههه
الموضوع دة من زمااااااااااااااااان اوووووووووووووووووووووووووى
---------------------------------
هههههههههههههه
ايه الرعب ده يا كيكي
نورتييييييييني
MeMe يقول...
ههههههههههه
هههههههههههههه
ههههههههههههههههههه
بجد ..انت مش متخيل كمية الضحك اللى ضحكته لما قريت البوست ..
هى طبعا كارثة ... والمشكلة انها واقعية جدا جدا ...
واحد قريبنا ... نفس المنظر دا كدا ..فضل يدور على صيدلانية .. 10 سنين .. علشان نفس اللى حضرتك قلته دا ...
عندهم صيدلية .. وعايزها تشتغل فى المعمل بتاعهم معاه وحاجات غريبة كدا ...
عشر سنين بيدور ولما فقد الامل ... هيتجوز ... واحدة أقل من كل البنات ..اللى شافهم .... والحمد لله هيتجوز أخيراالشهر الجاى ...
عقبال صحبك الغريب ده ..مايبطل ...
قبل ..ما كل حاجة تضيع .. وربنا يهدينا جميعا ...
أول زيارة للبلوج ...
شكـــرا لزيارة لبوجى ..
وان شاء الله تتكرر ..
سلاااااااامز
-------------------------
الا قوليلي
هوا قريبكم ده لاقاها صيدلانيه في الخر ولا ايه ؟
بجد انا مستعجب من تفكير زي ده
ربنا يهدينا للخير يارب
سعيد بوجودك في البلوج
واتمني دايما تشرفينا بوجودك
ليوريكا
Do not Press F1 يقول...
السلام عليكم
انت مستغرب من انه فى القرن الواحد والعشرين بيحصل كدا يادكتور هو دا اللى ماشى ومش بعيد انت كمان تدور على دكتورة بشرية تتجوزها عشان تبعت ليك العيانين
سؤال واقف فى زورى
طب وبنات الكليات النظرية تعمل ايه
كدا احنا هنعنس :خ
سلامووووز
25 يونيو, 2008 08:41 م
-------------------------------
والله فكره كويسه مخطرتش علي بالي
دكتوره وتبعتلي العيااااااانين :)))
متقلقيش يا don't press f1
حتي لو فكرت فيوم التفكير ده
هعمل للافكار دي
delet
منوراني ... بس ايه الحكمه في f1 بالدات :)
والله العظيم انت جامد
البلوج تحفه واسلوبك تحفه
وبعدين يا سيدى سيبك من الراجل ده
أنا عايز اشوف بنت كاتب كبير اتجوزها علشان اتظبط على قفاه واحاول اكتب روايتين كده وانشرهم
واحط صباعى فى عين اجدع ناقد
واصل يا باشا
حوار الصيدلانيات ده كتر قوى الايام دى
ومش بعيد تلاقى بعد كده واحده عايزه تتجوز واحد بتاع فول علشان عندهم المحل والقدره والأنبوبه
تحياتى
---------------------------
ههههههههههههه
المحل والقدره والانبوبه
تصدق مكنتش واخد بالي منهم
منورنيييييييييييي كتيييييييييييير
ابقي تعالي تاني :)))
أنثى الخيـــــال يقول...
بجد موضوع جميل
وطريقك في طرحه مميزة وظريفة
شدتني مدونتك
وأن شاءالله لي تواصل معاها دايما
تحياتي
-------------------------
اتمني فعلا التواصل
ومستني زيارتك الجايه
ليكوريكا
احلام اليقظة يقول...
جميلة مدونتك
واسلوبك كمان ممتع
عادى جدا ان الناس فى هذا العصر تفكر بهذا المنطق المادى على الرغم ان هذا الامر ليس بمستحدث ولكن الامور اصبحت اوفر....والدنيا مصالح
مش معنى انى باقول عادى يعنى دة صح
تقبل مرورى الاول
دومت بخير
-----------------------
منوره البلوج يا احلام اليقظه
انا بعتبر الحاجات الي زي دي
(كوابيس اليقظه)
اللهم عافنا يارب
تحياتي لمرورك
ليكوريكا
علي فكرة أسلوبك بجد تحفة
بتطرح المشكلة بطريقة مشوقة
أما بالنسبة للبوست .. فمتستغربش حاجة في الزمن ده
زمن أهم حاجة فيه المادة
سلام
-------------------------
منوره يا ايمان
مش زماننا بس ... حاسس ان الناس كده من زمان
نورتيني
ليكوريكا
ذربونة هانم يقول...
هاهاهاهاها
طب احم احم
انا صيدلانيه والله بس الحمد لله انا عندى قطقوطى الصيدلى :)(ياااه مش معقول اضيع فرصه زى دى من بين ايديا..بس ماعلينا)
بجد انا كنت بقول مابحبش الناس اللى تتجوز لمجرد الجواز
بس ماكنتش اتخيل ان حتى مجرد الجواز ده بأه بيحكمه النشرة الاقتصاديه و يتأثر بارتفاع سعر الاسهم او انخفاضها
يلا ماعلينا
------------------------
ربنا يخليكم لبعض
اتمنالكم (نونوه) سعييييييده
وعلي رايك
ماعليييييييييينا
ليكوريكا
دواير يقول...
.طبعا أنا دلوقتي متغاظة وعلى اخري مع اني بسمع الكلم نفسه للمرة التمانين....يعني مثلا مرة واحد صاحبنا كان عايز يخطب واحة..كل المهم فيها انها تكون معيدة في صيدلة...ومش مهم اي حاجة تانية...
..يعني فعلا المسالة بقت موضوع استثماري..ومع ذلك يمكن نقول ده عنده هدف شوية ..طيب امال تعمل ايه في واحد كل اللي يهمه انها ماتكونش بنضارة ..ولا واحدة كل اللي يهمها انه ما يكونش اسمر..ولا واحدة وافقت على واحد وقررت تتجوزه وتسافر معاه امريكا عشان (واو بيتكلم عربي مكسر)...يعني بجد الناس باه موضوع الزواج عندها اجة غير ذات قيمة وشالوا عنها كل القدسية اللي ربنا منحها ليها...وبقت الحكاية اداء واجب وعرف اتعودنا عليه..الولد باه عنده 25 سنة خلاص هنجوزه والبنت عندها 22 خلاص هنجوزها..مش مهم باه يكون فيه تكافؤ وتوافق والحجات اللي بعض الناس بيعتبروها فلسفة فاضية وكلام ماهوش لازمة...وكفاية كده به عشان الموضوع ده بيحسسني ان الحالة بقت صعبة اوي
------------------------------
الحكايه وصلت ل
(عربي مكسر)
:(((
بجد اللي يعيش ياما يشوف
منوره البلوج (ده) لاول مره
اتمني التواصل دايما :)
ههههههههههههههههه
تعرف فكرتني بحاجه .. كنت رايحه انا ونينا وماما فرح واحد قريبها .. ولقيت العروسه بشعه بشكل وكمان طريقتها في الكلام تنرفز .. بقول لنينا دي اتجوزها على ايه يعني مش شايفه فيها حاجه زياده تقولي اصلها صيدليه ..!!
عارف انا كنت ناويه اقوم اتخانق بس مسكت نفسي بالعافيه ..
لأني مش عرفت هتخانق مع مين بالضبط :(( ..
يلا ربنا يهدي الجميع ..
شكرا ليكوريكا .. وبرضو هفضل متفائله مهما تكتب ..:))
تصدق بالله انه الموضوع ده بيرفع ضغط الدم
بس اهو حقيقه من الحقايق
يتقبل مروري ومشكور على اسلوبك المميز في عرض الفكره
ياااااااااه يا ليكوريكا
انت اول مره تسمع الموضوع ده؟
ايه مشفتش الامهات اللي بينزلو الكليه اخر يوم امتحانات عشان يتفرجو على البنات ويسألو فين سنه رابعه
طيب اقولك موقف ست واقفه ومعاها ورقه وقلم وعماله تسأل البنات اللي يعجبوها اسمكم وسنكم
يا سيدي دا كتيييييييييير اويييي
وهما الولاد بس؟؟
ونص بنات مصر تقولك اناعايزاه ظابط
على اييييييييييييييييه انا معرفش
بس متوقفش في طريق الناس يا نبيل وابقىقول للبنات بردو في بان مش ممانعه ابدا تتجوز بالطريقه دي :)
ايووووووووه
قوووووول كده بقى يا بابا
بقى انت بتقول انك هتتجوز صيدلانية علشان كده
علشان انت تفتح صيدليتين باسمك و صيدليتين باسم الغلبانة من غير ما تدفعهلها فلوس !!!!!!!
يا جلدة يا نوبل
أهو شنبي أحلقه ظلبطة لو ما قولتلها على نواياك الحلزونية
إرسال تعليق