التسميات

الخميس، 26 يونيو 2008

ليكوريكا في قاهرة المعز ... واااااااااااااااااااااء





في البدايه كده يا جماعه

وعشان نحط النقط تحت الحروف قبل مندبح الخروووووووف

انا ...

واعوذ بالله من كلمه انا

ايووووووووون

I (انجليزي)

Je (فرنساوي)

Io (ايطالي)

انا (عربي)


بكررررررررررررررررررررررررررررررره

قاهرة المعز

ايون اكررررر

(انا بكره قاهرة المعز دي)

ولو ينقلوا النيل منها انا مستعد اخلي (زيكا) عاصمة مصر من بكره

بتقولولي ايه يا ليكو يبني ... احنا سايبينك البوست اللي فات عاقل ... وكنت هادي وراسي وبتقدس الحياه الزوجيه ؟!

ايه اللي جرالك يبني ... ايه قاهرة المعز عملتلك ايه بس ؟

اااااااااااااااه قولتولي عملتلي ايه قاهرة المعز

اه ياااااااااااني عاللي عملتهولي قاهرة المعز

وااااااااااااااء من اللي عملتهولي قاهرة المعز:(((

لا لا يا ليكو ... مفيش رجاله بتعيط

لا لا متقلقوش ده تمويه عشان بس (اصعب عليكم) :))

ها ياض يا ليكو ... قولنا كايرو عملتلك ايه ... يكونش (خلعتك) يا مدهول

خلعتني .... لأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأااااااه

صحيح انا بقدس الحياه الزوجيه لكن كاييييييييييروا كل الي بيني وبينها

(علاقة المواطن بعاصمة بلده)

يعني لا بصيف فيها

ولا بتفسح فيها

ولا اي في اي ارتباط بيننا ...

هيا (صداقه بريئه) وبس

وبعدين كايرو مرتبطه بال(معز) من زمان اوي

يرضيكم اتجوز واحده متجوزه ؟ ... ده حتي حرام يا رجاله


امال ايه بس يا ليكو ... قلقتنا عليك :(((


منا مش عارف ابدأ منين ...

من الشوارع الفاااااااااااااااااضيه اللي بقت فيها

ولا الخضره الي فكل مكان

ولا النظافه بتاعة الشوارع

ولا الهدوووووووووووووووووووووووووووووء التام

ولا من المواااااااااااااصلات الزئام

ولا من الهوا المترّب

اقول ايه ولا ايه ولا ايه ؟


طب عشان بس تعذروني هسيبني من الكلام الكتير اللي فوق ده


وهحكيلكم عن النهارده ... وهوا يوم مشابه لكل ايامي مع قاهرة المعز

المشهد الاول والثاني والثالث والأخير ... (انزل بالتتر يا ليكو)


-*-الفقر الليكوريكي-*-


كل الناس بتركب مترو ... (اللي دايما فاااضي)

وكل الناس بتشتري التذاكر الصفرا دي

وكل الناس بتحطها في المكنه وتعدي

لكن لان كايرو حاتطاني في دماغها ... فانا احط التذكره وتطلعلي من الناحيه التانيه

وآآآآآآآآآآآآآآآآآآل ايه يا رجاله ...

التذكره مرفوضه

مرفوضه ليه بس ... ممعاهاش بطاقه ؟

معندهاش فيش وتشبيه ؟

عاوزه واسطه مثلا ؟؟؟؟؟؟؟؟؟؟

المهم انا اروح (صاغرا) واشتري تذكره جديده

وابقي اول مواطن طلع بتذكرة المترو من المترو (دخلت التاريخ يا ليكو :))) )

انزل بالساقع يا ليكو للناس الي منورانا في البلوج

اه من الساقع راخر ...

طب انا هعاملكم بالمثل يا اهل كايرو

الكنز ب 3.5 ليييييييييييييييييييييه

والله انا مسلم مصري واقدس الحياه الزوجيه (ولن اشارك في الاثاث)

انا مش ساييييييييييييييييح

ولا حتي مجمد ...

يا جماعه (ليكوريكا) ده تمويه ... يعني عشان الضرايب

والله اسمي محمد بن نبيل بن محمد ابن الدمرداش

ولان مفيش فايده دفعت 3.5 :(

وعشان انتو منورني دلوقتي ... كل واحد يسيب 3.5 في التعليق بتاعه انا بقول اهو

المهم نرجع (للفقر الليكوريكي)

ومن المترو برضو

عمركم شفتم مترو انفاق بيتأخر ساعه الا ربع عن معاده ؟

طب عارفيييييييييين التيليفزيونات اللي بتبقي هناك دي

عمركم شفتوها عليها فيرووووس وبتترست لوحدها؟

يا جماعه ده مش فيلم عربي والله ... ده فيلم ليكوريكي زي الفل

طب بلاش دي

نروح عالقطر

وبعد اعتزال لركوب القطارات من 3 سنين فاتوا

قررت اني اركب النهارده قطر حالما بالرومانسيه

ومنظر الغيطان الجميل

والليل الرائع

والاضواء الفزييييييييييييييييعه

بتاعة البيوت والمآذن

وبرغم اني كنت فاضي من الساعه 6.30

والقطر الجاي الساعه 8 الا ربع

قرررت برضو اركب قطر

ودخلت القطر الساعه 7 تقريبا

ومعايا الكنز ابو (تلاته جنيه ونص) واخدينلي بالكم انتو :)

وقاعد في انتظار لحظة الصفر

الساعه تيجي 8 الا ربع والقطر متحركش

قلت يمكن رجليه (منمله) ولا حاجه

اعذره يا ليكو برضو ده راجل كبييير

الساعه بقت 8.15 وبرضو ممشيش

جرا ايه يا بشر ... مش هنبدأ الفيلم الرومانسي بتاعنا ولا ايه

وجائت لحظة الصفر

تن تن تاااااااااااااااااااااااااااااان

والقطر مشي

اه والله القطر مشيييييييييييييييييييييي

يا بلبوجرز القطر مشييييييييييييييييييييييييييييي

100 متر بالظبط !

والظاهر نسي علبة المناديل عالمحط وراح راجع تاني :(((

واااااااااااااااااااااااااااء

يعني ايه ... مفيش فيلم رومانسي :(

في ايه يا بشر ...

القطر عطل ...

عطل ؟

نعممممممممممم يادلعدي

(اموت واعرف يعني ايه ادلعدي دي) :))

ولان ليكوريكا مبيتبلش في بقه فوله ... ولانه دايما بيطلع اشاعات (مغرضه)

قال ان القطر بايظ ... وانه احتما يتقلب بينا في بنها

وسلام كبير اوي لكبري بنها يا نور عيني :)

وفي احتمالات كبيره لحدوث عمل ارهابي ويخطفوني ويعذبوني

وااااااااااااااء

هيعذبوني يا ام ندي

خدي بالك علي ندي يا ام ندي

قوليلها ابوكي عمره مكان نحس ابدا

وقوليلها اني كنت بموت في القاهره

وبقدس الحياه الزوجيه

و(بشارك) في الاثاث

واااااااااااااااااااء ... انا صعبت عليا اوي :(((

وصعبت كمان عالقطر ...

والحمد لله غيروا الجرار

وجابو حمار يجر القطر :)

وابتدي الفيلم الرومانسي

ووانا غايص في ملكوت ربنا

وعايش حياتي ومستمتع بكل سنتي متر بشوفه

ومطلع نص راسي بره

;h]j hk jp]e hgth[ui

الترجمه :

كادت ان تحدث الفاجعه :)

وجه قطر موازي كان (هيشيل دماغي من فوق راسي)

وصوتت بعلو صوتي

راااااااااااااااااااااااااااااااااااااااسي

بس الحمد لله ... راسي لسه فوق راسي

وعيني لسه فعيني

ومناخيري نزلت شويه علي بقي بس مش مهم

بقي ومناخيري اخوات ويساعو بعض

حضريلي كازارونه الخضه يا ام ندي :(((

وبلعت ريقي بالعافيه واستشهدت ودخلت راسي لجوه

وآدي جزاة اللي يتفرج علي فيلم رومانسي في القطر

وده كان اول مشهد ليا مع قاهرة المعز

وانا رايح احجز دوره لمده شهرين رايح جاي

كايرو زيكا ... زيكا كايرو

وربنا يستر عليا بقي :)))

تتر النهايه :

ليكوريكا ... وهو في طريقه الي المنزل

(مدندناً)

انا افقر واحد في الدنيا مش فقر فلوووووووووووس
انا اقصد فقر حاجه تانيه ... يعني انا منحووووووووووووووس !

---------------------------------------


دلوقتي علي بلوج مجرد مشاعر

(التوبه مش للميتين ... ! )

http://just-afeeling.blogspot.com/

ليكوريكا

الاثنين، 23 يونيو 2008

مطلوب صيدليه !





قرررررررررررب قرررررررررررب قرررررررررررب

تعالي يا بيه ... عروسه انما ايه

صيدليه ... ميه ميه

ليها الحق انها تفتح صيدليتين
يعني دخلها الشهري مش هيقل عن الفين :)

ومش بس كده ... دي هتعالج ولادك ببلاش
ومش هتخليك تشتري ... لا قطن ولا حتي شاش

والبامبرز كمان عليها ...
وكريمات وشها ورجليها

يعني من الأخر توفييير توفيييير توفيييير

وهتشيلك في عنيها الاتنين ...
ولو جعت ... أكيد هتأكلك فيتامين

ده غير الشامبوا والصابون ...
وعشان سنانك هتجيبلك معجون

وميهمكش ان كانت حوله ...
او شبه امنا الغوله

دي يا بيه صيدليه مفيش زيها
لو جابتلك ضغط ... علاجك عندها

الحق اتقدم ومتترددش
بسرعه قبل نفاذ الكميه
وهوا احنا عندنا كام صيدليه ؟!


-----------------------------------------------------------

معلش لكل اخواتي من الصيدليات

وانا متعمد اقول صيدليات مش صيدلانيات

اصل الموضوع نرفزني اوي

وانتو عارفينني عندي الضغط ومبحبش احط حاجه فنفسي

المهم بقي يا بلوجرز يا حبايبي

انا كنت قاعد في امان لله

والاقيلكم واحد معرفه جاي وعايزني في موضوع مهم

ايون ايون ... مهم اووووووووووي ويمكن كمان اهم من قضية الحضري :)))

في ايه يا عمونا ...

قلقتني ...

السمباساتيك بتاعي اشتغل ...

انطق يا جدع ...

واخييييييييييييييييرا نطق

بص بقي يا ليكو افندي

انا عارف انك واد واصل وشغلك في الانشطه والاسر مخليك تعرف ناس كتير في الكليه ولاد وبنات

وانا قصدك في خدمه ...

وماله يا سيدي ... ليكوريكا دايما (داخل نطاق الخدمه)

اتصل انت بس ... الدقيقه بجنيه ونص :)

قول يا عمونا ايه طلباتك ... عاوز ايه بالظبط

يرد بمنتهي الأدب والاحترام : عاوز عروسه


يالهوووووووووووووووووووووووووووووووي

يا خراااااااااااشي

هزززززززززززززززززلت

ليكوريكا هيشتغل خاطبه علي اخر الزمن

تؤ تؤ تؤ تؤ

موستحييييييييييييييييييييييييييل

وعلي رأي اليسا

اعصاااااااااااااااااابي ... لازوردي :)

وعاوز عروسه ايه ان شاء الله

حلاوه ولا بلاستك ...

يرد وهو أكثر كسوفا : عاوزها صيدليه !

صيدليه !

صيدليه ازاي يعني ... ؟

صيدليه يعني هتتخرج من كلية صيدله !

ايوه يعني ... انت حاتط عينك علي حد ؟

لا لا انا كل اللي طلباتي انها تبقي صيدليه ...

ازاي يعني ... يعني مش هتفرق ان كانت

طويله او قصيره

تخينه او رفيعه ...

فودافون ولا موبينيل ...

ياهو ولا ام اس ان ...

يرد قائلا : لا لا خالص ولا حاجه من دول ... المهم انها تكون صيدليه !

امممممممممممممممممممم

طب ممكن اسألك سؤال محشوؤر في نغاشيشي

ايشمعني صيدليه يعني ...

ايه بتحب ريحة الأدويه ؟!

يرد بثقه : لا يا ليكو افندي كل الموضوع اننا عندنا بيت زي الفل وفيه تحت البيت محل كبير ممكن يبقي صيدليه فزييييييييييييعه وجنبنا مستوصف وهتشتغل هتشتغل باذن الله، فانا قلت طالما كده كده هتجوز ... يبقي ادور عليها صيدليه وخلاص !

لا تصدق تفكير جهنمي ... واهو منها جوازه ومنها مشروع استثماري

ها يا ليكو هتساعدني ولا ايه نظامك

انت فعلا محتاج مساعده ومساعده جامده اوي ... بس مش مني !

امال من مين ؟

من وزارة القوي العامله :)

انت بتتريق ياسي ليكو ... مكنش العشم

طب انا بقي اللي عاوزك في خدمه ...

قول يا سيدي ، انا هطلع احسن منك واخدمك بعيوني ...

ها عاوز ايه ؟

معندكش ليا عروسه عندها بيت وفيه محل زي الفل وجنبيه مستوصف وتاخدني بشنطة هدومي واهو مني عريس واهو مني مشروع استثماري؟

-----------------------------------------------------------

انجدونا يا بشر

في ناس لسه بيفكروا كده

يعني ايه ... لو الصيدليه اتقفلت مثلا

يبقي خلاص كل واحد يروح لحاله

طب الجواز ده اسميه جواز ايه ؟

جواز محلات ؟!

الكلام اللي فوق ده كلام حصل فعلا ... ومعايا شخصيا
طبعا انا رفضت اساعد او اساهم في جريمه زي دي
بس انا مستغرب
معقول في القرن الواحد والعشرين في ناس بتفكر كده ؟
ونرجع نقول ليه الجواز بيفشل ...
وليه معدلات الطلاق زادت ...
محتاج اسمع رايكم ...
هل في بنت تقول انا عاوزه اتجوز دكتور ولازم عريسي يكون ظابط او مش هتجوز غير مهندس
وينفع ولد يقول انا عاوزها صيدليه ... او موش عاوزها دكتوره ... او لازم تبقي مهندسه ؟

ردوا عليا ... واتحفونيييييييييييييييييي

ليكوريكا

(فاصل اعلاني : مجرد مشاعر
بلوج
(للمشاعرجيه)
وبس
خدلك بصه ... مش هتغرم حاجه
http://just-afeeling.blogspot.com/)

الثلاثاء، 17 يونيو 2008

حتى انت يا ... محمد فؤاد !

ازيكم ايها البلوجاريه الحلوين

وحشتوني وحشتوني وحشتوني

واخيرا بعد شهر ونص امتحانات مميته

وبعد اعتزال موقت للتدوين علي هذا البلوج العزيز

رجعتلكم دلوقتي عشان ادوشكم من اول وجديد

وعشان بس منضيعش وقت كتير في السلامات

انا جايبلكم النهارده بوست (صدمه)

ايوه ايوه

صدمه !

انا عن نفسي اول معرفت اتصدمت

مش عشان الموضوع اول مره يحصل

او عشان حتي ده جديد علينا

لكن انا بس اتصدمت في الشخص اللي عمل الصدمه

معلش يا جماعه اعذروني لسه طالع من امتحانات وحاولوا كده تجمعوا معايا عشان انا فاصل اساسا

المهم يا جماعه

عارفين اغنيه طمني عليك بتاعة (محمد فؤاد)

ايون ايون ...


طمني عليك وقول فين الاقيك
مشتاق لعنيك وبدوب من شوقي ليك
وانا مش راح اعيش ...
لو موش وياك
مش قادر انساك ...

ايوه هيا نفس الأغنيه بتاعة ...

وبروح علي صورتك اخدها في حضني وانام
واهي حاجه وبتصبرني علي الايام
ايامي بقت من غيرك مليها الويل
بتعذب كل مييجي عليا الليل
طمني عليك ...

بتقولوا اه عارفين
طب وايه يعني منا عارفها انا كمان !

طيب سمعتوا عن مغنيه اسمها سيزين اكسو ؟

طب بلاش السؤال ده

سمعتوا عن ملحن تركي مشهور اسمه حسنو ؟

طب بلاش حسنوا

سمعتوا عن اغنيه اسمها اسطنبول اولالو ؟

طيب انا النهارده جايبلكم اغنية اسطنبول تلحين حسنوا وغناء سيزين اكسو


واللي عاوز اقوله ان الاغنيه دي من الأغاني المشهوره جدا في تركيه

وعلي مدار السنين اللي فاتت دي غناها أكتر من 3 مغنيين (سيزين وسيبل جان وكمان كيبري )

الاغنيه
اصدرت بالظبط في 2002

في البوم



Şarkı Soylemek Lazım 2002
01- Şarkı Soylemek Lazım
02- İstanbul İstanbul Olalı
03- Savaşma Şeviş Benle
04- Su Gibi
05- Nihayet
06- Seni İstiyorum
07- Dansöz Dünya
08- Tanrı İstemezse
09- Güngörmemişler
10- Şen Şarkı
11- Deli Gönlüm
12- Kıran Kırana

http://rapidshare.com/files/52624625...wtmuzik.us.rar

وغنتها كيباريا في 2006
وايضا سيبل جان في 2006 في مسلسل اسمه ah istanbul
وكانت اغنيه المقدمه للمسلسل
وده الموقع الرسمي لسازان اكسو
تقدروا تتاكدوا من تاريخ انتاج الالبوم
http://www.sezenaksu.net/index.php
هتلاقوا الالبوم بعد الضغط علي diskografi
وده موقع اخر ليها اسهل شويه
http://www.sezen-aksu.com/


وده البوم كيباريا
Kibariye - Gulumse Kaderime 2006


Kibariye - Gülümse Kaderime - 01 - Gulumse Kaderime
Kibariye - Gülümse Kaderime - 02 - Yar Yar
Kibariye - Gülümse Kaderime - 03 - Sevemem
Kibariye - Gülümse Kaderime - 04 - Ah Istanbul
Kibariye - Gülümse Kaderime - 05 - Birgül
Kibariye - Gülümse Kaderime - 06 - Yillarim Aglar
Kibariye - Gülümse Kaderime - 07 - Duman Duman
Kibariye - Gülümse Kaderime - 08 - Isterim Seni
Kibariye - Gülümse Kaderime - 09 - Nerdesin
Kibariye - Gülümse Kaderime - 10 - Salla Yavrum
والاغنيه المقصوده رقم 4 اه اسطانبول


وسبب صدمتي ان محمد فؤاد خد اللحن بتاع الاغنيه بالملي

وعمله اغنية طمني عليك اللي كسرت الدنيا في مصر

واللي يحزن انه كتب عليها بكل بساطه

لحن : محمد فؤاد !

ياخسارة انا لو حبيبك والحب الحقيقي يا فؤش :(

صورتك اتهزت بالنسبالي اوي

ومعنتش هروح علي صورتك اخدها فحضني وانام :(

اسمعوا الاغنيه وشوفوا الكليب وقولولي رأيكم ...

حتي الاغاني مش عارفين نلحنها لوحدنا .....

حاجه تحزن

:((



لتحميل الأغنيه

اضغط هنا


وده الفيديو كليب بتاع الاغنيه

مستني رأيكم ...






مش مهم اللي فات - سيبوني احلم باللي جاي